“Ita sempre levanta katak, husu ba Ministériu Públiku haree asuntu ne'e ho sériu, tanba se kuanndu la aplika sansaun ruma ne'ebé maka rigór, individu ne'ebé mak iha intensaun hakarak halo movimentu ilegál, sira kontinua halo, tanba laiha sansaun ne'ebé mak rigor ba sira”, dehan nia iha Otél Timor, tersa (5/4).

Durante ne'e sidadaun barak la kumpre no hakruuk ba regra maske Polísia Nasional Timor-Leste (PNTL) liuhusi Unidade Patrollmentu Fronteira (UPF) kaptura sira filafila ona.

Ho ida ne’e, Ministériu Públiku presiza haree kestaun ne'e ho sériu, sé la'e, sidadaun sira-nia ikun naruk, tanba kaer sira mós, sira halo nafatin tanba laiha sansaun todan ba sira.

Maibé kona-ba implementadór, husi Ministériu Interior ho Polísia Nasional Timor-Leste iha fronteira ne'e rigór hela tanba sempre halo vizilánsia no halo kapturasaun ba ema.

“Maibé no fin kuandu ita lori ba Ministériu Públiku ne'e, ami nehan laiha ona atu tata sira, tanba fora husi ida ne'e kompeténsia Ministériu Públiku nian, la'ós Ministériu Interior nian ka polísia nian”, haktuir nia. (*)