“Ita tenke kuda filafali atu nune'e futuru oin mai ai-horis sira boot ne'e bele uza ba halo produsaun material importente. Tamba ne'e tenke kuda fali nune'e bainhira udan boot bele salva rai labele mosu inundasaun”, dehan nia ba www.tempotimor.com iha fatin kuda ai-horis, sesta (19/03).

Tanba inisiativa joven sira ne’e di’ak hodi proteje meiu ambiente no iha vizaun ne'ebè di’ak ba futuru.

Komisaun organizadora, representa mòs Joventude, Rigobertu de Jesus Soares hatete, objetivu husi kuda ai-horis ne'e atu halo reaflorestasaun oinsá proteje natureza bainhira udan labele mosu inundasaun.

“Ne'e hanoin ida husi ami joventude 50 apoiu mòs inan no aman sira hodi realiza programa refere”, afirma nia.

Iha programe hetan apoiu husi Organizasaun
Naun Governamental (NGO) CI no tipu Ai-horis iha 3, ai-santuku, ai-kakeu no aí-au. Tanba ne’e totál hamutuk 250, aí-kakeu 100, aí-santuku 100 no Ai-au 50, no rai ne'ebè kuda ho medida luan ektare 2. (*)