Tempotimor (Dili)-Sekretáriu Estadu Kooperativa (SEKoop), Elizário Ferreira, dezafia ajente organizadór, mobolizadór hamutuk na'in-sanulu (10) iha Munisípiu Dili atu habelar atividade kooperativa to'o iha nível suku.

Tempotimor (Dili)-Sekretáriu Estadu Kooperativa (SEKoop), Elizário Ferreira, promete sei fasilita formasaun tékniku kona-ba operasaun ró nian ba membru Kooperativa Peska Sol Nasendo Valusere iha Suku Tutuala, Postu Tutuala, Munisípiu Lautein.

Tempotimor (Dili)-Sekretária Estadu Kooperativa (SEKoop) selebra Memorandum of Inderstanding (MoU) ho Governu Kuba liuhusi kompaña estatál ida, ba kooperasaun iha área importante haat (4).

“Asinatura ida ohin ne'e entre Diretór Jerál (SEKoop) ho Diretór Kompaña Estatál ida husi parte Ministériu Agrikultura e K|ooperativa Kuba ninian, halo kooperasaun ba área haat hanesan Agrikultura, peska, Agro-pekuaria, e transporte públiku, inklui ho dezenvolvimentu teknolójiku”, dehan Sekretáriu Estadu Kooperativa (SEKoop), Elizário Ferreira, hafoin asiste serimónia asina nota kooperasaun iha Akait, kuarta (04/08).

Tanba kooperasaun ida ne'e, ema bolu dehan kooperasaun ida tékniku ho diskusaun ne'ebé sira halo, presiza iha espesialista ruma atu eduka, forma no akompaña organizadór liliu dirijente sira kooperativa nian iha nível postu, suku no aldeia atubele hala’o serbisu ida ne'ebé di'ak, halo dezenvolvimentu kooperativa ida ne'ebé sustentável no asegura estabilidade finanseira no ekonómika iha vida kooperativa.

“Segundu, iha mós klauzala ba estudu komparativu no interkambiu ba juventude liliu ba kooperativista sira, atu nune'e parte rua bele aprende ba malu oinsá atu dezenvolve kooperativa liliu iha Timor atu nune'e bele kontribui ba kresimentu nasionál no redusaun ba dezempregu iha ita-nia rain”, hatete Elizário.

Kona-ba dezenvolvimentu agrikultura iha Timor-Leste, iha post distribuisaun ai-hán Sesta Bázika, iha produsaun barak mak aumentu, maibé preukupasaun ida ne'ebé mak parte kooperativa preukupa mak merkadu.

“Oinsá mak atubele asegura produsaun ne'e, ho merkadu ida ne'ebé sustentável ba produtór sira e nune'e mós produtór sira labele produz tanba de'it iha produsaun ne'ebé governu sosa, depois laiha tan produsaun. Entaun, edukasaun ne'e atu eduka ema hothotu atubele produz ho sustentável atu nune'e bele oferese ba merkadu ne'ebé mak seguru e sustentável mós iha ita-nia rain”, dehan nia.

Benefísiu husi akordu kooperasaun ho governu Kuba ne'e, primeiru mak formasaun, tanba ema ladun iha koñesimentu kona-ba utilizasaun ba ekipamentu sira ne'ebé mak pezadu ka modernu ba área agrikultura nian.

“Entaun, sira mai suporta ita atu ita-nia ema bele hetan koñesimentu di'ak ba utilizasaun ekipamentu sira. Segundu, matenek ne'ebé mak ita laiha, entaun ho espesialista sira-nia matenek ne'e bele hasa'e liután ita-nia ema sira, dirijente kooperativa sira, kooperante sira-nia koñesimentu atubele dezenvolve kooperativa ho di'ak hodi kontribui ba dezenvolvimenu nasionál. Ida ne'e benefísiu ida ne'ebé mak sustentável e longu prazu”, esplika nia.

Aldeinde ne'e, kona-ba peska nian sira iha ona federasaun ida ba kooperativa peska ne'ebé mak estabelese husi tinan 2013 liuba. Maibé, durante ne'e federasaun refere la funsiona instituisaun, tanba hanesan fali fa'an ikan, no la'ós funsiona hanesan organizasaun ida sekundária.

“Tanba ida ne'e mak ho reforsu sira ne'e bele motiva no insentiva liután organizadór sira ka dirijente sira federasaun nian atubele maneja federasaun ne'e hanesan instituisaun ida ne'ebé atu sai mahon ba primáriu sira ne'ebé maka mai husi kooperativa peskas ne'ebé adere ba sira, atu nune'e sira bele dezenvolve di'ak liután e bele mós promove futuru ida ne'ebé iha kooperasaun ba industrializasaun ikan nian iha futuru. Tanba ida ne'e mak ho prezensa asinatura ida ne'e bele hasa'e liután kapasidade ba ita-nia peskadór sira”, haktenik nia.

