Login to your account

Username *
Password *
Remember Me

Kazu Ótel Lonxieng, PNTL Identifika Feto Ida Sai Sasin Prinsipál

Sidadaun Timoroan ne’ebé derepente mate iha Ótel Lonxieng-Delta, kuarta (25/05). Sidadaun Timoroan ne’ebé derepente mate iha Ótel Lonxieng-Delta, kuarta (25/05). Foto Suplay

Tempotimor (Dili)-Polísia Nasionál Timor-Leste (PNTL) liuhusi Ekipa Konjuntu kompostu husi Polísia Nasionál Sientífiku Investigasaun Kriminál (PNSIK) no Servisu Informasaun Polísia (SIP) hamutuk ho Komandu PNTL Munisípiu Likisá identifika ona feto ida ho inisiál AC ne'ebé sai sasin prinsipál ba kazu Ótel Lonxieng, akontese iha loron kuarta (25/05).

Tuir informasaun ne'ebé www.tempotimor.com asesu husi autoridade seguransa, kinta (26/05) katak, AC ho vítima kontaktu malu, no AC husi Likisá ho mikrolete tun iha Tasitolu, no vítima ho karreta ba tula, nune'e sira na’in-rua ba Ótel atu deskansa.

Hafoin to'o iha Ótel, vítima dehan ba AC hodi haris lai hafoin mak deskansa, maibé derepente SB monu iha haris fatin, no kaben mutin sai, tanba tauk AC dada vitima hodi hatoba iha sumente leten, no  halai hodi ba sa’e mikrolet fila kedas ba Likisá.

Hafoin akontese ne'ebé vítima mate iha Ótel laran, na'in ba Ótel kontaktu kedas Polísia Nasionál Timor-Leste liuhusi Ekipa Forensik lori mate isin ba Ospital Nasionál Guidu Valadares (HNGV) hodi submete ba autopsia, no dadaun ne'e mate isin iha hela HNGV.

Hafoin akontese, PNTL asegura kedas imajen vídeo  suspeitu nian ne’ebé grava hela iha CCTV ótel nian, nune'e ekipa buka tuir AC nian paradeiru iha Munisípiu Likisá (Rumah Sangat Sederhana-RSS) nian. 

Vítima Mane ho naran inisiál SB ne’ebé derepente mate iha Ótel Lonxieng área Delta 2, Suku Komoro, Postu Administrativu Dom Aleixo, Munisípiu Dili.

Husi informasaun ne'ebé www.tempotimor.com rekolla husi staff ne'ebé servisu iha Ótel refere katak matebian ba deskansa iha Ótel.

"Nia mai ohin meudia, tama iha Ótel ne'e kala jam 12 hanesan ne'e, pas nia tama mai ne'e ha'u-nia kolega mak atende no hatudu fatin ba sira”, dehan Staff Ótel Lonxieng ne’ebé lakohi www.tempotimor.com publika nia identidade, iha Delta 2 Komoro, kuarta (25/05).

Matebian SB ne’ebé tama iha Ótel ho feto ida, hodi deskansa, ikus mai matebian hakotu iis iha kuartu laran.

"Nia mai ne'e ho feto nia iha vídeo ne'e, ne'ebé ema hotu haree ne'e”, haktuir nia.

Matebian husi Munisípiu Maliana dadaun ne'e nu'udar membru Polísia Nasionál Timor-Leste (PNTL) iha Unidade Espesiál Polísia liliu Korpu Seguransa Pesoál (CSP) ne'ebé hala’o kna’ar  seguransa iha área Parlamentu Nasionál. (*)

Rate this item
(5 votes)
Last modified on Friday, 27 May 2022 01:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter