Tempotimor (Ainaru)-Kooperativa Crédito Uniăo-Maubisse Hanoin Ba Futuru (CU-MHBF) husu Sekretária Estadu Kooperativa (SEKoop) fasilita formasaun hodi hasa'e kapasidade membru sira-nian.

"Ami Crédito Uniăo Maubisse Hanoin ba Futuru, husu ba governu liliu ba SEKoop atu akompaña ami hasa'e dirijete no membru sira hodi bele iha koñesimentu kona-ba lala'ok kréditu uniaun ne'ebé di'ak, atu nune'e ami bele dezenvolve kréditu uniaun ida ne'e sei sai forte no sustentável”, dehan Prezidente Kooperativa, CU-MHBF, Luciano Mendonça Nunes, iha salaun Administrasaun Postu Administrativu Maubisse Villa, sábadu (10/07).

Dezafiu ne'ebé membru sira hasoru durante seidauk iha sede ne'ebé mak permanente, kapasitasaun mínimu, difikulta kapasidade membru no dirijente no membru sira.

"Fasilidade eskritóriu sei menus, hanesan komputadór, printer, meza, kadeira, nomós armáriu no sira seluk. Tuir fali, ami seidauk iha transporte ne'ebé mak bele fasilita ba halo servisu ne'ebé di'ak. Aleinde ne'e, seidauk iha kapasidade atu akumula hotu populasaun Maubisse. Ami mós sei menus staff atu servisu halo atendimentu ba membru sira”, informa nia.

Kooperativa CU Maubisse Hanoin ba Futuru, hari'i iha 2013 to'o (31/06/2021) ne'e, akumula ona membru hamutuk 916, kompostu husi feto 548 no mane 368.

"Montante osan ne'ebé mak durante ne'e ami iha US$276,963,34, ida ne'e mak rendimentu ne'ebé durante ne'e ami iha”, dehan nia.

Entrentantu Sekretáriu Estadu Kooperativa (SEKoop), Elizário Ferreira, husu ba dirijente kooperativa atu hato'o pedidu ba SEKoop, nune'e bele hetan apoiu tuir konteúdu proposta ne’ebé hato'o ona.

"Ha'u promete tiha ba imi ona, ne'ebé imi-nia proposta ba asuntu tolu, halo pedidu formasaun, ho sede depois mak ekipamentu. Tanba sede iha mak tau imi-nia ekipamentu, sé sede laiha atu tau saida ba”, dehan Elizário.

Husu mós ba dirijente no membru sira halo servisu ne'ebé ho onestu ba malu, nune'e bele asegura kooperativa nia sustentábilidade ba futuru. (*)

Tempotimor (Ainaru)-Kooperativa Créditu Uniăo Aituturina hahú nia ejiste ona tinan 36 hahù tinan 1985 to’o 2021 iha Suku Mulo, Postu Administrativu Hatubiliku, Munisípiu Ainaru.

Tempotimor (Ainaru)-Cooperativa Uniăo-Rai Didi'ak Ba Futuru (CU-RADIFU) durante tinan 21 nia laran konsege akomoda ona kapitál ho montante US$5,556.

Tempotimor (Ainaru)-Governu liuhusi Sekretária Estadu Kooperativa (SEKoop) hamutuk ho kompaña fornesedór Sesta Bázika ensera ona distribuisaun ai-hán ba populasaun sira iha Munisípiu Ainaru.

Tempotimor (Ainaru)-Komunidade uma-kain hamutuk 167 iha Aldeia Mausuku Arte-moris, Suku Kassa, Postu Ainaro Villa, Munisípiu Ainaro, rezeita simu ai-hán Sesta Bázika ne’ebé distribui husi kompaña fornesedór.

Tempotimor (Dili)-Sekretáriu Estadu Kooperativa (SEKoop), Elizário Ferreira husu ba dirijente ho membru sira iha Cooperativa Uniăo Rai Didi'ak Ba Futuru (RADIFU) atu servisu servisu maka'as aumenta membru hodi bele hasa'e kapitál finanseira iha kooperativa.

Tempotimor (Ainaru)- Komunidade liliu toos na’in sira iha Munisípiu Ainaru, sente kontente no haksolok ho formasaun kooperativa husi Sekretáriu Estadu Kooperativa (SEKoop) ho tema "Dezenvolvimentu Integradu Baze Iha Kooperativa".

Tempotimor (Ainaro)-Sekretáriu Estadu Kooperativa (SEKoop), Elizário Ferreira, husu ba membru sira iha grupu Kooperativa Produsaun Multisetorial (KPM) atu halo produsaun nune'e bele fa’an iha loja kooperativa ne'ebé hari'i ona.

Tempotimor (Ainaro)-Kooperativa Produsaun Multisetoral (PKM) husi munisípiu Ainaru menus redimentu ba produsaun sira durante aplikasaun serka sanitaria.

“Komesa iha Covid la'o ne'e, ami-nia grupu ne'e konta hanesan tuur fatin de'it, ita atu la'o ladi'ak. Entaun, grupu iha atividade produsaun balu ami husik, ami avansa ho hudi-oan ne'e para hanesan matabisu nian, no ida ne'e ami sei kontinua, modo-oan sira ne'e atu hán de'it, e ita atu lori ba ne'ebé, sai ladi'ak. Ida ne'e mak komesa iha Covid la'o ne'e, iha ne'e mate loos. Produtu iha, maibé atu sai ne'e mak susar”, informa membru Kooperativa Produsaun Multiseitorail (PKM), Aderito Soares da Costa Moniz, iha MAPA Ainaru, kinta (08/07).

Maske governu aplika situasaun Serka Sanitária hodi evita transmisaun surtu Covid-19, maibé difikulta mós komunidade produtór sira iha Munisípiu Ainaru ne'ebé nia rendimentu, tanba laiha ema atu sosa.

“Durante ita la'o iha covid nia laran, ami hetan rendimentu ne'e ki'ik liu, tanba bele ita lori ba hetan US$25 de'it, sa'e susar liu. Antes ne'e hetan ki'ik liu mak US$50, tanba kantederu ne'ebé ami halo boot”, haktenik nia. (*)

Tempotimor (Díli)-Sekretáriu Estadu Kooperativa (SEKoop), Elizario Ferreira, klarifika folin karosa ida ho montante US$1,500.00, ne’ebé prodúz husi mekanika timoroan iha Sentru Formasaun Tékniku Dom Bosco Comoro.