Korente Bee Harahu Tornera, Difikulta Movimentasaun Transporte ba Postu Haat

Tempotimor (Ermera) - Tornera ne'ebé kanaliza bee-moos ba komunidade iha Suku Humboe hetan estragu semana ida, ekipa Servisu Abastesimentu Agua Munisípiu Ermera (SAAME) halo kedas intervensaun tanba difikulta movimentu transporte nian ba Postu Adminitrasaun haat iha Munisípiu Ermera.

Tornera bee-moos ne’e iha estrada públika ne’ebé lokaliza iha suku Humboe, postu admistrativu Gleno, munisípiu Ermera, tanba tornera refere kualidade naton de'it no hetan estragu tanba velosidade ka korente bee maka'as.

Diretór Interinu SAAME, Pedro de Deus Maia hatete, tornera refere aat semana ida ona, tanba ne'e afeta ba transporte sira ne’ebé hala’o movimentu ba diresaun postu admistrativu Letefoho, Atsabé, Hatólia no Ermera.

“Ekipa SAAME tuun direta hodi hadi'a no halo monitorizasaun ba tornera bee ne’ebé aat iha área Humboe, tanba bee refere fó responde diretamente ba komunidade kapitál Gleno nomós instituisaun relevante iha Gleno laran tomak, no totál populsaun ne’ebé utiliza hamutuk rihun-lima”, dehan Pedro ba www.tempotimor.com iha Humboe, sesta (12/03).

Komunidade Clementina Gonçalves, senti triste tanba tornera bee aat iha semana ida, maibé estraga estrada no fó ameasa ba komunidade ne'ebé hela besik.

"Ami tauk tanba bee ne'e fó ameasa mai ami komunidade sira ne’ebé hela besik, tanba kanu nakfera halo bee sai sobu estrada públiku aumenta aat liután, nune’e husu ba parte SAAME Ermera no governu atu tau matan hodi hadi'a halo didi'ak ba futuru labele akontese tan”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter