“Entaun ha'u fó hanoin filafali ba señór Ministru koko atu avansa filafali, ha'u-nia sujestaun bele avansa filafali, uluk ita kria lei apoiu fundu ba mídia sira, ha'u haruka ba Konsellu Ministru aprova tiha nune'e haruka ba Prezidente Repúblika, bele agora prezidente muda nia hanoin, uluk ha'u avansa ne'e veta maibé dalaruma bele iha mudansa ne'ebé ita koko to'ok lei ne'e bele avansa filafali”, dehan Mericio ba Jornalista sira iha Palásiu Governu, sesta (01/04).

Mídia sira iha Timor-Leste ne'e durante seidauk iha rekursu finanseiru ne'ebé sufisiente atu apoiu jornalista sira iha terrenu, nune'e mós bainhira membru Governu ruma halo atividade iha terenu, sira nafatin kontinua fasilita perdia, osan alojamentu no seluk tan.

Tanba ne'e mak Governu presiza aprezenta tan lei apoiu fundu Infraestrutura ba Prezidente Repúblika hodi tetu tan lei refere, tanba intensaun governu atu apoiu media sira ne'e mak apoiu fasilidsde Finansas no ekipamentu sira durante tinan lima nia laran.

“Mais intensaun kria lei ne'e mak ida ne'e, tanba ha'u haree didi’ak ita-nia infraestrutura mídia nian, liliu finansas, ekipamentu ne'e presiza tulun, la hatene to'o bainhira, mais mínimu agora to'o tinan lima hanesan ne'e presiza fó apoiu depois sira bele utiliza hanesan kapitál ida atu dezenvolve di'ak liu ba tinan lima mai, keta kompaña sira di'ak sira bele apoia tan”, afirma nia.

Antes ne'e Lei Apoiu Fundu Infraestrutura ba mídia, Governu liuhusi Konsellu Ministru aprova hodi haruka ba Prezidente Repúblika maibé lei refere veta. (*)