Tempotimor (Dili)-Xefe Gabinete Kontrolu Kuantidade Komunikasaun Sosial, Sara Maria F. Xavier hatete, Hospital Nasionál Guidu Valadares (HNGV) kontinua aplika teste swab ba pasiénte sira wainhira ba baixa nomós ba familia ne'ebé vizita.

Tempotimor (Díli)-Diretór Klíniku Ospital Nasionál Guido Valadares, Marcelino Correia hatete, pasiénte ne'ebé mak afeita Covid-19 no la hatudu sintomatiku, pesoál saúde sira lahalo tratamentu espesifiku bainhira baixa iha sala izolamentu.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, Sekretáriu Jerál PN, deputadu no funsionáriu sira ne'ebé simu ona vasina dalarua tuir teste swab, tanba Covid-19 infetadu ona membru PN balun.

Tempotimor (Dili)-Diretór Klínika Bairopite, Inacio dos Santos deklara, durante ne’e seidauk obriga pasiénte sira atu halo rapid test ba Covid-19, maibé halo de'it ba pesoál saúde sira ne'ebé halo atendementu ba pasiénte sira.

Tempotimor (Dili)-Ekipa Servisu Covalima Vitória ho Domin (EKSES Covid-20) organiza estudante hamutuk ema na’in-79 atu fila ba Munisípiu Covalima, tanba laiha ona ai-han atu konsumu.

Tempotimor (Dili)-Bankada Opozisaun Partidu Congresso Nacionál de Reconstrução de Timorense (CNRT) no Bankada Uniaun Demokrátiku Timorense (UDT) kontra medida teste swab obrigatóriu ba sidadaun sira tanba viola diretu umanu.

Tempotimor (Dili)-Ekipa Sentru Intergradu Jestaun ba  Krize (SIJK) Pilar 3 hala’o teste swab ba membru Pólisia Nasionál Timor-Leste (PNTL) ne'ebé destakadu iha Kuartel Jerál, Kaikoli Dili, kinta (06/05).

"PNTL tenke obrigatóriu Swab tanba sira iha primeira liña ne'ebé mak loroloron enfrenta hela ho komunidade sira”, hatete Portavoz Komandu Jerál PNTL) Superintendente xefe Arnaldo de Araújo, iha Kuartel Jerál PNTL Kaikoli Dili, kinta (06/05).

Ordem Komandu bazeia ba rezulusaun governu númeru 15 artigu 8 e 10 ne'ebé mak hatete obrigatoriumente sidadaun tenke swab no dekretu governu númeru 14 medida prevensaun surtu Covid-19 inklui implentasaun Estadu Emerjénsia (EE) ba dala-XIII.

Tanba, liña frente presiza kuidadu mós saúde pesoál , institusaun inklui família, bainhira identifika pozitivu tenke kumpri kuarentena.

Husi observasaun www.tempotimor.com ekipa SIJK pilar 3 hahú swab ba membru PNTL iha oras 10: 05 otl.

Tuir informasaun, Komandu PNTL foti inisiativa hala’o swab tanba deskonfia iha asesor PNTL na’in-2ne'ebé dadaun ne'e pozitivu covid-19 no kumpri ona iha fatin kuarentena iha Dili.

"Ha’u bele hatete katak depois imi sei hatene saida mak akontese iha Komandu ne'e bainhira teste swab hotu tiha”, dehan Arnaldo. (*)

Tempotimor (Dili)-Ministru Prezidensia Konsellu Ministru, Fidelis Leite Magalhães deklara, sidadaun sira ne'ebé lakohi kolobora hodi halo swab teste, governu sei foti desizaun lori sidadaun ba hela iha kuarentena.

“Kuarentena ne'e mós iha tan implikasaun, katak wainhira sidadaun ne'ebé lakohi halo teste swab, nia rasik sei selu kustu ba kuarentena nian”, dehan nia hafoin sorumutu Konsellu Ministru iha edifísiu Ministériu Finansas Aitarak-Laran, kuarta (05/05).

Nune'e, Governu sei inpoin teste swab ba fatifatin, liliu fatin sira ne'ebé kongrega agrega ema barak.

“Teste swab ne'e aplikasaun ba ema hothotu iha Timor-Leste, tanba ne'e mak ita halo alterasaun ne'e iha dekretu governu Nú.14/2021 kona-ba ezekusaun estadu emerjénsia no dekretu governu ne'e nia aplikasun ba territóriu nasionál tomak”, reafirma nia.

Maibé atu halo teste swab ne'e depende ba Ministériu Saúde ninia desizaun bazea ba númeru kazu pozetivu sira. (*)

Tempotimor (Dili)-Sentru Integradu Kestaun ba Krize (SIJK) fó sai katak sidadaun ne’ebé sai husi serka sanitária Díli ba Munisípiu posibilidade sei kuarentena no teste swab bainhira rezultadu negativu foon bele ba komunidade nia leet.

Tempotimor (Díli) - Estudante sira ne'ebe hala’i sai husi Dili iha loron Sexta (2/4) ba Munisípiu Ermera liu husi dalan Tikus (Laho), maibé Komandu Polísia Nasional Timor-Leste (PNTL) Munisípiu Ermera trava iha área Mota Hare, Postu Rai Lako no lori ba teste SWAB iha Postu Administrativu Gleno, sesta (02/04).

Estudante hamutuk ho komunidade balun ne’ebé ses-an husi Munisípiu Dili, bainhira rona desizaun governu hodi estende serka sanitária iha Kapitál nasaun.

Haree ba Konsellu Ministru ne’ebé aprova projetu Rezolusaun Governu sira ba manutensaun impozisaun serka sanitária no konfinamentu domisiliáru jerál populasaun nian iha munisípiu Dili to’o oras 23:59 loron 16 fulan-abríl tinan 2021 no iha Munisípiu Baukau no Vikeke to’o oras 23:59 loron 9 fulan-abríl tinan 2021.

Maske estudante sira ne’e foin lalais, governu no organizasaun Munisipal sira inklui mós asosiasaun balun fó ona ajuda hahán ba sira maibé loron sesta (02/04) maioria viola regra hodi hala’i liuhusi dalan tikus (ilegal), mak autoridade sira kaer iha Mota Hare, Postu Administrativu Rai Lako, Munisípiu Ermera hodi submete ba teste swab iha Gleno.

Tuir informasaun ne’ebé www.tempotimor.com asesu husi Vuce Ministru Interior, Antonio Armindo ne'ebe simu relatoriu badak husi Segundu Komandante Munisípiu Ermera Superintendente Assistante, Eduardo Campos hatete, sira simu Ermeraoan ne’ebé liuhusi dalan ilegal no parte saúde hala’o hela teste SWAB ba sira to'o kalan bo'ot.

“Ha’u hakarak relata de’it informasaun ba katak loron ohin parte Saúde Ermera ho PNTL Komandu Munisípiu Ermera iha Área Mota Hare, Postu Administrativu Rai Lako simu ema Ermeraoan sira maoria estudante husi Dili, liuhusi dalan tikus totál 500 pesoál resin no agora parte saúde halo ona Test Swap ba sira maibé seidauk hotu. Agora kontinua halo hela Swap ba sira”, informa nia.

Tanba ne’e, ekipa saúde Munisípiu Ermera kontinua halo atendimentu ba populasaun sira ne’ebé kontinua tama ba Ermera. No atendimentu teste swab kontinua halao to'o oras tuku 22:00 otl. Husi ne’e totál 232 ne’ebé hato uluk no iha tempu kalan tama tan 200 pesoál.

"Ekipa saude Ermera kontinua halo atendimentu ba populasaun ne'ebe kontinua tama mai Ermera," dehan pesoal saude ida iha fatin teste swab iha Gleno ne'ebe husu labele fo sai nia identidade.

Iha loron Sexta ekipa saude konsege halo teste ba ema hamutuk 232 no kontinua serbisu to'o kalan  hodi halo teste ba ema 200 seluk. (*)