Du'ut Komesa Halakon Monumentu 1 Setembru Aifu

Monumentu 1 Setembru Aifu ne'ebé du'ut buras tebes, tanba laiha ema atu kuidadu areadores monumentu ne'e nian. Monumentu 1 Setembru Aifu ne'ebé du'ut buras tebes, tanba laiha ema atu kuidadu areadores monumentu ne'e nian. Foto Tempo Timor

Tempotimor (Ermera)-Governu sentrál ne'ebé molok ne'e hamutuk ho autoridade munisìpiu Ermera inklui veteranu sira konsege harii ona monumentu 1 Setembru iha (12/8/2019), maibé to'o agora monumentu ne'e komesa lakon ona, tanba du'ut hahú aas liu monumentu ne'e.

Tuir komunidade José dos Santos, monumentu 1 Setembru hetan inagurasaun iha 2019, ne'ebé partisipa mós lidér nasionál Xanana Gusmão nomós Bispu Dom Virgìlio do Carmo da Silva inklui entidade Ermera hotu, maibè to agora laiha governu no veteranu Ermera atu kontrola tamba, abandona to agora no du'ut mak nakonu iha Monumentu ne'e.

"Durante ne'e veteranus Ermera nunka iha hanoin atu proteje fatin memoria istoriku ne'ebè iha Ermera, tambà ne'e ha'u husu ba Ermera oan hotu liliu Konsellu Kombatente Libertasaun Nasionál (CCLN) munisípiu Ermera no veteranu lalika toba dukur tenki organiza membru balu hodi kontrola no tau matan hodi hamos du'ut ne'ebè bo'ot iha monumentu 1 Setembru refere," dehan komunidade José ba www.tempotimor.com iha Ermera, Kinta (15/4).

Hatán ba kestaun ne'e, veteranu Ernesto Dudu katak, monumentu 1 Setembru ne'e harii nu'udar memoria ba rekoñsialiasaun istória moruk funu povu Ermera nian, tambà iha tempu prosesu funu Ermera oan rasik mak oho malu nune'e husi monumentu ne'e atu kria amizade ba povu Ermera," katak Nia.

"Inisiativà harii monumentu ne'e atu hanoin hikas historia funu ne'ebè iha 1975, ne'ebé partidu UDT, Apodeti Fretilin, kota trabalita no Asdt, ne'ebè ideia hodi impede funu naruk to tinan 24 foin hetan Independensia, Veteranu ne'e mós akresenta, monumentu ne'ebé agora abandonadu no nakonu ona ho du'ut ne'e estabele husi governu sentrál no autoriedade munisípiu Ermera nian.

"Governu fasilita ona harii monumentu, tamba ne'e ha'u husu ba entidade hotu ne'ebè iha Ermera tenki apoiu solidaridade ba halo limpeza, tamba governu laiha osan," tenik nia.

Nia mós husu ba veteranu inklui komunidade Ermera oan sira atu iha solidariedade ba malu, nune'e bele halo limpeza ba monumentu 1 Setembru Aifu.(*)

Rate this item
(0 votes)
Last modified on Saturday, 17 April 2021 08:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter