Print this page

Oficialmente Ohin Hatulia B sai Ona Postu-administrativu Foun Iha Ermera

By February 19, 2021 2063
Ministru Administrasaun Estatal Miguel Carvalho Ministru Administrasaun Estatal Miguel Carvalho Foto arkivu

Tempotimor (Dili)- Governu liu-husi reuniaun Konsellu Ministru aprova ona projetu rezolusaun ida ba transformasaun suku lima iha Munisípiu Ermera ba Postu-administrativu ida.

Governu halo ona alterasaun daruak husi Lei n.11/2009, loron 7 fulan-outubru, ne'ebé hamosu postu-administrativu foun ho naran hatulia B iha Munisípiu Ermera.

"Ho Proposta Lei ne'e mós iha objetivu atu kria Postu Administrativu Hatulia B nian, iha Munisipiu Ermera, liu-husi divizaun sirkunskrisaun administrativa nian korrespondente ba Postu Administrativu Hatulia", Ministru Prezidensia Konsellu Ministru, Fidelis Leite Magalhães afirma hafoin reuniaun Konsellu Ministru iha palásiu governu, sesta (19/02/21).

Proposta Lei ne'e aprezenta husi Ministru Administrasaun Estátál (MAE), Miguel Pereira de Carvalho no ohin hetan aprovasaun husi Konsellu Ministru.

Antes ne'e iha kuarta 03 fulan fevereiru tinan 2021, tuir Ministériu Administrasaun Estátál (MAE), Miguel Pereira de Carvalho katak, Suku lima hanesan, Lisapat, Maubu, Urahou, Fatubolu, no Fatubesi ne'ebé antes ne'e hola-parte iha postu-administrativu Hatulia, Munisípiu Ermera, maibe haree ba populasaun hamutuk rihun 40, entaun MAE hamosu planu ida atu aldeia lima ne'e sai postu-administrativu ketak ida. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items