Tempotimor (Dili)-Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo, kontinua hala'o diáogu ho komunidade Postu Administrativu Hatulia iha ámbitu Programa "Governu iha Povu Nia Le'et"-Naroman ba Suku.

Tempotimor (Dili)-Plan Internasional iha Timor-Leste rejista estudnate kuaze rihun-neen-resin ne’ebé konsege asesu ba biblioteka móvel iha Munisípiu Aileu no Ainaru.

Tempotimor (Aileu)-Reprezentante Família afeita projetu kontrusaun Sidade Universitáriu Aileu (SUA), Elsa Xavier hatete, sira-nia parte kontinua la entrega rai eransa ho medida ektare 16 ba Governu atu hari’i Sidade Universitáriu Aileu tanba bele hamate jerasaun sira-nia futuru.

Tempotimor (Aileu)-Primeiru Ministru (PM), Taur Matan Ruak, hamutuk ho Ministru Ensinu Superior Siénsia no Kultura (MESSK), Longuinhos dos Santos ne’ebé lansa projetu Konstrusaun Sidade Universitáriu Aileu, hamaus komunidade sira iha Suku Fahiria, Postu Administrativu Aileu Vila, Munisípiu Aileu, atu koopera.

"Ha'u husu para ita-boot sira koopera, bele ajuda, tanba ne'e obra boot, ne'ebé halo iha ita-nia Nasaun ne'e aban bairua jerasaun sira konta karik labele konta nia aat no duun malu, ba buat di'ak ne'e ita hamutuk ba, kompak ba maibé ha'u hakarak ha'u-nia inan aman sira mós hola parte”, dehan Taur iha Serimónia Lansamentu fatuk dahuluk ba Konstrusaun Sidade Universitaria Aileu, iha Suku Fahiria, Postu Aileu Vila, Munisípiu Aileu, tersa (21/12).

Maibé agradese nafatin ba família husi suku Fahiria, Lausi no Badudatu, tanba oferese ona rai pedasuk ba Governu hodi halo dezenvolvimentu.

"Ha'u hakarak lori oitavu Governu konstitusionál nia naran ho povu Aileu tomak fó agradesimentu boot ba populasaun sira suku rua ka suku tolu ona ne'e ne'ebé fó rai pedasuk oan ne'e ita bele harii universidade sidade Universitáriu iha ne'e”, hatete nia.

Tanba saída mak Komunidade sira kuda agora dadaun, sei bele ku'u nia fuan iha tinan ruanulu-resin mai.

"Portugés nia lian hatete, você colhe o que plantou muda ba ita-nia lian tetun dehan o ku'u buat ne'ebé o kuda, ohin ne'e ita kuda tinan ruanulu, tolunulu mai ita sei ku'u e kuandu to'o tempu atu ku'u ita hotu hamnasa”, afirma nia.

Tanba Dezenvolvimentu ne'ebé mak dadaun ne'e realiza prepara ba jerasaun Aileuoan sira hodi aprende hodi lori ba oin.

Diretór Jerál Administrasaun Finansas Ministru Ensinu Superior Siensia no Kultura (MESSK), Hernâni Viterbo da Costa Soares hatete, konstribuisaun ba Obra Sidade Universitaria Aileu ne'e sei hahú konstrusaun iha tinan 2022.

"Sidade universidade Aileu, hahú ho elaborasaun termos de referénsia estudu viabilidade nomós dezeñu enjenaria detallada, ne'ebé finaliza ona hodi bele halo prosesu aprovizionamentu iha tinan 2022, no hahú ninia Konstrusaun maske iha atrazu oituan tuir nia kalendáriu tanba situasaun pandemia Covid-19”, dehan nia

Totál orsamemtu ba konstrusaun Sidade Universitaria ne'e seidauk define maibé Sekretáriu Grande Projetu aloka hela osan montante rihun-atusualu  US$800.000.00 hodi halo moru hale'u ba rai ektare 24.82 metru kuadradu.