Akordu kooperasaun iha área haat ne'e, hala'o durante tinan lima, hafoin bele halo fali renovasaun tuir nesesidade ne'ebé mak presiza.

Entretantu, akordu kooperasaun ne'e, asina direta husi Diretór Jerál ba Kooperativa SEKoop, Francisco Xavier, ho reprezentante Embaixadór Kuba, José Ernesto Díaz Pérez, hanesan Sekretáriu Terseiru husi Embaixada Repúblika Kuba nian iha Timor-Leste. (*)

Tempotimor (Dili)-Sekretáriu Estadu Kooperativa (SEKoop), Elizario Ferreira hatete, formasaun ba funsionáriu na’in-15 atu eleva kapasidade iha relasaun ho inspesaun auditoria.

Tempotimor (Dili)-Governu liuhosi Sekretária Estadu Kooperativa (SEKoop) hahú avalia progresu atividade distribuisaun ai-han sesta bázika ina Munisípiu hitu (7).

Ba Munisípiu hitu ne’ebé SEKoop responsábiliza hodi fahe ai-han iha programa sesta bázika mak, Covalima, Ainaru, Aileu, Likisá, Manufahe, Manatutu no Lautein.

Avaliasaun ne'e, prezide husi Sekretáriu Estadu Kooperativa (SEKoop), Elizário Ferreira, ho kargu xéfia sira hodi ko'alia kona-ba progresu distribuisaun sesta bázika iha teritóriu ne'ebé mak responsabiliza husi SEKoop.

"Ko’alia kona-ba progresu distribuisaun sesta bázika iha Munisípiu hotu, nomós relatóriu kona-ba apóiu solidarirdade ba vítima inundasaun sira, ikus liu mak progresu ezekusaun Orsamentu Jerál Estadu tinan 2021 nian”, dehan Elizário iha Sala reuniaun SEKoop, Akait, kuarta (05/05).

Aleinde ne'e, hala'o mós reuniaun ho kompaña fornesedór Sesta Bázika sira atu rona progresu distribuisaun no difikuldade hirak ne'ebé kompaña sira hasoru iha terenu.

Durante reuniaun, Diretór jerál SEKoop, Francisco Xavier husu ba kompaña fornesedór sira atu finaliza ona distribuisaun ai-han sesta bázika tenke remata hotu iha loron sábadu (15/05/2021). (*)

Tempotimor (Dili)- Sekretáriu Estadu Kooperativa (SEKoop), Elizário Ferreira, hamutuk ho Sekretáriu Estadu Juventude no Desportu (SEJD), Abrăo "Nokosiku" Saldanha, distribui fós ba família sira ne'ebé afetadu ba inundasaun hamutuk na'in-200 iha aldeia Samatana, Suku Bairru Pité, Postu administrativu Dom Aleixu, Munisípiu Dili, segunda (05/03).

Tempotimor (Dili)- Governu liuhusi Sekretária Estadu Kooperativa (SEKOOP), hamutuk Cooperativa Camponeze Maubere (CCM) realiza asembleia dahuluk kooperativa nian hodi hili dirijente ne'ebé iha vizaun di'ak hodi tuur iha estrutura CCM nian nune'e, bele lori kooperativa bele la'o ba oin.

Tempotimor (Díli)- Sekretáriu Estadu Kooperativa (SEKoop), Elizário Ferreira esplika baze legál ka lei iha Konstituisaun Repúblika Demokrátika Timor-Leste (RDTL) ne’ebé fó dalan ba kriasaun kooperativa ba estudante fakuldade ekonomia Universidade Dili (UNDIL), Kintal-boot, Sesta (04/12).

Tempotimor (Díli)- Sekretátria Estadu Kooperativa (SEKoop), asina nota entendimentu ida ho grupu kooperativa hamutuk 13 husi munisípiu diferente ho objetivu atu kondisiona sira ho apoiu finanseiru no fasilidade hodi hadi'a sira nia servisu kooperativa bele iha sustentabilidade.

Tempotimor (Díli)-Sekretáriu Estadu Kooperativa (SEKoop), Elizário Ferreira husu ba autoridade lokál no komunidade sira atu forma grupu hodi hari'i kooperativa produsaun iha ida-idak nia suku, nune'e bele dezenvolve liu tan ekonómia lokál iha nível baze liuhosi kooperativa.

Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter