Login to your account

Username *
Password *
Remember Me

Tempotimor (Díli)-Konselleiru Másimu Partidu Kmanek Haburas Unidade Nasional Timor Oan (KHUNTO), José dos Santos 'Naimori Bucar' hatete, sira seidauk deside hodi ‘halis’ ba kandidatu ida iha eleisaun segunda volta, tanba dadaun ne’e hamutuk ho Partidu Libertasaun Popular (PLP) no FRETILIN iha Governu daualu.

Tanba rezultadu finál provizóriu ne’ebé iha hatudu Kandidatu Prezidente Repúblika, José Ramos Horta, hanesan vensedór no Kandidatu Francisco Guterres “Lú Olo’, iha pozisaun daruak ne’ebé iha posibilidade avansa ba segunda volta.

“KHUNTO hamutuk hela ho PLP no FRETELIN iha VIII Governu tanba ne’e ita lakohi ansi maibé sei tetu ho di'ak molok iha desizaun tanba ne’e ba povu nia moris”, dehan José dos Santos ‘Naimori Bucar’ iha Palásiu Prezidensiál Bairopite, tersa (22/03).

Bainhira KHUNTO ne’ebé deside apoiu kandidatu CNRT no FRETELIN iha eleisaun segundu ronde KHUNTO sei tetu nia desizaun hotu atu la prezudika Governu ida ne’e la'o ba oin tuir mandatu ne’ebé iha hodi kontinua serví povu tuir lei hatete tanba prinsípiu KHUNTO asegura Governu hakarak asegura povu ba moris di'ak.

“Partidu KHUNTO ita-nia tradisaun demokrasia rasik no konsidera partidu polítiku sai hanesan instrumentu nasaun nian, tanba ne’e KHUNTO mantein ho nia pozisaun rasik no seidauk iha desizaun definitivu atu apoiu kandidatu ida ne’ebé iha eleisaun prezidensiál ba segundu volta”, dehan nia.

Tanba situasaun polítika iha Timor-Leste hatudu mudansa ida siknifikativu no liliu iha interna partidu KHUNTO nune’e estrutura nasionál simu trezultadu eleisaun prezidensiál no iha esperansa atu simu festa demokrasia ba eleisaun parlamentar iha 2023.

“Partidu KHUNTO ita sei haree tanba ha'u sei organiza reuniaun iha nível estrutura partidu nian para bele iha desizaun atu apoiu se iha segunda ronde nian”, esplika nia. (*)

Tempotimor (Dili)-Prezidente Partidu Demokrátiku (PD), Mariano ‘Assanami’ Sabino hatete, sira nia parte sei la fó apoiu ba kandidatura Prezidente Repúblika ne'ebé aprezenta programa dehan Mean baku fila no mutin baku fila, iha eleisaun prezidensiál seguda volta.

Tempotimor (Dili)-Kandidata Prezidente Repúblika (PR), Armanda Berta dos Santos hatete, nia parte agradese ba militante husi Partidu Kmanek Haburas Unidade Nasionál Timoroan (KHUNTO) ne'ebé oferese ona eleitorál hodi apoiu ba ninia kandidatura liuhusi ekipa susesu.

Tempotimor (Dili)-Konselleru Másimu Partidu Kmanek Haburas Unidade Nasionál Timor Oan (KHUNTO), José dos Santos ‘Naimori Bukar’, fa’an hela Kandidatu Prezidente Repúblika (PR), Armanda Berta, nia domin durante kampaña Eleitorál ne’ebé hala'o iha Likisá, tanba Berta hanesan kandidatu feto ne’ebé sempre hadomi povu.

Tempotimor (Baukau)-Polísia Nasionál Timor-Leste (PNTL) Munísipiu Baukau identifika ona suspeitu na'in-7 ne'ebé tuda apoiante husi kandidatu Prezidente Repúblika ho númeru sorteiu 9, Armanda Berta dos Santos iha postu Administrativu Venilale.

Tempotimor (Baukau)-Ékipa susesu husi kandidatu Prezidente Repúblika ho númeru sorteiu 9, Armanda Berta dos Santos iha Munísipiu Baukau, prontu atu rekopera kondisaun vítima na'in-3 nian iha Suku Tirilolo, Postu Baukau Vila, ne'ebé hetan estragus husi militante, maibé tenke tuir lei.

Prezidente ékipa susesu Armanda Berta iha Munísipiu Baukau, Angelo Angelito Freitas Correia, hatete, militante desloka husi Postu Adminisitrativu ba fatin kampaña, hetan ona brifing no simu esklaresimentu tuir akordu ne'ebé asina liuhusi paktu segúransa.

Nune'e, militante desloka husi Postu, la lori sasan kroat ruma iha karreta laran, maibé sasan ne'ebé lori mak hanesan atributu kandidatu PR númeru sorteiu 9 nian.

Maibé, iha dalan vila antiga Baukau (kota lama) hetan provokasaun husi maluk advesariu realiza mini kampaña (Fretilin) hodi rezulta militante kandidatu PR númeru sorteiu 9 balun hetan kanek inklui estraga karreta balun.

"Sasan ne'ebé estraga ne'e, masa mak mai einkontrolu, konserteza akontese nune'e, maibé parte husi ami kolabora hadi'a kondisoins hirak ne'e, maibé tuir regras (lei) la'o nafatin tuir nia dalan," dehan nia iha sede partidu Khunto Uatulete, segunda (07/03).

Nune’e, prontu kopera ho parte segúransa PNTL, no Komisaun Nasionál Eleisaun (CNE-sigla portugues) Baukau, bazeia ba formuláriu reklamasaun hodi prosesu kazu refere.

Kampaña komisiu husi kandidatu PR númeru sorteiu 9 iha loron 06 fulan-marsu tinan-2022 (hoseik) militante hamutuk karreta 69 naran rezistradu iha partidu Khunto.

"Militantes ne'ebé mai edukadu kontroladu, tanba segúransa husi Postu mak akompaña, sira laiha intensaun aat atu halo konfrontu tuir dalan," nia argumenta

Tanba ne'e, husu reprezentante kandidatu na'in-16 iha Baukau, halo koperasaun di'ak atu labele hamosu konfrontasaun no perturbasaun.

"Parte CNE no segúransa, se tabrak labele halo (kampaña) oras ida nia laran, labele iha roúte ne'ebé hanesan, nune'e labele perturba hanesan horseik," nia informa

Enkuantu militante husi kandidatu PR númeru sorteiu 9 balun hetan kanek hafoin fila husi fatin komisiu kampaña kampu futebol Suku Triloka, inklui karreta bus-ida no truk-ida hetan estragus

Relasiona konfrontu iha vila antiga Baukau, www.tempotimor.com tenta konfirma parte ékipa susesu partidu Fretilin Baukau, maibé la fó komentáriu. (*)

Tempotimor (Díli)-Prezidente Komisaun Nasionál Eleisaun (CNE), José Agostinho Belo hatete, militante husi Partidu Kmanek Haburas Unidade Nasionál Timor Oan (KHUNTO) no Frente Revolusionáriu Timor-Leste Independente (FRETILIN) ne'ebé mak ataka malu iha Munisípiu Baukau, dadaun ne’e CNE seidauk identifika suspeitu ba kazu refere.

Tempotimor (Baukau)‐Polísia Nasionál Timor-Leste (PNTL) Munísipiu Baukau, kontinua halo investigasaun ba autór ne’ebé hamosu konfrontu iha atividade kampaña.

Tempotimor (Dili)-Kandidata Prezidente Repúblika (PR) husi Partidu Kmanek Haburak Unidade Timor Oan (KHUNTO), Armanda Berta dos Santos hatete, nia parte prontu hametin paz no lori moris di'ak ba povu Timor-Leste, bainhira hetan konfiansa eleitu ba Prezidente Repúblika iha loron 19 fulan-marsu.

Tempotimor (Dili)-Prezidente Ekipa Susesu Kandidatu Prezidente Repúblika, Marito Magno defende kandidatu Prezidente Repúblika husi Partidu Kmanek Haburas Unidade Nasionál Timoroan (KHUNTO), Armanda Berta dos Santos, ne’ebé hatene ko’alia lian-Portugéz maibé prefere utiliza lian-tetun iha Debate entre kandidatu sira, atu fasilita eleitór sira komprende programa kandidatu.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter