Tanba ne’e, iha loron kinta (21/04) Ministru Justisa (MJ), Tiago Amral Sarmento, simu iha audénsia CEO Pertamina Indonézia hodiko’alia kona-ba prosesu sira ne’e atubele selu taxa iha futuru.
Ba reuniaun ne’e hanesan reuniaun kontinuaasaun husi Pertamina Indonézia hala’o ona ho Ministru Justisa sesante, Manuel Cárceres da Costa, iha loron 25 fulan-febreiru liuba, hodi ko’alia kona-ba regularizasaun terrenu ne’ebé sira utiliza hodi halo negósiu petróleu, iha Pantai Kelapa ne’ebé laiha kontratu arrrendamentu.
Nune’e, CEO Pertamina Indoézia ba fali Ministériu Justisa hodi kontinua halo diskusaun ho Ministru Justisa, Tiago Amral Sarmento ko’alia kona-ba prosesu regularizasaun ba Terrenu no beims imoves ne’ebé Pertamina Indonézia durante ne’e utiliza gratuita hela, tanba laiha kontratu arrendamnetu ho Governu Timor-Leste.
Aleinde ko’alia kona-ba prosesu arrendamentu rai ho estadu no husu atu halais prosesu ne’e, parte Pertamina Indonézia mós husu atu halo upgrade ka halo boot tan tanki ne’ebé iha, nune’e sira husu atu prosesa lalais prosesu arrendamentu rai ne’ebé sira utiliza.
Ministru Justisa, Tiago Amaral Sarmento, agradese ba inisiativa husi Pertamina Indonézia nian ne’ebé hakarak ona legaliza sira-ninia utilizasaun ba terrenu Estadu ne’ebé iha no inisiativa ba halo upgrade ba sira-ninia tanki rezervatóriu mina nian ne’ebé iha. (*)