“Ha'u hakarak sita de'it pontu tolu, Ministru Justisa liuhusi VIII Governu ida ne'e mak hakotu ona normas leis, kona-ba rai propriedade Bens no imoveis, inklui atu fó sertifikadu rai nian ba sidadaun Timor-Leste no estranjeiru”, deklara Ministru Justisa (MJ), Tiago Amaral, iha salaun auditóriu Ministru Finansa, Atarak Laran, tersa (12/04).

Tanba husi tinan 2018 to'o 2022, Governu konsege atinje normas sira atu asegura ba sidadaun sira-nia direitu.

“Iha ne'e ha'u hatudu lei rai nia kona-ba bens no imoveis ne'ebé hahú husi 2002 to'0 2017 la kompletu, maibé iha fali 2018 to'os mai agora VIII Governu konstitusionál konsege prodúz ona leis normas legais sira ne'e”, esplika nia.

Ba normas legais sira ne'e atu asegura atu Governu distribui sertifikadu rai nia ba sidadaun sira, hanesan susesu boot ida ba ema hotu hein hela, hanesan ema estranjeiru no sidadaun Timor-Leste hotu hein, atu garante sira-nia atividade ekonomia iha rai-maran.

Haree ba estatu juridika kona-ba rai husi tempu Portugéz, Indonézia to'o ukun-an lakonsege rezolve husi 2002 to'o 2021, maibé úniku de'it mak bens no moveis ne'ebé nia regula jerál. (*)