Tempotimor (Dili)-Governu liuhusi Vise Ministru Administrasaun Estatal (MAE), Lino de Jesus Torrezăo, deskorda (kontra) opiniaun sira husi públiku ne'ebé durante lansa hodi deskonfia prosesu selesaun ba kandidatu Prezidente Autoridade Munisipál (PAM) no Administradór Munisípiu maioria ema husi militante no kuadru partidu Frente Revolusionária Timor-Leste Independente (Fretilin).

"Agora, ha'u atu hatete buat ida mak ne'e, ita polítiku sira ne'e, barak liu mak polítika administrasaun públika ne'e maka'as liu. Agora ha’u hatete dehan, sé ema ne'ebé tuir selesaun pur-méritu, ema ne'e mai mak CNRT, PLP, KHUNTO de'it, ou Fretilin de'it, sira mai hotu. Sé sira-nia valór ne'e la di'ak, ita atu foti nia tau loos de'it ka?. Ita tau ba ida ne'e, purke nia valór di’ak ne'e. Ida ne'e ita atu halo nusá”, esklarese Lino Torrezăo, iha salaun Lalini Larigutu-CNE, Kolmera, tersa (22/06).

Ba selesaun sira ne'ebé durante ekipa juri hala'o iha MAE nian laran, haree tuir méritu husi kada individu ka kandidatu sira-nia kapasidade pesoál.

"Ida ne'e mak ema dehan selesaun pur méritu ba ezame. Ezame ó hetan valór di'ak mak ba ka. Agora, barak politiza, kuandu la hetan ona politiza dehan, mesak Fretilin nian mak ba, sala. Tanba Fretilin ne'e ema barak mak tuir ne'e, e PLP mós mai ema barak mak tuir. Ita la tuir ona, sei ko’alia. Depois tuir tiha mak la liu mós, ko’alia nafatin. Ida ne'e mak laloos”, afirma nia.

Kona-ba progresu selesaun ba kandidatu Prezidente Autoridade Munisipiu (PMA) no Administradór Munisípiu sira, atinje ona pursentu 98 (90%), tanba sei hela munisípiu Manufahe nian ne'ebé oras ne'e sei pendente hela iha Konsellu Ministru (KM).

Maibé ba PAM Dili nian, sira hala'o konsellu konsultivu no hein de'it MAE atu aprezenta ba reuniaun KM.

“Agora, fatin 4 ninian, Bobonaru, Ermera, Manatutu ho Likisá, ne'e delibera tiha ona e administradór sira mós ezonera tiha ona, sai tiha jornal da repúblika ona. Agora, sé mak interinu iha ne’ebá, hein toma-de-pose”, informa nia. (*)

Tempotimor (Dili)-Governu liuhusi reuniaun Konsellu Ministrus (KM) deside hodi aprova rezolusaun hodi definisaun montante kompensasaun ba utilizasaun terenu sira ba implementasaun projeitu sidade Universitáriu Aileu (SUA).

Tempotimor (Dili)-Governu liuhusi reiuniaun Konsellu Ministrus (KM) deside aprova projetu Dekretu Governu kona-ba rejime remuneratóriu husi membru sira Komisaun Terras no Propriedade (KTP), organizmu ne’ebé mak responsavél ba rezolusaun husi kazu disputa sira kona-ba beins imóveis.

Ba projetu Dekretu Governu nian ne’ebé aprova aprezenta husi Ministru Justisa, Manuel Cárceres da Costa, hamutuk ho Ministru Finansas, Rui Augusto Gomes.

“Dekretu Governu ne’e, kona-ba rejime remuneratóriu husi membru sira Komisaun Terras no Propriedade, organizmu ne’ebé mak responsavél ba rezolusaun husi kazu disputa sira kona-ba beins imóveis”, hatete Ministru Prezidénsia Konsellu Ministru (MPKM), Fidélis Leite Magalhães iha Ministériu Finansas Aitarak Laran, kuarta (16/06).

Tanba projetu dekretu Governu ida-ne’e sei permite funsionamentu kompletu husi komisaun no kontribui ba rezolusaun kazu pendente rihun ba rihun husi disputa kona-ba imóveis, ne’ebé kontribui ba pás sosiál no dezenvolvimentu ekonómiku. (*)

Tempotimor (Dili)-Governu liuhusi reiuniaun Konsellu Ministrus (KM) iha loron 16 fulan-juñu tinan 2021, nomeia Prezidente Autoridade Munisipál na’in-rua no Administradór Munisípiu na’in-rua.

Tempotimor (Díli)-Governu liuhusi reuniaun Konsellu Ministru (KM) iha loron 16 fulan-juñu tinan 2021, kontinua aplika serka sanitaria ba munisípiu haat durante loron hitu nia laran.

Tempotimor (Dili)-Governu liuhusi reiuniaun Konsellu Ministrus (KM) deside hakotu konfinamentu Domisiliáriu Jerál iha Munisípiu Dili.

Tempotimor (Dili)-Ministru Prezidensia Konsellu Ministru, Fidélis Leite Magalhães hatete, Konsellu Ministrus aprova rezolusaun ba Konfinamentu Obrigatória maibé garante nafatin sidadaun hotu halo movimentu ba resensiamentu eleitorál.

Tempotimor (Dili)-Governu liuhosi reiuniaun Konsellu Ministru (KM) iha loron 31 fulan-maiu tinan 2021 halo ona aprovasaun ba rezolusaun Governu hodi aplika nafatin serka sanitária munispiu 5 .

Tempotimor (Dili)-Konsellu Ministru (KM) deside kontinua hodi sulan komunidade iha kapitál Dili ho aplikasaun Konfinamentu Obrigatóriu durante loron 14.

Tempotimor (Dili)-Governu liuhosi Sorumutuk Konsellu Ministrus nian iha loron 31 fulan-maiu tinan 2021 deside medida sira ba ezekusaun deklarasaun Estadu Emerjénsia durante loron 30, hahú husi tuku 00:00 2 fulan-juñu tinan 2021 no tuku 23:59 loron 1 fulan-jullu tinan 2021.