"Buat ida selingku ne'e mós komisaun simu barak los husi nivél funsionáriu públiku sira, enkuantu simu ona komisaun prosesa," dehan Prezidente CFP, Faustino Cardoso, iha salaun sentru konvensaun vila antiga Baukau, kuarta (30/03).
Tuir relatoriu iha tinan 2021, CFP rejista kazu asediu seksual barak liu pratíka husi mane.
"Kazu ne'ebé ezatu ne'e ha'u la lembra, maibé iha, akompañia de'it, ami sei ba Parlamentu Nasionál, hato'o relatóriu anúal 2021 nian kona-ba kazu ezatu," nia afirma
Nune’e, instituisaun kompetente, autoridade Munísipal no kargu tituláres sira tenke sensebelizadu hodi prevene asaun violensia, asediu seksual iha fatin servisu.
"Komisaun sempre simu prátika asediu seksual sira la'os husi mane de'it, maibé mós husi feto sira, kuandu ita temi asediu seksual labele refere de'it ba mane, feto sira mós iha," nia hatete
Maibé, númeru asediu seksual ne'ebé Komisaun Funsaun Públika rejistu, pursentu husi mane mak aas liu.
Komisaun simu kazu, sempre prosesa tuir dalan legál liuhusi prosedimentu komisaun nian no tuir penalizasaun kazu.
Kazu kaman reprensaun eskrita, to'o kazu todan, infratór balun hetan dimensaun husi Komisaun Funsaun Públika, maibé depende ba grau infrasaun ne'ebé komete husi infratór sira, tanba depende ba ema ne'ebé sente defamadu husi asaun prátika infratór nian hodi hato’o keixa.
Nia haktuir, iha asediu seksual ne'ebé mosu feto balun to'o hetan oan no komisaun mós simu ona no halo prosesu atu bele iha responsabilizasaun alimetár.
Nune'e, Komisaun Funsaun Públika kontinua servisu hamutuk ho Minisitéiru Públiku (PM), tanba MP mak na'in ba prosesu tomak. (*)