Login to your account

Username *
Password *
Remember Me

Arkedioseze Dili Hahú Loke Tribunál Eklesiastiku

Serimónia aberura ba Tribunál Eklesiastiku iha Arkedioseze Metropolitanu Dili. Serimónia aberura ba Tribunál Eklesiastiku iha Arkedioseze Metropolitanu Dili. Foto Tempo Timor

Tempotimor (Dili)-Arkedioseze Metropolitanu Dili hahú loke Tribunál Eklesiastiku hodi fó asisténsia ba patrimóniu Anoniku ne’ebé iha relasaun ho sakramentu kazamentu.

Vigáriu Judisiál Tribunal Eklesiastiku Arkedioseze Dili, Padre Graciano Santos Barros, hatete, Tribunál Eklesiastiku estabelese ho nian objetivu atu fé asisténsia ba patrimóniu Anoniku liuliu ba kazamentu batizmu sira-nia.

 “Ohin ita abertura ba Tribunál Eklesiastiku, ba oin Tribunál ne’e sei funsiona. Tribunál Eklesiastiku ida ne’e, la’ós halo julgamentu ba kazu sivíl ka kazu krime sira, tribunál ne’e relasaun ho sakramentu kazamentu matrimóniu sira ne’ebé mak hetan problema tenke rezolve iha Tribunál Eklesiastiku refere”, dehan Padre Graciano, hafoin abertura dahuluk ba Tribunál Eklesiastiku, iha Paço Piscopal, Lesidere, sesta (01/04).

Tribunál Eklesiastiku ne’e iha Primeira Instánsia no segunda instánsia, kuandu problema matrimoniál sidadaun sira la ba ona iha Tribunál Sivíl, maibé iha de’it iha Tribunál Eklesiastiku ne’ebé iha Dili, no Tribunál   Elesiastiku Arquidioseze Baukau.

“Durante ne’e ita komprende sala haruka kazu hotu ba Tribunál Sivil halo julgamentu ba divorsiu, seidauk hatete katak nia iha venkulasaun matrimóniu ne’e kore tiha ona (nia ikatan perkawinan kore tiha ona) atu kore ikatan perkawinan tenke mai iha Tribunal Eklestiku”, esplika nia.

Vigáriu Judisiál Tribunál Eclesiastiku, Padre Graciano mós esplika, prosesu julgamentu ba kazu matromoniu ne’e sei julga ho Direitu Kanoniku.

“Juiz ba Tribuál Eklesiastiku ne’e Juis sira bele ema bainbain no bele ema leigus sira ne’ebé tenke iha titulu direitu Kanoniku. Maibé agora dadaun Juis sira iha Tribunál Eklesiastiku ne’e ida mak ha’u rasik, ida seluk Padre José Antonio inklui Veunkulu Matrimoniál no Promotór Justisa”, informa nia.

Arkebispo Metropolitanu Arkedioseze Dili, Dom Virgilio do Carmo da Silva hatete, prosesu Tribunál Eklesiastiku ninian estabelesimentu hahú iha 2016 hafoin hetan aprovasaun husi tribunal supremu eklesiatiku.

“Liuhusi prosesu tinan neen nia laran no konsege hetan aprovasaun husi Supremu Tribunál Eklesiastiku iha Roma ne’ebé mak ohin ita halo ona abertura”, dehan Dom Virgilio

Tribunál Eklesiastiku ne’e nu'udar pedidu Amo Papa Santo Padre nian ba Timor-Leste atu iha duni Tribunal ne’e hodi fó asistensia ba sidadaun ne’ebé hetan problema iha nia família.

“Amo Papa konsidera katak hothotu ema ne’ebé mak atu hetan asisténsia liliu ba problema matrimoniál sira”, katak nia.

Reprezentante Santa Se iha Timor-Leste, Munsinor Marcos Sprinzzi, husu ba Arkedioseze Dili ho estabesimentu Tribunál Eklesiastiku atu fó asisténsia ba ema kbi’it la’ek sira ne’ebé hetan problema.

“Liafuan Pastor ne’e atu servi, ha’u hanoin liuhusi Tribunál Eklesiastiku ne’e Juis sira bele servi di’ak liután povu ne’ebé kbi’it la’ek ne’ebé presiza ita-nia tulun fó asisténsia no bele fó solusaun ba sira-nia problema”, dehan nia.

Partisipa iha seremónia abertura ba Tribunál Eklesiastiku ne'e, Ministru Justisa, Tiago Amaral Sarmento, Reprezentante Santa Se iha Timor-Leste, Reprezentante Administradór Apostolika Baukau no Bispo Deoseze Maliana nian. (*)

Rate this item
(1 Vote)
Last modified on Friday, 01 April 2022 14:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter