Tempotimor (Díli)-Kompaña internasional husi nasaun Xina, Sanhai Constraction entrega armajen boot rua ba governu Timor-Leste (TL) hodi halibur produtu sira husi Munisípiu.

Ministru Koordenadór Asuntu Ekonomiku (MKAE), Joaquim Amaral hatete, armajen ne'e iha Munisípiu Baukau no Manatutu, Postu administrativu Natarbora.

"Armajen boot rua ne'e ajuda tebes ita. Kapasidade armajen ne'e bele rai fós ho volume 5 mil tonelada no mákina prosesamentu hare, no loron ida bele prosesa to’o 20 tonelada”, dehan Joaquim iha salaun Trad Invest, Kolmera, kinta (29/04).

Mákina sira ne'e prepara ona iha armajen ho kondisaun modernu, bainhira halo produsaun ho automátika.

Iha fatin hanesan, Ministur Agrikultura no Peska (MAP), Pedro Reis, agradese ba Governu Xina ne’ebé oferese armajen hodi asegura produtu sira.

"Lori povo Agrikultor nia naran fó agradese ba sira, tanba ita iha ona armajen ne'ebé mak di’ak”, dehan Pedro.

Reprezentante Kompaña Sanhai Constraction, Geng Xiewei, esplika prosesu harii armajen ho durasaun fulan-18, (Junu 2019 to'o Marsu 2021), kompleta fatin ba produsaun.(*)

Tempotimor (Ermera)-Estrada diresaun Ermera Vila ba postu Administrativu Hatolia B ne'ebé kondisaun aat hodi difikulta movimentu komunidade nian, maibé iha situasaun hanesan kompañia Shanghai estraga tan komunidade sira-nia uma hafoin hetan konfiansa husi governu hodi halo reabilitasaun ba estrada refere.