Tempotimor (Dili)-Prezidente Repúblika (PR), José Ramos Horta preokupa ho sustentabilidade husi fundu minarai sei monu wainhira Governu la rezolve lalais Projetu Greater Sunrise Timor-Leste nian.

Tempotimor (Díli)-Eis Vise Ministru Finansas (MF), Helder Lopes hatete, Governu prefere uza osan empréstimu hodi halo dezenvolvimentu tanba nia funan menus husi pursentu tolu (3%) ne’ebé Timor-Leste hetan husi Fundu Petrolíferu (FP).

Tempotimor (Dili)-Xefe Bankada FRETILIN, Francisco Miranda Branco hatete, durante tinan rua-nulu (20) nia laran, hahú husi primeiru Governu to'o oitavu Governu konsege gasta ona osan Fundu Petroliferu (FP) hamutuk billaun US$17.

Tempotimor (Dili)-Ministru Finansas (MF), Rui Augusto Gomes  informa, polítika investimentu fundu minarai ne’ebé Governu halo ona ba Prezidente Repúblika (PR), Francisco Guterres 'Lú Olo’ atubele informadu kona-ba fundu minarai.

Tempotimor (Dili)- Banku Central Timor-Leste (BCTL) fó sai relatóriu fundu mina-rai Timor-Leste, nian ba trimestre ne'ebé termina ona iha loron 31 fulan-marsu tinan 2021 hamutuk billaun US$18.98.

Relatóriu ne'ebé fó sai husi Banku Sentrál Timor-Leste iha loron segunda (03/05) hatudu, kapitál fundu mina rai iha trimestre ikus billaun US$18.98 kompara ho billaun US$18.99 iha fim trimestre dahuluk tinan 2021.

Relatóriu ne'e mós hatudu totál reseita mak simu iha trimestre ne'e, hamutuk millaun US$54.18 ne'ebé kompostu husi kontribuisaun kontribuente sira ba fundu hamutuk millaun US$31.76 no pagamentu royalty simu husi Autóridade Nasionál Petrolíu (ANP) mak millaun US$22.41.

Rendimentu husi investimentu fundu nian ne'e hamutuk millaun US$150.75 kompostu husi kupaun no jurus ne'ebé simu mak millaun US$76.11, mudansa iha valór merkadu nian milaun US$75.31 no movimentu kambiais lakon mak millaun US$0.68 iha trimestre ne'e.

Tanba ne’e, rezuta rendimentu ba karteira Fundu nian durante trimestre ne'e, pursentu 0,76, enkuantu rendimentu sasukat (benchmark) nian ba periodu ne'e mak pursentu 0,64.

Haree ba lei fundu mina-rai nian espesifika katak, Jestór Operasional (Bancu Central Timor-Leste), mak hanesan ajente responsável ba jestaun operasionál fundu mina-rai nian. Maibé Ministriu Finansas mak responsabiiza atu establese estratéjia investimentu tomak kona-ba fundu ne'e nian.

Banku Central de Timor-Leste jere ona portofoliu besik liu ho pontu referénsia iha trimestre dala-57 dahuluk. Diferensia entre portofoliu no pontu referénsia iha periode ne'e 31 pontu de baze ka pursentu 0,31. Maibé dezempeñu absoluta retornu fundu nian hahú husi inisiú mak pursentu 4.82.

Pontu impórtante husi relatóriu trimestre ba dala LVII, ne'ebé kobre periodu 01 fulan-janeiru to'o loron 31 fulan-marsu tinan 2021, mak kapitál fundu nian billaun US$18.98.

Nune’e mós, osan kontadu brutu fundus nian tama husi kontribuisaun kontribuinte, realeza (royaltes) hamutuk millaun US$54.18. No osan kontadu likidu ne'ebé sai husi fundu durante trimestre ne'e hamutuk millaun US$202.03, kompostu husi millaun US$200 transfere ba Orsamentu Estádu no milaun US$2.03 kobre kustu jestaun nian.

Iha mós reseita Iikidu durante trimestre ne'e hamutuk millaun US$145.82,  no Rendimentu portofoliu instrumentu merkadu finanseiru iha peridu ne'e mak pursentu 0,76, kompara ho rendimentu referénsia pursentu 0.46.  (*)