Ho atetude ne’ebé hatudu husi apoiante Kandidatu Lú Olo ne’ebé lori ho Bandeira FRETILI, mak militante no Estutura hamutuk ho seguransa iha Sede CNRT hadau motorizada rua ne'ebé deskonfia hala'o provokasaun iha Sede Nasional Partidu CNRT.

Motorizada rua ne'ebé mak CNRT sita ne'e, kesi hela bandeira FRETILIN iha oin hodi hala'o kombiu iha ámbitu kampaña Kanidatu Lú Olo ne'ebé mak hala'o iha Tasitolu, loron kuarta (16/03).

Tuir fonte husi partidu CNRT nian ne'ebé lakohi fó sai nia indetidade ba www.tempotimor.com, esplika,  motorizada rua ne'e parte CNRT sita tanba sira mai ho assaun komboiu no halo provokasaun inklui tuda kanek mós militante na'in-ida husi partidu CNRT iha sede Nasionál.

“La'e sira mai provoka iha sede, mai provoka iha sede ne'e mak ami tahan motorizada rua, sira tuda alin ida kanek tán, agora ami iha Sede Nasionál hela”, hatete nia liuhusi wahatsapp, kuarta (16/03).

Tuir iha vídeo ne’ebé ekipa www.tempotimor.com asesu hatudu, militante partidu CNRT rasik mós foti hela fatuk tuda militante FRETILIN na’in-3 ho motirizada ne’ebé fila iha Sede CNRT nia oin. 

Antes ne’e, iha Kampaña ba Kandidatu Prezidente Repúblika, Lú Olo’, iha Tasitolu Sekretáriu Partidu FRETILI, Marí Bin Amude Alkatiri hatete, FRETILIN la halo konflitu no la halo provokasaun, maibé FRetilin buka de’it justisa.

“Ohin balun ba provoka iha sira-nia sede la los, ne'e sala, FRETILIN la halo provokasaun, FRETILIN la halo konflitu, FRETILIN la halo vigansa, maibé buka justisa, la halo provokasaun, la halo konflitu, la halo vigansa, laiha odiu maibé justisa”, deklara Alkatiri.

Tanba ne’ebé halo Mari Alkatiri hanoin fali, katuas sira ne’ebé hasai deklarasaun oioin, tanba lakon ona ho kandidatu Lú Olo, ne’ebé sei kontinua nafatin xefe estadu Timor-Leste ba tinan 5 mai.

“Musik dehan bonkar ha'u hanoin fali katuas sira ne'e, ha'u hanoin fali sira tanba sira baku fila ona lalika bonkar ba ona, depois ha'u haris udan provoka ha'u-nia laran mos malirin kedas”, dehan nia. (*)