"Ita seidauk iha númeru serteza ba traballadór sira ne'ebé servisu ilegál maibé tuir informasaun ne'ebe ita asesu husi Human Resource Development (HRD) Korea Súl nian kuaze atuslima mak ses husi sistema maibé sira nafatin servisu iha Korea Súl”, dehan Dirétor DNEE Filomeno Soares iha Salaun SENAI Becora, Segunda (28/03).
Maibé Governu sempre iha kompromisiu ba traballadór timoroan ne'ebé servisu iha Koréa Súl atu kontinua servisu tuir sistema no labele sees-an hodi servisu ilegál.
“Dadaun ne'e, Governu Timor-Leste liuhusi Embaixada Timor no Adidu sira iha Kórea Súl nafatin halo akonselamentu ba traballadór timoroan ne'eb’e ses husi sistema atu mantein servisu nafatin”, dehan nia.
Enkuantu traballadór timoroan na'in-tolu ne'ebé mate iha Kórea Súl, Governu halo ona koordenasaun, organiza transladasaun mate isin mai to'o ona no Goveriu entrega ona ba família inklui mate isin ne'ebé lakon sei iha prosesu investigasaun nia laran.
Ba traballadór sira ne’ebé ses-an no ba servisu hanesan ilegál, seidauk identifika lolos númeru feto no mane, maibé esforsu Governu sei buka nafatin dalan ba traballadór sira kontinua servisu iha sistema laran. (*)