“Iha dentru de 5 oras nia laran iha oras tuku tolu liu minutu 30 ita identifika kedas autór ne'ebé mak soe bebé refere ho inisiál MJ ho idade 19 husi Munisípiu Bobonaro foin mai hela iha Dili fulan rua”, dehan nia liuhusi Konferensia Imprensa salaun PSIK, Kaicoli, segunda (09/05).
Dadaun ne'e bebé nia inan ho inisiál MJ ekipa PSIK transporta ona ba Ospitál Nasionál Guido Valadares (HNGV).
“Ho kondisaun saúde la permite, tanba foin partu remata, entaun ekipa transporta kedas autora refere ba Hospital Nasionál Guidu Valadares hodi halo tratamentu saúde”, haktuir nia.
Kona-ba razaun saida mak soe bebe parte PSIK labele publika sai tanba ne'e segredu Justisa nian.
Kazu ne'e akontese iha loron domingu (08/05), bainhira PSIK simu informasaun husi komunidade katak ema soe bebé iha Faról, nune'e akipa destaka kedas hodi foti teste, nune'e ikus mai identifika autór bebé nia inan.
Depois bebé nian inan halo tratamentu tiha saúde mak foin prosesu tuir Justisa nian. (*)