Items filtered by date: Tuesday, 06 October 2020

Tempotimor (Dili)- Deputada Parlamentu Nasionál (PN) husi bankada Partidu Libertasaun Popular (PLP) Maria Angelina Sarmento, hahú kestiona fila-fali kona-ba kazu profesores kontratadu hamutuk na'in 273 ne'ebé Ministeriu Edukasun Juventude no Desportu (MEJD) hapara sira nia kontratu iha tinan 2019 kotuk.

Published in Politika

Tempotimor (Dili)-Tuir Kultura Timor-Leste, bainhira baku malu entre feen ho laen iha uma-laran, nu'udár bikan-kanuru mak lian, maibé dadaun ne'e lei hatudu oin seluk, bainhira akontese problema ruma, parte rua sempre buka razaun defende malu to'o lori ba ba rezolve tuir dalan legál.

Published in Politika

Tempotimor (Díli)-Deputada Parlamentu Nasionál (PN) husi bankada Congresso Nacional Reconstruçăo Timor-Leste (CNRT), Carmelita Caetano Monis husu ba Visé Ministru Justisa (MJ), José Edmundo Caetano atu esolika ho klareza kona-ba polítika foun husi MJ nian, ne'ebe tuir planu atu haruka prizioneriu ba eskola iha liur.

Carmelita hato'o kestaun ne'e, relasiona ho deklarasaun husi Visé MJ nian ne'ebé deklara ba públiku iha loron Kuarta (29/07) kona-ba atu halo programa foun ho termu jurídiku "Rejíme Aberta" ba prijioneiru sira atu bele hala'o atividade iha liur.

"Ha'u husu tok, ida ne'e, keta polítika ka programa foun ida karik, ida ne'e faz-parte pena ka, ou faz-parte promove ita nia prizioneiru sira," hatete deputada Carmelita Caetano Moniz durante intervensaun liuhosi debate espesialidade ba proposta OJE 2020 iha plenári PN, tersa (6/10).

Nia hatete, sé MJ iha polítika foun tanba de'it ho asesóres ne'ebé barak, hodi fó ona hanoin foun ida ba Visé MJ, entaun esplika took, sé programa ne'e mak mosu, ida ne'e atu responde ho orsamentu husi Item ida ne'ebé.

Hatan ba kestaun ne'e, Visé Ministru Justisa, José Edmundo Caetano hatete, Programa ne'ebé MJ planeia, laiha intensaun no polítika foun atu haruka prijoneiru ida atu sai husi ita nia rain.

Maibe tuir nia, planu ne'ebe sira kria, bazeia ba rejíme abertu, signifika sei buka fatin própoiu ida, atu utiliza ba prizioneru tuir formasaun.

"Saida mak tenta atu halo agora, i ita halo hela preparasaun, atu aplika rejíme abertu, ba ita nia prizioneiru sira", nia kestiona.

Tuir nia, planu fó formasaun ba prizioneru, ida ne'e hanesan polítika ida atu halo tranzisaun ba re-integrasaun sosiál, maibé la'ós atu haruka ba estranjeiru, inklui La'ós atu haruka ba eskola iha Universidade Liceu sira.

"Sira iha fatin própiu para atu tuir formasaun, no preparasaun ba re-intergrasaun sosiál, sai televizaun infelizmente ha'u mós la haree dehan atu ba iha estrajeiru, sé dehan sai ba estranjeiru karik, lori ministemériu nia naran husu deskulpa ba Señora deputada", dehan Edmundo.

Molok ne'e, Visé Ministru Justisa (MJ), José Edmundo Caetano mós deklara, tuir loloos kapasidade prizaun Bekora akumula de’it prizioneiru na’in 250, maibé daudauk ne’e prizioneiru ne’ebé hela iha Prizaun Bekora sa’e to’o na’in 591.

"Tanba ne'e, ba oin ha'u sei halo programa ida ne'ebé moderniza prizaun ne'e ho di'ak ba futuru joven sira ne'ebé mai kumpri pena iha prizaun iha ne'e, sira bele halo mós serbisu seluk iha liur," nia afirma.

Published in Justisa

Tempotimor (Dili)- Servisu Polísia Nasionál Timor-leste (PNTL) liu-husi unidade tránzitu, ne'ebé hala'o operasaun rutina loron ho kalan, iha fulan tolu nia laran, konsege rekolla reseita rihun $54.859 hodi kontribui ba kofre estadu.

Iha trimestre terseiru, Fulan Jullu to'o Setembru tinan 2020, servisu Polísia Nasionál Timor-Leste (PNTL), Munisípiu Dili hatama ona reseita rihun $54.859 ba kofre estadu.

Tuir segundu komandante PNTL Munisípiu Dili (KMD) Superentendente Asistente PNTL Euclides Belo katak, husi rezultadu servisu mak konsege rekolla reseita ne'ebé durante fulan tolu nia laran.

"Servisu tranzitu nian, durante fulan tolu nia laran ka iha trimestre datolu ne'e, Komandu PNTL Munisípiu Dili, ne'ebé halo operasaun rutina husi loron to'o kalan, maka durante fulan tolu PNTL hatama reseita rihun $54.859," dehan Euclides iha KMD Kaikoli, Tersa (6/10).

Komandante ne'e sublina, fulan Jullu PNTL Munisípiu Dili hatama reseita rihun $22.017, fulan Agostu nian iha rihun $14.532 no fulan Setembru nian iha rihun $18.390.

Reseita ne'ebé PNTL Munisípiu Dili rekolla ne'e husi sidadaun sira ne'ebé komete infrasaun, entaun PNTL hola médida no sira selu multa.(*)

Published in Ekonomia

Tempotimor (Dili) - Embaixador Uniaun Europeia (UE) auzensia durante halo audensia kona-ba Orsamentu Jerál Estadu (OJE) ba tinan fiskal 2020 nian iha Parlamentu Nasionál (PN), deputada bankada Kongresu Nasionál Rekonstrusaun Timor (CNRT), Fernanda Lay dun Ministra Negósiu Estranjeiru no Koperasaun (MNEK) Adaljiza Magno mak 'bandu'.

Preokupasaun deputada Fernanda Lay nian kona-ba embaixador Uniaun Europeia auzensia iha Parlamentu Nasionál ne'e, MNEK Adaljiza Magno hatete, parte nia foti desizaun refere, tanba ho intesaun atu defende intrese Timor-leste nian.

Maske nune'e, maibé nia parte seidauk bandu embaixador, maibé hatete de'it atu hanoin didiak, bainhira buat ruma akontese, nu'udar ministra fo atensaun ona.

"Hau hanesan MNEK tenki defende mos interese estadu nian, ne'e muitu politiku," dehan Ministra Adaljiza iha plenaria diskusaun OJE tinan 2020, faze espesiálidade iha Parlamentu Nasionál, tersa (06/10).

Tuir realidade iha Timor Leste, dá-la barak representante nasaun belun sira ba direitamente hasoru orgaun estadu sira hodi fo sira nia tulun e la iha prezensa husi parte MNEK. Ironia mak orgaun estadu sira simu apoiu ka prezensa Embaixador sira ne’e ho orgulho.

Deputada Fernanda Lay, ne'ebé hola parte mos iha komisaun C Parlamentu Nasionál relata, durante audensia, komisaun A no C ne'ebé hetan benefisia mos husi Uniaun Eropea hanesan parseiru dezenvolvimentu, nune'e husu embaixador uniaun Europea atu audensia, maibé MNEK Adaljiza Magno, la autoriza embaixador, atu tuir audensia ho komisaun parlamentar.

"Tanba senora ministra la autoriza embaixador Uniaun Europea hanesan parseiru dezenvolvimentu mai Parlamentu talves nia bele fo informasaun ruma," dehan Lay.

Iha fatin hanesan Prezidenti Komisaun C, Maria Angélica Rangel mos reforsa liu tan katak, kada tinan uniaun Europea apoiu estadu RDTL, mesmu iha kestaun politika ne'ebé delikadu, maibé durante períodu naruk Uniaun Eropea halo esplikasaun iha Komisaun relasiona ho pareser OJE nian.

Nune'e Angélica akresenta, hakfodak simu telefone rona embaixador Uniaun Europea auzensia iha komisaun parlamentu basionál, bainhira iha loron determinadu.

"Ami hakfodak, tanba tinan-tinan ami halo ida ne'e, hakfodak tanba derepenti de'it, ne'e mak ami mos iha relatóriu ko'alia, tanba protokoler mak ida ne'e, karik iha politika ruma hanesan ita boot (MNEK), ohin dehan labele esplika, tanba seguransa nasaun nian, ida ne'e ami laiha problema," dehan Angélica.

Hatan ba prekupasaun hirak ne'e, Ministra Negósiu Estranjeru no Kooperasaun (MNEK), Adaljiiza Magno hato'o nia agradesimentu ba deputada sira ne'ebé levanta ona kestaun auzensia uniaun europea iha komisaun Parlamentu nasional, maibé politika ne'ebé delikadu tebes, nia parte lakohi atu esplika kle'an.

Governante ne'e esplika, MNEK mak hanesan kordenador ba fundu hotu ne'ebé kategoria apoiu, inklui mos fundus sira ne'ebé mai husi Uniaun Europeia.

Nia hatutan, natureza MNEK mak organiza korespondente ba orgaun Prezidente Repúblika, Primeiru Ministru, Prezidente Parlamentu Nasionál no iklui Ministru hotu ne'ebé atu hasoru embaixador ka diplomata ruma sempre liu-husi MNEK.

"Tanba saida mak hau dehan delikadu tebes, tanba laiha pratika ida iha mundu ne'e, embaixador ida mai halo publik hearing iha komisaun, embaixador ne'e reprejenta sira nia xefi estadu, asuntu ne'e muitu delikadu, muitu politika," dehan Adaljiiza.

Entertantu, Orsamentu Jerál Estadu (OJE) ba MNEK ho montante milaun $20.746, ne'ebé fahe ba kategoria, saláriu vensementu milaun $12. 732, bens servisu milaun $7.842, transferensia publiku rihun $29, no kapital menor rihun $144, passa iha Parlamentu Nasionál, ho rezultadu votasaun, afavor 43, kontra zero no abstensaun 21. (*)

Published in Politika

Tempotimor (Dili)- Seguransa sivil ne'ebé halo seguransa iha odamatan sala plenaria Parlamentu Nasionál (PN) bandu jornalista atu hasai foto diskusaun Orsamentu Jerál Estadu (OJE) ba tinan 2020 nian, iha faze espesiálidade.

Published in Politika

Tempotimor (Dili)-Ministru Edukasaun Juventude no Desportu (MEJD), Armindo Maia hatete, pakote orsamentu ne'ebé aloka ba MEJD la konsege kobre to’o fulan Novembru no Dezembru.

Published in Politika

Tempotimor (Dili)-Maske regras tranzitu nian liu-liu kódigu estrada, Polísia Nasionál Timor-Leste (PNTL) husi Komandu Munisípiu Dili (KMD) sempre sensibiliza ba públiku liuhusi meiu komunikasaun sira, maibé kontinua motorista sira ne'ebé la obedese.

Published in Seguransa Defesa
Tuesday, 06 October 2020 15:03

Deputadu CNRT Husu Governu Aprova Osan ba ME

Tempotimor (Dili)-Relasiona ho diskusaun Orsamentu Jeral Estadu (OJE) Espesiálista ba  2020, Deputadu  Gabriel Soares husu Governu atu aprova osan ba Ministeru Edukasaun (ME) Kona-bá proposta numeru 23-24.

Published in Edukasaun & Kultura

Tempotimor (Dili)-Hahu mosu protesta oioin husi bankada opozisaun iha Parlamentu Nasional, tanba meza Prezidente parlamentu Nasional ne'ebe nudar lideransa meza plenariu la dun fo tempu ba deputadu opozisaun sira atu halo intervensaun.

Published in Politika
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter