Tempotimor (Dili)-Governu Austrália no Governu Timor-Leste (TL) sei servisu hamutuk atu haree mekanizmu implementa projetu esplorasaun iha platasaun Greater Sunrise.

Tempotimor (Dili)-Prezidente Autoridade Nasional Petróleu no Minérais (ANPM), Florentino Mateus Soares Ferreira hatete, durante tinan sanulu-resin-lima (15) nia laran Governu Timor-Leste seidauk deskobre kampu mina (petróliferu) matan foun ida, tanba ne’e labele deklara Timor-Leste riku ba mina.

"Laiha solusaun deskobrementu ba kampu ida iha tinan 2007 to'o agora siknifika tinan sanulu-resin-lima (15) nia laran ita la halo deskobrementu ba kampu ida, tanba ne'e ita labele halo kontente-an dehan ita Timor riku mina”, deklara Prezidente ANPM Florentino iha Salaun Auditóriu UNDIL, sesta (08/04).

Haree Kampu mina sira ne'ebé hala'o produsaun ne'e kampu sira ne'ebé mak mai husi primeiru lejislatura iha kampu Bayu Undang ne'ebé ida de’it ona.

“Durante tinan sanulu-resin-ualu nia laran hanesan nasaun ida ita produz de'it kampu rua mak Kitán no Bayu Undang laiha tan Kampu seluk. Tanba dala barak ita deklara-an iha públiku katak ita ne'e riku mina maibé ita atu riku ne'e ho kampu rua de'it?. Kampu sira ne'e, kontribui ona purvolta 20 milhões ital no ita uza ona 12 milhões no hela 19 milhões husi fundu petroliferu ne'e realidade ne'ebé ita enfrenta”, esplika nia.

Tanba lisensiamentu dahuluk iha tinan 2005 no lisensiamentu daruak iha tinan 2019 siknifika lori tinan sanulu-resin-haat mak halo promosaun ba kampu sira ne'e realidade.

“Lisensiamentu daruak ne'ebé ita halo iha tinan 2019 no tinan 2020 iha períodu ne'ebé la favoravel tebes tanba ne'e ita labele halo buat ida kona-ba Promosaun. Iha tinan 2021 iha fulan-agostu to'o dezembru konsege halo promosaun iha nasaun balun inklui Situasaun Covid-19 nia laran”, dehan nia.

Maibé produsaun atual husi kampu ida de'it no esforsu barak mak halo ona, maske Bayu Undang nia perfurasaun hetan tiha maibé produaaun tun maka'as tanba uluk kada loron produz rihun 600-resin, agora tun ba rihun-300-resin ba Gás. (*)

Tempotimor (Díli)-Ministru Petroleo no Minerais (MPM), Víctor da Conceição Soares hatete, Governu Timor-Leste hakarak diskute direta progresu Greater Sunrise ho Governu Austrália, tanba durante diskusaun de'it husi email no Video Zoom.

Tempotimor (Díli)-Primeiru Ministru (PM), Taur Matan Ruak, sei deskola ba nasaun Austrália hodi hasoru malu ho nia omólogu Primeiru Ministru (PM) Austrália, Scott Morrison hodi ko'alia kona-ba kooperasaun Mina Austrália ho Timor durante ne'e.

Tempotimor (Dili)-Jestór Nasionál Empreza Timor Resources Pty Ltd, Filomeno de Andrade hatete, iha planu Timor Resources  iha tinan 2021 ne'e, sei halo perfurasaun ba mina matan tolu iha Suai Suku Matai, Suku Camanasa Suku iha Suai, no área Ainaru iha foho Ailiko