Tempotimor (Dili)-Inspetór sira husi Divizaun Operasaun, Kargu Xefia Departamentu Operasaun nian iha Autoridade ba Inspesaun no Fiskalizasaun ba Atividade Ekonomika, Sanitária. Instituisaun no Alimentar, Institutu Públiku (AIFAESA, I.P) partisipa iha simulasaun ne'ebé hala'o husi tékniku Risku Alimentár no Laboratóriu (RAL) kona-bá prosedimentu kolleta amostra.

Tuir informasaun ne’ebé www.tempotimor.com asesu iha pájina MAE, kinta (16/06) katak, Divizaun Operasaun mak Divizaun ida ne'ebé iha kompeténsia halo kontrolu ba produtu ai-hán sira hodi garante ninia kualidade.

Nune'e iha kompeténsia ne'ebé atribui halo mós kolleta amostra ba produtu ai-hán sira hodi submete ba teste laboratórial.

Tanba atu funsiona servisu ida-ne'e mak tékniku husi Risku Alimentár no Laboratóriu hola inisiativa fó simulasaun ba inspetór sira kona-ba prosedimentu rekolla amostra.

Materia ba simulasaun kona-ba prosedimentu ne'e hato'o husi Tékniku Risku Alimentár, Madalena Sarmento, simulasaun ne'e halo mós prátika ba inspetór sira oinsá rekolla amostra. (*)

Tempotimor (Dili)-Autoridade Inspesaun Fiskalizasaun Sanitária no Alimentu (AIFAESA) liuhusi atividade inspesaun no fiskalizasaun ba loja hamutuk 684 iha territórriu Timor-Leste (TL) konsege deteta loja hamutuk 40 mak violá dekretu lei númeru 24/2016, kona-ba sanitária.