“Suspeitu ho inisiál DDS orisehik lokraik PNTL Munisípiu Lautein lori mai ona Tribunál Distritál Baukau, hodi submete prosesu primeiru interrogatóriu, horisehik kalan, bazeia ba desizaun Tribunál Distritál Baukau, komandu Munisípiu Lautein, liuhusi investigasaun kriminál akompaña lori mai ona hodi kumpre nia devér iha prizaun preventiva Bekora”, informa Relasaun Públiku PNTL, Superintendente Xefe Armando Monteiro, liuhusi Komferénsia Imprensa iha Kuartel Jerál PNTL, Kaikoli, kuarta (18/09).

Motivu husi akontesimentu ida ne’e, suspeitu mós atu selebra 20 maiu iha nian hela fatin hamutuk ho kolega sira, nune'e suspeitu ne’e obriga vítima atu limpeza jerál, maibé vítima sei idade mínimu (tinan 15) entaun vítima rejeita ne’e mak suspeitu halo agresaun to’o ikus vítima hakotu vida.

“Depois suspeitu liuhusi maneira tara tali ba kakorok vítima nia, hodi relata ba autoridade katak, kazu ida ne’e tara-an, maibé, polísia investigasaun sira uza nia estratéjia ho maneira oioin to’o ikus deskobre katak kazu ne’e la’ós vítima mak tara-an, maibé ema seluk mak hasai nia vida”, esplika nia.

Nune'e PNTL, liuhusi nia eskuadra ho servisu investigasaun kriminál sira halo ezaminasaun kontrasaun lokál krime ba kazu ne’ebé mak relata husi família tantu mós komunidade, depois bazeia ba ezaminasaun no rezultadu investigasaun, kazu ida ne’e iha mudansa husi tara-an ba fali kazu omisídiu agravadu.

Tanba ne'e, depois de atendementu no ezaminasaun lokál do krime, komandu PNTL Munisípiu Lautein, hola kedas medida polisiál halo kapturasaun ba vítima nian aman rasik ho naran inisiál DDS ho idade 50, tanba liuhusi investigasaun nia rezultadu katak suspeitu nu'udar aman husi Vitima mak oho duni nia oan, hafoin tau tali hodi tara nia oan (vítima). (*)