Login to your account

Username *
Password *
Remember Me

Tempotimor (Baukau)-Governu liuhusi Ministériu Ensinu Superior Siensia no Kultura (MESSK), servisu hamutuk ho Fundu Dezenvolvimentu Kapital Umanu (FDCH-sigla portugés), rekolla ona dokumentus husi estudante na'in-645 iha Munisípiu Baukau, atu asesu ba programa bolsa hakbi'it no parsial tinan 2023.

Diretór servisu rekursu umanu, Munisípiu Baukau, João Bosco Ximenes, esplika, programa ne'e, Governu liuhusi FDCH hakarak apoiu estudante ne'ebé valór boot, maibé ekonómia família la sufisiente atu kontunua nia estudu iha univesidade.

Tanba ne'e, ekipa tékniku husi FDCH hamutuk ho servisu Administrasaun Munisípiu Baukau, hahú husi loron 06-13 fulan-fevereiru tinan 2023, konsege simu dokumentus husi estudante ba bolsa hakbi'it no parsial periodu 2023 nian, hamutuk 645 husi Postu Administrativu Baukau Vila, Baguia, Laga, Kelikai, Venilale inklui Vemase.

"Agora dadauk dadus ne'ebé tama ona ne'e kuaze 600-resin, ne'e estudante sira husi Postu-6 hotu, ba vaga bolsu habkbi'it no bolsu parsial", dehan nia iha vila nova Baukau, Segunda (13/02).

Estudante ne'ebé submete ona dokumentus ba bolsa hakbi'it, husi estudante finalista sekúndaria husi anu letivu 2017, ho valór 6.0, enkuantu bolsa parsial ho valór tenke 7.5 ba leten, husi anu letivu 2022 de'it.

Dokumentus ne'ebé estudante sira submete ona, sei halo selesaun iha nasionál, hafoin taka sai naran iha nivel Munisípiu.

Bainhira liu ona selesaun, Governu sei halo finansia tuir tipu bolsu ida-ida, hanesan benefisiáriu ba bolsa hakbi'it, Governu sei finansia fundus ba semester, selu hela fatin, inklui han hemu, enkuantu ba benefisiáriu bolsa parsial Governu selu de'it kada semester.

"Ha'u hanoin programa ne'e bele fasilita ita nia komunidade sira ne'ebé kbi'it la'ek laiha forsa atu selu sira nia oan nia eskola atu ba universidade", nia akresenta

Husu kandidatus sira, sai ona benefisáriu ba bolsa refere, tenke estuda no kumpre deklarasaun ne'ebé iha, tanba Governu tau ona osan hodi tau matan, maibé derepente eskola la hotu to'o dalan klaran hakarak sai, tenke devolve fali estadu nia osan.

"Ne'e regras mak hanesan ne'e, sé sira hakarak hola mane ou hola feto, família tenke selu fali estadu nia osan", nia hatete

Aman ba kandidatu bolsu hakbi'it, Feliz Manúel Belo, sente kontente ba programa refere, tanba bele ajuda ekonómia família kbi'it la'ek sira nia oan asesu ba edukasaun iha banku universitáriu.

"Ami sente kontente, tanba Estadu ajuda ona ami inan aman kbi'it la'ek, maibé liuhusi teste mak determina", nia subliña

Entretantu programa bolsa hakbi'it no parsial tinan 2023 ne'e, foku liubá área estudu Agrikultura ho nia área kursu 3, Edukasaun área kursu 10, Enjeñaria área kursu 9, Saúde área kursu 6, inklui, Siensia Sosiais área kursu 6. (*)

Tempotimor (Dili)-Sekretária Estadu Arte no Kultura (SEAK), dadaun halo ona preparasaun ba dezimisaun Dekretu Lei kona-ba direitu autor, atu kondena ema ne’ebé duplika ka kopia produtu tais Timor nian.

Tempotimor (Dili)-Ministériu Ensinu Superior Siensia no Kultura (MESSK) sei publika lista ne’ebé atu asesu ba Universidade Nasional Timor Lorosa’e iha fulan-fevereiru tinan 2023.

Tempotimor (Dili)-Komunidade Uma-kain hamutuk 13 iha Suku Betano, Postu Administrativu Same, Munisípiu Manufahi, ne'ebé afeta ba konstrusaun edifísiu Institútu Politékniku Betanu (IPB) ejizi indiminizasaun ba Ministériu Ensinu Superior Siensia no Kultura (MESSK).

Tempotimor (Dili)-Arsebispu Arkidioseze Metropolitana Dili, Dom Virgílio do Carmo da Silva, entrega ona dokumentu prosesu hari'i Universidade Katólika iha Munisípiu Dili ba Ministériu Ensinu Superiór Siénsia no Kultura (MESSK), sesta (16/07).

Tempotimor (Dili)-Vise Reitór para os Asuntus Akadémikus e de Garantias Kualidades (VRAAGQ) Universidade Nasionál Timor Lorosa'e (UNTL), Samuel Freitas hatete, dadus estudante UNTL ne’ebé aprezenta ona ba Governu liuhusi Ministériu Ensinu Superior Siénsia no Kultura (MESSK) atu hetan apoiu propinas mak hamutuk 27.808.

Tempotimor (Dili)- Serka Sánitaria iha Munisípiu maka, governu liu-husi Ministériu Ensinu Superior Siénsia no Kultura (MESSK) hamosu polítika ida atu apoiu subsidiu ba estudante sira ne'ebé hela 'Kost'.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter