Komadante Polísia Nasionál Timor-Leste (PNTL) Eskuadra Ermera Vila, Inspetór Manuel Soares, hatete, komputadór aat hotu no ahi eletrisidade mós mate beibeik, entaun halo deklarasaun hakerek ho liman de'it.
"Fasilidade eskuadra Ermera menus liu tanba, komputadór mòs aat hotu, deklarasaun ruma hakerek ho liman loos de'it, ahi mòs mate loron kalan, maibè nafatin iha komitmentu vontade hala'o kna'ar ho di'ak", dehan nia bá tempotimor iha kna'ar fatin, Eskuadra Ermera, kinta (11/03/21).
Maski nune'e, maibé, parte sira nafatin fó seguransa máximu hodi halo prevensaun ba moras Covid-19.
"Relasiona ho situasaun agora daudaun ami fò seguransa máximu liu oinsá halo prevensaun ba moros kovid19," nia afirma
Tanba ne'e, PNTL servisu hamutuk ho sentru saùde komunitariu Ermera koordena malu di'ak nune'e sensibiliza imformasaun ba kumunidade hodi halo tuir medida preventiva Ministériu Saúde (MS) no Organizasaun Mundiál Saùde (OMS), nomoos kontrola entidade hotu tenke halo tuir Estádu Emerjénsia ne'ebè vigora hela.
"Durante ami-nia servisu uza tim rua hanesan Alpa ho Bravo, signifika katak tim ida kompostu husi ema na'in 7, no tim ida fali mós hanesan, maibé hala'o servisu durante 48 horas hodi monitoriza nafatin situasaun," nia akresenta. (*)