Login to your account

Username *
Password *
Remember Me

Defende Kualidade Televizaun, Públiku 'Tarata' CNE ho GMN Rabat Malu

Deklarasaun ne’eb’e p’ubliku espresa husi mídia sosiál Facebook kona-ba deskontentimentu transmisaun direta ba Debate Kandidatu sira iha GMN TV. Deklarasaun ne’eb’e p’ubliku espresa husi mídia sosiál Facebook kona-ba deskontentimentu transmisaun direta ba Debate Kandidatu sira iha GMN TV. Foto Tempo Timor

Tempotimor (Dili)-Prezidente Komisaun Nasionál ba Eleisaun sira (CNE), José Agostinho Belo, defende Grupu Media Nasionál (GMN) kualidade di’ak liu kompara ho Rádiu Televizaun Timor-Leste, epreza públika (RTTL,ep), tanba ne’e hetan direitu ba debate kandidatu Prezidente Repúblika (PR) 2022-2027, iha loron tersa (15/03).

Maske Prezidente CNE, defende maka’as televizaun privadu, maibé rezultadu transmisaun direta ne’ebé fó sai iha Ótel Novu Turizmu, loron 15 kalan, la fó satisfasaun ba públiku sira ne’ebé hakarak akompaña debate entre Kandidatu na’in-16.

Ho ida ne’e públiku espresa sira-nia deskontentamentu liuhusi mídia Sosiál hodi tarata CNE no GMN-TV rabat malu, tanba desizaun CNE ne’ebé ignora RTTL hodi fó direitu ba GMN atu halo transmisaun Direta.

Iha deklarasaun ne’ebé mosu iha públiku transmisaun direta ne’e prezudika Kandidatu númeru 12 no 13 ne'ebé sai vítima durante debate entre kandidatu sira.

Aliende ne’e públiku mós husu Komisaun Anti Korrupsaun (KAK) atu Investiga Prezidente CNE, kona-ba prosesu transmisaun ne’ebé halo husi GMN, tanba la fó satisfasaun ba komunidade ne’ebé hakarak akompaña debate entre kandidatu Prezidente Repúblika sira.

Antes ne’e Komisaun Nasionál ba Eleisaun sira (CNE), José Agostinho Belo hatete, ba desizaun ne’ebé CNE foti hodi utiliza mídia privadu ba debate Kandidatu sira, tanba avaliasaun ne’ebé halo ba televizaun sira hanesan Grupu Media Nasionál (GMN), Rádiu Televizaun Timor-Leste, epreza públika (RTTL,ep) tuir koutasaun ne’ebé aprezenta mak CNE deside hodi utiliza GMN-TV.

“Avaliasaun atu fó rezultadu ne'e avaliasaun tékniku la'ós avaliasaun ba ema pur ida, ita avaliasaun ba dokumentu ne'ebé hatama mai no kapasidade ne'ebé nia hato'o, avaliasaun ne'e iha ne'e, ne'ebé la dehan tékniku ida ne'ebé di'ak liu, maibé haree ba fasilidade ne'ebé iha, haree ba kustu ne'ebé iha, ita haree oinsá para ita bele hola desizaun, ne'ebé la'ós ko'alia de'it kona-ba kualidade aprezentasaun, kualidade televizaun di’ak kala’e?. Kualidade ne'e kompostu husi avaliasaun tomak ne'e mak ita rezulta dehan valór ida ne'e mak ita simu atu halo debate”, dehan Prezidente Komisaun Nasionál ba Eleisaun sira (CNE), José Agostinho Belo, liuhusi Konferénsia Imprensa iha Sala CNE, Kolmera, segunda (14/03).

Tanba ne'e, públiku tenke hatene, mídia ne'e iha konstituisuan konsagra ba mídia hothotu, la ko'alia mídia ida ne’e mak Estadu nia, mídia ida ne’e privadu nia.

“Ita-nia Estadu ne'e la'ós estadu ida sentralizu, ema bolu dehan kontrolu hothotu Estadu, ne'e iha Kuba, iha Rusia ne'e mak mosu, iha ita-nia rai ne'e ema bolu dehan, se mak aprezenta di'ak liu, se mak iha kualidade di'ak liu, Timoroan hothotu tanba, GMN-TV ka RTTL ka hothotu kontribui ba independénsia ne'e hanesan, tanba ne'e mak CNE iha kompeténsia tomak atu deside, ida ne'ebé mak di'ak akompaña ba debate ida ne'e”, informa nia.

Iha mós Ekipa Susesu Kandidatu Lú Olo, Fernando Gusmão deklara, sira hato'o ba CNE, karta protesta ida ligasaun ba planu atu halo realizasaun debate entre kandidatu sira ne'ebé maka CNE deside atu fó responsabilidade ne'e atu hala'o iha kordenasaun GMN-TV nian.

