Login to your account

Username *
Password *
Remember Me

Komisaun A ho SIK Hahú Diskute Anti-Projetu LOIC

Prezidente Komisaun A, Joquim dos Santos. Prezidente Komisaun A, Joquim dos Santos. Foto Suplay

Tempotimor (Dili)-Komisaun A ne'ebé trata asuntu justisa no Konstituisionál hamutuk ho Polísia Nasionál Timor-Leste (PNTL) liuhusi Servisu Investigasaun Kriminál (SIK) kuarta (23/03), hahú hala'o diskusaun ba Anti-Projetu Lei da Organização de Investigação Criminál (LOIC) ne'ebé lansa husi deputadu sira iha Parlamentu Nasionál.

"Ohin ami ho superiendtidente Polísia Nasionál Timor-Leste (PNTL) ninian, ho Komandante Operasaun ba Investigasaun nian, rona sira-nia informasaun sira kona-ba oinsá mak atu hadi'a, organiza investigasaun Kriminál. Tituku husi projetu ne'e, Lei da Organização de Investigação Criminál (LOIC)”, dehan Prezidente Komisaun A, Joquim dos Santos ba www.tempotimor.com iha PN, kuarta (23/03).

Iha projetu lei ne'e atu kria kondisaun no organiza di'ak liután sistema investigasaun entre orgaun sira hanesan Servisu Investigasaun Kriminál (SIK), Polísia Sientífika no Investigasaun Kriminál (PSIK), Komisaun Anti Korrupsaun (KAK), inklui organizasaun sira seluk.

"Ne'e mak ita hahú uluk ona ho polísia sira, tanba sira mak loroloron hamutuk ho Autoridade Justisa sira, halo kna'ar kona-bá ida ne'e”, afirma nia.

Ba Anti projetu ne'e deputadu hamutuk na'in-neen mak sai proponente hodi aprezenta ba Komisaun A, oinsá maj atubele haree hadi'a a kestaun sira ne'ebé mosu iha terenu relasiona ho kompeténsia investigasaun kriminal nian tanba presiza hadi’a kompeténsia sira husi polísia no kompeténsia sira ne'ebé pertense ba PSIK.

"Parte Polísia sira dehan katak lei ne'e di'ak bele ajuda sira-nia servisu di'ak liután, desde ke ita mantein norma sira ne'ebé ejistensia nene'e, relasiona ho kompeténsia komstituisaun ninian, ho lei ida ne'ebé hodi hari’i polísia ninian, ita halo balansu hotu”, hatete nia.

Iha anti-projetu ho titulu Lei organizasaun Investigasaun Kriminál ne'e, artigu hamutuk 29, ne'ebé mak ko'alia barak liu kona-ba organizasaun no kompeténsia orgaun investigadór, kompostu husi SIK, PSIK, nomós informasaun sira kona-ba finanseira inklui Komisaun Anti Korrupsaun oinsá atu hadi’a sira-nia natureza no kompeténsia iha prosesu investigasaun, relasiona ho sira kooperasaun instituisionál.

"Ne'e para lei ne'e sai karik sira hala'o sira-nia kna'ar karik hala'o ho di'ak liután, atu kria objetivu estabilidade iha sosiedade e atu garante bom funsionamentu instituisional do Estadu”, dehan nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter