“Ha'u-nia monitorizasaun liuhusi konktatu ba Diretór STAE munisípiu 12 nomós Oekussi em prinisipiu to'o agora la rejistu situasaun balun ne'ebé mak bele impede atu ita-nia sidadaun sira bele ezerse sira-nia direitu de votu ne'e ho loloos”, dehan nia hafoin halo observasaun ba sentru votasaun iha eskola Faról, tersa (19/04).

Dadaun ne'e eleitór sira kontinua forma iha sentru votasaun sira maibé iha sentru votasaun sira ne'ebé mak ki'ik, eleitór hahú menus ba bebeik ona.

“Ida ne'e siknifika katak, di'ak tebetebes, para depois ita halo preparasaun monitoring atu nune'e bele remata lalais hodi kontinua ba kontajen votu sira”, afirma nia.

Ba Eleisaun Prezidensiál ba segundu Volta ne'e, STAE kontinua halo preparasaun másimu mezmu akontese situasaun ki'ik balun maibé konsege rezolve ho di'ak to'o agora sentru votasaun sira la'o ho di'ak.

Alende ne'e Brigada iha sentru votasaun Eskola Faról, husu ba STAE, atu apoiu materiál báziku ruma, hodi prepara ba kontajen iha sentru votasaun iha eskola Faról nian. (*)