Tempotimor (Ermera)-Kandidatu Prezidente Repúblika (PR) períodu 2022-2027, José Ramos Horta, iha kampaña eleitrorál iha Railaku Vila, Ermera, nia parte sei prioritiza setór Agrikultor, Edukasaun no Saúde ne’ebé sai hanesan kompeténsia Governu.

Tempotimor (Dili)-Portavoz Ekipa Susesu, Alberto Carvalho Araujo hatete, Komisaun Polítika Nasioná (KPN) Partidu Unidade Dezenvolvimentu Demokratiku (PUDD) deside avansa ho Kandidatu Prezidnete Repúblika (PR), Martinho Gusmão ba Prezidente Repúblika atubele halo mudansa lori moris di'ak ba povu.

“Tanba ne'e Partidu PUDD fihir, hili no tetu, hodi hili Dr. Martinho Gusmão, ne’ebé uluk serví iha uma kreda, sarani sira no ba povu Timor, tanba ne’e ohin Partidu PUDD hakarak fihir Dr. Martinho Gusmão atu sai Prezidente Repúblika ba períodu tinan lima tuirmai”, afirma nia iha komísiu kampaña loron datoluk ba kandidatu PR Martinho Gusmão iha iha Postu Adminitsrativu Railaku, Munisípiu Ermera, segunda (07/03).

Pozizaun PUDD foti desizaun hodi konfiansa ba Martinho Gusmão tanba haree katak tinan 20 ukun-an, dezenvolvimentu la’o hakdasak, sobu malu, la rona malu, hatun malu, hasa’e malu, hodi difikulta povu mak terus nafatin.

Tanba ne'e, lakohi povu atu terus tan, di'ak liu hothotu hamutuk hodi lori mudansa ba futuru liuhusi kandidatu Martinho Gusmão.

Maske iha ema balun hatete, Maromak de’it nia bosok satán ema, maibé atu hatete de'it katak, ‘Amu bispu ho amu papa’, ne’ebé mak fó autorizasaun la dehan Martinho Gusmão bosok Maromak.

PUDD haree katak azitasaun lahan, azitasaun fraku, polítika fraku, no husu Ermeraoan sira hotu, atu dehan ba povu Timor, dalan loos, dalan di’ak mak kandidatu inkluzaun ida ne’ebé Partidu PUDD aprezenta ba povu Timor atu hili no atu lori ba Prezidenti Repúblika.

Kandidatu Martinho Gusmão, nia ema ida ne’ebé iha kapasidade, iha maturidade, sei la halis ba partidu ida, sei la halis ba ema ida, sei kumpri lei, kumpri justisa, kumpri mandatu ne’ebé mak povu fó fiar ba nia atu lori povu no rai ida ne’e ba moris di’ak.

Husu ba apoiante sira atu haree didi’ak prinsípiu politika sira no labele nakdoko, labele rona rumoris ki’ikoan sira.

Mesmu iha ema ida no rua lori bandeira PUDD ba buka buat rahun hodi deklara PUDD la solidu, maibé lalika hakfodak, tanba Estrutura Nasionál Partidu PUDD sólidu, firme nafatin lori Martinho Gusmão ba Prezidenti Repúblika, no firme nafatin atu lori PUDD hetan Vitória ba 2023.

“Ha’u repete tan Labele tauk, labele rona rumoris, ita koñese malu, ita hatene malu. Ita hamriik tanba ita iha mehi, kuaze tinan 20 ita la hetan ita-nia mehi hanesan mehi ne’ebé mak ita hakarak iha ukun-an ida ne’e”, dehan nia.

Nu’udar Portavoz Ekipa Susesu Kandidatu Martinho Gusmão disponivel atu diskute ho sé de’it, kona-ba konseitu dezenvolvimentu ba rai ida ne’e. Konseitu oinsá atu hetan prezidente ho kualidade di’ak atu lori Timor ba oin no la’ós moris iha impase nia laran, la’ós moris iha Estadu Emerjénsia, la’ós moris iha lockdown, tanba ida ne'e ukun ho atrazadu, ukun ho atrapalla.

“Ita hakdasak nafatin, no to’o agora ita sei hamlaha, terus nafatin, iha ukun-an tinan 20 nia laran. Tuir loos ita muda tia ona, ita di’ak tiha ona, maibé to’o agora ita seidauk di’ak tanba ita-nia líder sira hatene mak halo impase, hatene mak soke malu, hatene mak la rona malu, mais uluk iha rezisténsia ita rona malu, unidade, maibé kontariu fali iha ohin loron ita haree malu ladi’ak, la rona malu”, deklata nia. (*)

Tempotimor (Covalima)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, bandu apoiante no simpatizante atu tuir atetude apoiante sira husi Governu aitonka, hanesan apoiante Partidu KHUNTO no FRETILIN ne’ebé tuda malu iha Munisípiu Baukau, domingu (06/03).

Tempotimor (Dili)-Kandidatu Prezidente Repúblika (PR) Períodu 2022-2027, José Ramos-Horta hatene aproveitra oportunidade hodi dada simpatia komunidade sira atubele fó votu iha eleisaun Prezidensiál, 19 marsu 2022.

Tempotimor (Manufahi)-Udan boot ne'ebé akontese iha loron segunda (07/03), konsege hoban apoiante no simpatizante husi Kandidatu Prezidente Repúblkla (PR), José Ramos Horta iha komísiu kampaña loron daneen nian ne'ebé halo iha Postu Administrativu Same Vila, Munisípiu Manufahi.

Tempotimor (Dili)-Ekipa Susesu husi Kandidatura, José Ramos Horta (JRH) kontra Sekretáriu Jerál Partidu Frente Revolusionáriu Timor-Leste no Independente (FRETILIN), Mari Alkatiri, uza Prezidente Partidu CNRT, Kay Rala Xanana Gusmão no José Ramos Horta sai hanesan matéria ba eventu kampaña loron dahaat Kandidatu Prezidente Repúblika, Francisco Guterres ‘Lú Olo’, iha Munisípiu Bobonaro, sábadu (05/03).

Tempotimor (Dili)-Movimentu Defisiénsia Vizaun Foun (GMDVF) fó deside fó apoiu ba Kandidatura Prezidente Repúblika númeru Sorteiu 14, José Ramos Horta, iha eleisaun Prezidensiál.

Tempotimor (Manatutu)-Kandidatu Prezidente Repúblika ba períodu 2022-2027, José Ramos-Horta, iha kampaña ba loron dahaat sábadu (05/03) kontinua sukit kazu Meza Prezidnete Parlamentu Nasionál ne’ebé rahun, iha loron 19 maiu 2020.

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, orienta Vikekeoan taka ibun iha kampaña eleitorál ba Kandidatu Prezidente Repúblika, José Ramos Horta iha munisípiu Vikeke, sesta (04/03).

Tempotimor (Dili)-Kandidatu Prezidente Repúblika (PR), José Ramos Horta ho Francisco Guterres ‘Lú Olo’, hamosu deklarasaun kontra ataka iha kampaña elitorál ne’ebé hala’o durante loron rua nia laran.