Print this page

PSIK Konsidera Joven Menus Edukasaun Sivika Hamosu Kazu Soe Bebé

Xefe Investigadór Polísia Sientífiku Investigasaun Kriminál (PSIK), Octavio da Costa Araújo. Xefe Investigadór Polísia Sientífiku Investigasaun Kriminál (PSIK), Octavio da Costa Araújo. Foto Tempo Timor

Tempotimor (Díli)-Xefe Investigadór Polísia Sientífiku Investigasaun Kriminál (PSIK), Octavio da Costa Araújo hatete, joven sira ne’ebé menus edukasaun sivika kontinua hamosu kazu infantasida ka soe bebé iha Timor-Leste.

“Motivu husi kazu soe Bebé (akontese aitarak laran ne'e) sei prosesu hela maibé enjerál ne'e falta de edukasaun Sívika mak hodi buat sira ne'e akontese”, dehan nia bá jornalista sira liuhusi Konferensia Imprensa iha Salaun PSIK Kaikoli, segunda (09/05).

Maske kazu infantasida ka soe bebé parte PSIK foin rezista kazu ida de'it durante tinan 2022 husi Janeiru to'o Maiu.

“Sim iha PSIK rasik ezije Brigada ne'ebé mak ita hanaran Brigada prevensaun kriminál durante ne'e ita kontinua sosializa krime sira hanesan ne'e”, afirma nia.

Alende ne'e parte PSIK mós kontinua sosializa kona-ba kazu burla ka krime infantasida, ba kazu infantasida sira ne'ebé mak akontese iha Timor-Leste tanba ema sira ne'ebé mak mai husi Munisípiu hodi hela iha Kapitál Díli. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items