Login to your account

Username *
Password *
Remember Me

Padre Juvito 'Hakarak' Kandidatu Horta Defende Estrada Letefoho

Padre (Pe.), Juvito do Rego. Padre (Pe.), Juvito do Rego. Foto Tempo Timor

Tempotimor (Ermera)-Padre (Pe.), Juvito do Rego hakarak Kandidatu Prezidente Repúblika ba Períodu 2022-2027, José Ramos Horta, atu defende estrada diresaun husi Gleno ba Postu Administrativu Letefoho, Suku Eraulo, tanba kondisaun Estrada dadaun ne’e grave.

“Ne'ebe hanesan kandidatu ba Prezidente nian ami titip hela luron ida ne'e ba ita-boot, ba karik prezidente keta haluha dalan at ida ne'e”, dehan Pe. Juvito hafoin misa agradesimentu ba aniversáriu Missaun Sentru Santa Josefina Bakhita Eraulo ba dala-20 iha Suku Eraulo, Letefoho, Ermera, tersa (08/02).

Maske Laureadu Nobel da Paz, José Ramos Horta rasik seidauk iha poder maibé bainhira eleitu sai Prezidente Repúblika (PR) 2022-2027 tenke hatudu duni asaun ruma ko’alia ho Governu no Primeiru Ministru hodi hadi’a kondisaun estrada iha área refere tanba povu presiza.

Tanba ne’e, lori sarani tomak nia naran hato'o agradese boot tebes ba José Ramos Horta tanba bele marka prezensa iha serimónia simplisidade Eraulo.

Suku Eraulo hanesan fatin ida ne'ebe furak no kapas tebes maibé liuron at, tanba ne'e presiza hadi’a infraestrutura liliu Estrada atubele fasilita komunidade sira-nia movimentu.

Ba kestaun ne’e, Kandidatu Prezidente Repúblika, José Ramos Horta, rejeita ko'alia asuntu eleisaun, tanba laiha relasaun ho serimónia aniversáriu Santa Josefina Bakhita ne'ebé mak halo husi sarani Eraulo.

“Ha’u iha fatin maromak nian, ha’u lakohi temi liafuan ruma kona-ba Eleisaun”, dehan Horta.

Horta hatete, dadauk ema barak mak buka reza ba Maromak atu tulun sira iha eleisaun, maibé lakon tempu, tanba maromak ho neon boot atu tau matan ba problema boot iha mundu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter