“Ha'u hein katak depois forúm nasionál ne'e, implementa atu follo up atu bele ajuda ita-nia feto sira, respeita feto nia direitu maturidade sufisiente e integridade no sai feto independente, violénsia ne'e mosu husi família sira tanba parte ida feto independente liuba mane hanesan kaben na’in”, dehan nia iha forum nasionál, iha fatin salaun kategral, kuarta (23/03).

Tanba buat hotu depedénsia ba mane entaun mosu brutalidade iha uma laran, tanba ne'e husu ba feto sira fiar-an forsa hodi hatudu ba públiku katak feto mós bele.

“Oinsá feto sai hamrik mesak katak feto ne'ebé kriativa ativa no inovativa, iha fatin hothotu liuliu ita mak oinsá kria ninia roda ekonomia hamutuk ho mane, feto ho mane atu kria roda ekonomia metin no forte, Reduz violénsia domestika sira”, afirma nia.

Reprezentante Uniaun Europeia, Carla Seitzue, apresia tebes ho estratéjia asaun inovativu, servisu hamutuk ho rede feto Timor-Leste atu hasoru situasaun violénsia ne'e.

“Ami iha ne'e atu ko'alia kona-ba tópiku intelizensia atu koñese feto no labarik feto sira, violénsia bazea ba jéneru faktu hatudu katak impaktu ba mundu tomak la'ós Timor-Leste de'it, sosiedade sivíl hamutuk ho Governu ho parseiru sira koko responde troka situasaun ba violénsia kontra feto”, dehan nia.

Uniaun Europeia nu'udar emabixadór dauluk hodi kontribui ba mundu tomak atu hapara violénsia kontra feto no labarik inklui igualidade feto no mane.

“Iha tempu ne'e atu foti ita-nia esperiénsia hanoin inovativu liután, ha'u kontente tebes ohin hetan partisipa másimu husi joven foinsa'e sira ba jerasaun futuru nasaun Timor-Leste nian ha'u hein katak ita-nia feto sira sei la sai vítima ba viol’ensia tan hanesan ho ita-nia ferik no aman apa sira iha tempu pasadu”, hatete nia. (*)