“Sim, ohin hasoru malu ho komandante Jerál ne'e, relasiona ho formasaun ba judisiáriu ninia ne'ebé formasaun mazistradu judisiáriu ba membru Polísia na’in-lima, ne'ebé mak sei tuir formasaun ne'e, durante tinan ida ho balun”, informa Vise-MJ, José Edmundo Caetano, hafoin hasoru malu ho Komandante Jerál PNTL, Komisáriu Faustino da Costa, iha Komandu Jerál, Kaikoli, kinta (07/04).

Formasaun mazistradu judisiáriu ministériu públiku no defensór públiku hahú ona, komesa ona lori rekrutamentu ba formadór sira husi Portugál.

Tanba ne’e, iha ona despaisu husi Vise Ministru Justisa ba dirijente sentru formasaun atubele simu Membru PNTL na’in-lima hodi hahú formasaun ba laan-Portugéz báziku.

“Ha'u halo ona despaixu ba Diretór Jerál formasaun, sentru formasaun para nune'e bele simu karta ne'e no sira na’in-lima tuir formasaun iha Sentru formasaun ona, primeiru sira sei aprende uluk Portugéz nune'e bele fasilita ba matéria língua Portugés ninia depois ba juridiku ninia”, esplika nia. (*)