"Orsamemtu importante ne'e seidauk tanba ne'e mak Sekretáriu Grande Projetu tau hela osan US$800.000.00 ne'e para ami halo buat ruma, entaun ami hahú ho ninia moru ne'e, tanba ita selu hotu ona, iha balun mak seidauk sira-nia osan ne'e ita rai nafatin iha ne'eba”, deklara nia.

Manán na'in ba Konstrusaun Sidade Universitaria mak Kompaña Barnaba ne'e mak halo estudu viabilidade dezeñu detallada ne'ebé mak mak Konsellu Ministru Aprova ona.

Maibé presiza mak nia kustu detalladu hodi prosesu halo nia konstrusaun iha tinan 2022 nian. (*)

Tempotimor (Aileu)-Autoridade Lokál liliu Xefe Suku Fahiria, Postu Administrativu Aileu Vila, Munisípiu Aileu, Alberto Lou Teus uza komputadór privadu halo atendementu ba komunidade iha suku laran.

Tempotimor (Díli)-Ministru Obras Públika (MOP), Salvador Pires hatete, sira sei halo estudu foun ne'ebé rigorozu ba estrada foun husi Díli ba Sarlala, Munisípiu Aileu hodi determina nia kualidade iha tipu konstrusaun tanba tinan barak ona maibé seidauk finaliza.

Tempotimor (Aileu)-Administradór Munisípiu Aileu, Abel da Conceição, husu Sekretáriu Estadu Kooperativa (SEKoop), Elizario Ferreira, atu tau prioridade ba kooperativa sira iha Munisípiu Aileu.

Tempotimor (Aileu)-Dirijente Kooperativa Hahú Ohin, Kuu Iha Futuru (HUKIFU), Abríl Bimau Simões, husu ba Governu liuhusi Sekretária Estadu Kooperativa (SEKoop) atu fó apoia finanseira ba prosesu konstrusaun sede kooperativa nian, tanba foin atinje pursentu 35 (35%).

Tempotimor (Aileu)-Sekretáriu Estadu Kooperativa (SEKoop), Elizário Ferreira, agradese ba autoridade munisipál Aileu no kompaña fornesedór sesta bázika, tanba distribui ona ai-hán ba komunidade sira la’o susesu.

Tempotimor(Dili)- Administradór postu Remexio, Jacinto Mendonça, ejize ba Ministériu Obras Públika atu rezolve lalais estrada diresaun ba postu Administrativu Remexio, Munisípiu Aileu ne’ebé kotu, tanba fó impaktu maka’as ba komunidade sira moras atu asesu ba tratamentu iha ospital.

Tanba udan boot iha loron 4 fulan-abril hakotu estrada liga ba Remexio hodi difikulta komunidade sira-nia movimentu.

“Dalan ne'ebé kotu fó impaktu maka'as ba saúde, liuliu inan feto sira atu partu ne'e nomós ba moras sira seluk tanba família sira hulan de’it husi vila mai to'o iha simpang tiga kuaze kilometru neen resin, depois karreta servisu saúde Munisípiu Aileu nian tula fali hodi transporta ba Dili”, dehan Jacinto Mendonça telefone, kuarta(28/04).

Ho nune'e sira preokupa tebes atu hadia lalais dalan refere tamba sira iha alternativu seluk kee ona dalan maibé so motorista mak bele liu ba mai no karreta labele.

“Kona-ba forsa ema nian ami koko hotu ona iha loron hirak liuba, maibé tanba forsa ema nia so bele ba de’it iha motorista mak bele liu, maibé dalan ba karreta ami labele halo buat ida”, dehan nia.

Entretantu Pedro da C. Fernandes nu'udar responsável ba Klibur Estudante Universitáriu Postu Administrativu Remexio (KEUPAR) mós ejize tebes ba Ministériu Obras Públika (MOP) no Instituisaun Jestaun Ekipamentu, institutu públiku (IJE,ip) atubele tau konsiderasaun sériu ba estrada refere.

"Presiza hadi'a lalais estrada ne'ebé kotu totál iha postu Remexio ne'e, atu nune'e ami komunidade sira bele asesu filafali dalan ne'e, nomós ba komunidade sira ne'ebé moras inklui inan isin-rua sira bele hetan lalais tratamentu ho di'ak liután”, afirma. (*)