Print this page

Sentru Produsaun Ai-Kulat Hahú Kuda Matéria Prima iha Sidade

By November 19, 2020 2042
Ai-Kulat hahu moris ona husi matéria prima ne'ebé sai hun ba kulat, iha sentru produsaun Ai-kulat iha Palemanu. Fatukeru (18/11 Ai-Kulat hahu moris ona husi matéria prima ne'ebé sai hun ba kulat, iha sentru produsaun Ai-kulat iha Palemanu. Fatukeru (18/11 Foto Tempo Timor

Tempotimor (Gleno)- Koordendór sentru produsaun ai-kulat, iha suku Fatukeru postu administrativu Railaku munisipiu Ermera, Cornélio Gago hateten, sentru produsaun ba ai kulta ne’e, oras ne’e hahú kuda ona matéria prima iha sidade, tanba antes ne’e matéria prima iha de’it ai -laran.

“Suku Fatukeru potensial ba produtu ai-kulta, no bele faan ba rai laran no rai liur. Ai-kulat ne’e uluk moris iha ai-laran de’it, maibé ohin grupu produsaun ai-kulat lori no kuda ona iha sidade”, Cornélio esplika ba PR Lú Olo no Espoza bainhira hala’o vizita ba sentru produsaun iha aldeia Palemanu suku Fatukeru, Kuarta (18/11).

Nia esplika tan ba xefe estadu katak, matéria prima ne’ebé grupu ne’e uza hodi halo produsaun ba ai-kulat mak hanesan ai samtuku nia uut, ahu mama no hare uut ne’ebé fó rezultadu di'ak no benefisía ba saúde.
Cornélio esplika tan katak, atu hamoris kulat ne'e uza matéria prima sira ne’ebé temi ona, kahur hamutuk durante oras 24, hafoin te’in durante oras 6 to’o oras 8.

 

 

Bainhira tein hotu, tau iha fatin inkubasaun durante loron tolunulu, depois ba tau iha fatin produsaun durante semana ida to’o rua, entaun kulat ne’e komesa moris ona.

Durante produsaun ba ai-kulat ne’e, kada fatin nia durasaun to’o fulan neen, nune’e bainhira to’o ona fulan neen tenke hasai fali hodi halo ba adubus hodi kuda fali modo.

Alende ne’e, bainhira kada semana halo kolleta lori kedas ba supermerkadu iha Dili no balun faan iha lokál.

“Durante ne’e ita kolleta ita fó ba komsumidór sira ne'ebé presiza tebes liu-liu iha sidade Dili, aí kulat lori ba Dili semana ida dala tolu tanba ai-kulat nia komparasaun ho naan, kulat di'ak liu. Ai-kulat ne’e nia proteina kada grama iha 21% kompara ho naan karau nia proteina 0,3% de’it. Entaun, kuandu ami ba faan iha Dili kada kilograma nia folin $7.00, maibé kuandu faan iha lokál deit $5.00,” nia dehan.

Entretantu Xefe Suku Fatukeru Ricardo Madeira Soares hateten, suku Fatukeru komunidade sira hahú dezenvolve produsaun ai-kulat ne’ebé sira prodúz husi matéria prima hanesan ai-katapa nia uut, hare uut no ahu-mama.

Lider komunitáriu ne’e mós afirma, produsaun ba ai-kulit iha suku Fatukeru ne’e iha fatin tolu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items