“Ami haree katak, debate ne'e podia ita halo iha televizaun RTTL nian koordenasaun, ho razaun tanba RTTL nia koobertura ne'e ba Timor laran tomak, RTTL ne'e, bele fó sai koobertura ne'e luan liután, ita kompara ho GMN-TV ne'ebé mak ninia kobertura la boot, la luan hanesan RTTL nian, tanba ida ne'e mak ami protesta ba GMN, podia atribui ba ita-nia televizaun públika”, dehan nia liuhusi Konférensia Imprensa iha Salaun Luz Clarita, Bairu Formoza, segunda (07/03).

Tanba liga mós ba kustu ne'ebé mak sei hala'o iha televizaun públika RTTL nia kustu ki’ik liu, no osan sei fila ba kofre Estadu, duke kontrata ho GMN ne'ebé kustu boot liu, e kobertura ladun másimu.

Ba Kestaun ne’e, Prezidente Konsellu Administrasaun RTTL, E.P, José Anonio Belo ‘Taraleu’, hato’o karta ba Prezidente CNE, José Agostinho da Costa Belo, kona-na debate eleisaun prezidensial 2022 husi GMN TV.

Tanba Rádio e Televisão de Timor-Leste, Empresa Pública (RTTL, E.P.) aprezenta nia kumprimentu ba Prezidente Comissão Nacional de Eleições (CNE) no foti oportunidade atu hato’o katak RTTL, E.P. nu’udar empresa públika relasiona ho desizaun entrega programa Debate Prezidensiál ba 2022-27 nian ba GMN hamosu kestaun fundamental relavante ho obrigasaun kona-ba imparsialidade.

RTTL, E.P. nu’udar entidade públika iha obrigasaun ba prinsípiu sira ne’ebé hato’o iha, Decreto do Governo N.o 3/2022, de 10 de janeiro, Primeira Alteração ao Decreto do Governo N.o 5/2017, Que regulamenta a Campanha e a Propaganda Eleitoral.

Tuir alinea c, n.u 1, aritgo 6, nebe estipula “imparcialidade das entidades publicas perante as candidaturas”; no n.u 1 artigo 27, “os funcionários públicos e demais funcionários com res- ponsabilidades públicas respeitam o princípio da igualdade dos cidadãos perante a lei e perante a Administração Pública.”; nomós n.u 2 artigo 27, ne’ebé hatutan “No exercício das suas funções, os funcionários públicos e os funcionários com responsabilidades públicas devem atuar com total imparcialidade perante todas as candidaturas, abstendo-se de participar e realizar qualquer atividade de propaganda eleitoral.” iha obrigasaun ne’ebé klaru katak RTTL, E.P. nu’udar entidade públika tenke hametin prinsípiu imparsialidade.

Nune’e RTTL, E.P. hato’o katak ejiste obrigasaun tuir lei ne’ebé RTTL, E.P.tenke kumpri atubele garantia imparsialidade ba transmisaun no ambiente programa debate ne’ebé la favorese ba kandidatu ida. 

Tuir RTTL, E.P. nia hanoin dekretu Governu ne’e aplika di’ak liuba entidade públika atu jere debate ne’ebé bele hametin kandidatu sira-nia fiar ba imparsialidade programa debate nian.

Tuir mós n.u 1, artigo 19, ne’ebe estipula katak “durante o período da campanha eleitoral, as estacoes de radio e de televisão publicas reservam aos candidatos iguais tempu de antena.” Haree  katak kandidatu 16 sei mosu iha debate bele reforsa no asegura liután obrigasaun ida ne’e.

RTTL, E.P. hato’o mós katak durante kampaña hothotu RTTL, E.P. mak jere debate no sempre tama em diskusaun ho CNE kona-ba programa debate nian. Tinan ida ne’e la ejisti prosesu ne’ebé refere ho entidade públika ne’ebé servisu ba interesese públika iha rádiu no televizaun atu tama ba diskusaun kona ba programa debate nian. RTTL, E.P. mak úniku empresa komunikasaun sosial iha Timor-Leste ne’ebé iha kobertura iha territóriu tomak.

Ho konsiderasaun ba hanoin RTTL, E.P. nian ne’ebé espresa iha karta ida ne’e kona-ba kestaun GMN transmite no halao Debate Prezidensiál ba 2022-27, RTTL, E.P. kontinua hato’o katak nia preparado ho kondisaun atu assegura debate ba eleisaun kualker tempu CNE presiza.

Kestaun ne’ebe RTTL, E.P. foti ne’e ba interesse públiku tanba nia bele assegura di’ak liu asesu públiku iha Timor tomak ba debate inklui mós sidadaun ne’ebé iha rai liur no assegura imparsialidade ne’ebé kandidatu rasik bele fiar. RTTL, E.P. sempre preparadu atu apoiu prosesu eleisaun no kontinua nia servisu ba interesse públiku. (*)

Rate this item
(0 votes)
Last modified on Thursday, 17 March 2022 17:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter