Print this page

PM Taur Hamaus Komunidade Hatulia Hatutan Informasaun ba Malu

By October 13, 2021 651
Primeiru Ministru, Taur Matan Ruak, entrega hela kartaun vasina ba komunidade ne’ebé simu ona vasina. Primeiru Ministru, Taur Matan Ruak, entrega hela kartaun vasina ba komunidade ne’ebé simu ona vasina. Foto Tempo Timor

Tempotimor (Ermera)-Primeiru Ministru (PM), Taur Matan Ruak, husu ba komunidade sira iha Postu Administrativu Hatulia, Munisípiu Ermera atu hatutan informasaun ba malu, atubele fasilita komunidade ne'ebé seidauk simu vasina hakbesik-an ba sentru saúde hodi simu vasina.

"Ha'u hatene inan aman barak mak ohin la prezensa iha kampaña vasinasaun ne'e, nune'e sira sei la hatene informasaun kona-ba vasina, tanba ne'e ha'u husu ba ita-boot sira karik ba toos ou bazar ka hetan malu iha fatin ne'ebé de'it. Ha'u husu favór ida fó hatene informasaun ba malu, hatutan informasaun ba malu, nune'e bele hakbesik-an mai simu vasina”, dehan PM Taur, bainhira halo kampaña vasina kontra Covid-19 iha Hatulia, tersa(12/10).

Tanba laiha aimoruk ida atu kura moras ne'e, maibé vasina bele salva ema ida-idak nia vida, inklui família iha Timor-Leste.

"Entaun ha'u husu ita-boot sira tenke vasina hotu,tanba depois de fulan-outubru ne'e, ita mak buka rasik ona vasina, e depois bainhira to’o Dezembru ba sira ne'ebé simu osan terseira idade, sei hatudu kartaun hafoin bele simu osan, se laiha pasiénsia”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items