Login to your account

Username *
Password *
Remember Me

Pozitivu Covid 19 Sa'e iha Ermera, Autoriedade Edukasaun Suspende Totál Eskola 

Tempotimor (Ermera)-Dezde ezodus ema Ermeraoan nain 904 iha loron 2 fulan Abril, numeru kazu pozitivu ba covid-19 mos kada loron kontinua aumenta iha munisípiu Ermera, nune'e duni parte Edukasaun Munisípiu Ermera hamutuk ho Prezidente Autoriedade Munisípiu Ermera deside suspende totál prosesu aprendisajem hotu iha munisípiu Ermera.

Hafoin estudante sira ne’ebé husi kapitál Dili fila ba ida-idak nia munisípiu liuhusi dalan iregulár mak dadaun ne’e númeru kazu kontinua aumenta iha munisípiu Ermera, ikus mai parte autoriedade deside hodi suspende totál atividade aprendisajem iha munsípiu Ermera.
Tuir Sekretariadu Autoridade Munisípiu Ermera José da Costa Domingos katak, haree ba situasaun lor-loron ne’ebé transmisaun Covid-19 kontinua aumenta, mak tenki suspende atividade eskola sira, tamba atu halo prevensaun para labele kontinua da'et ba ema seluk.

"Horseik ha'u simu orden direita husi Ministru Edukasaun katak atu hasai sirkulár ida atu suspende prosesu aprendizajen hotu iha munisípiu Ermera, tanba ne'e konkliu ona sirkulár, ohin formalmente anunsia ba komunidade no estudante iha munisípiu Ermera katak hahú (10/4) suspende eskola sira nune'e hein desizaun Konselu Ministru bazeia ba pedidu Ministeriu Edukasaun," dehan José ba www.tempotimor.com iha Gleno, Sábadu (10/4).

Iha fatin ketak, estudante Sekundáriu Jerál Nino Konis Santana Gleno Nencia Oliveira Lay hatete, sente triste oituan kuandu suspende eskola hotu, maibé parte ida mós di’ak tanba atu halo prevensaun ba Covid-19.

“Suspende atividade eskola ne'e parte ida di’ak tanba bele prevene Covi-19 labele da'et ba estudante sira tanba eskola ne'e halibur ema barak, maibé impaktu mak estudante barak lakon materia husi manorin sira no laiha opurtunidade atu partisipa iha aula eskola nian, tanba ne'e husu ba parte edukasaun tenki buka mekanismu oinsá bele proteje ami nune'e bele asesu ba aprende, tanba estudante mak futuru nasaun no riku soin nasaun nian,” dehan Nencia.

Entretantu dadaun ne’e kazu Covid-19 iha munisípiu Ermera rasik sa’e ona ba 24. Tanba ne’e eskola hotu husi pre-primária to’o ensinu susperiór hotu iha munisípiu Ermera tenke para durante tempu balun no kontinua hein ba desizaun Konsellu Mnistru.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter