Tempotimor (Dili)-Administradór husi Estadus Unidus nia Ajénsia ba Dezenvolvimentu Internasionál (USAID), Samantha Power anúnsia katak, Timor-Leste selesiona nu’udar nasaun parseiru ida entre nasaun sia ba inisiativa Parseria ba Dezenvolvimentu Demokrátiku (PDD) durante loron dahuluk iha Simeira ba Demokrásia 2023.

Tempotimor (Dili)-Enkarregadu Embaisadór Estadu Unidu Amerika (EUA) iha Timor-Leste, Tom Daley hatete, hahú husi tinan 2001 to'o agora United States Agency for International Development (USAID) konsege apoiu orsamentu hamutuk millaun $350 ba dezenvolvimentu Timor-Leste nian.

Tempotimor (Dili) – Atu haforte liután relasaun entre Estadus Unidus Amérika (UEA) ho Timor-Leste, Diretór Gabinete Asuntu Marítima ba Sudeste Aziatiku, Mark D. Clark vizita Timor-Leste.

Sesta (15/11/19), Mark D. Clark hasoru malu ho Primeiru Ministru Taur Matan Ruak iha Palásiu Governu.  

"Hasoru malu ho Primeru Ministru Taur Matan Ruak, rona mós ideia ne'ebé ko'alia kona-ba asuntu oioin. Maibé, objetivu mak atu hametin liután parseria ne'ebé durante ne'e iha ona, entre EUA ho Timor-Leste," dehan Mark D. Clark ba jornalista hafoin hasoru PM Taur.

Mark afirma, nia diskusaun ho PM Taur pozitivu atu hametin relasaun entre povu ho povu, nomos hametin kooperasaun iha área seguransa, ekonomia no polítika.

"Ami mós hakarak oferese tan oportunidade ba joven sira liuhosi hametin relasaun atu hametin lasus entre ema ho ema ou povu ho povu, entre rai rua ne'e," Mark tenik.

Tempotimor (Dili) – Relasiona ho fatin ba embaixada Timor-Leste nian iha Estadus Unidus Amérika  (EUA), ne'ebé to'o oras ne'e seidauk iha, Governu Timor-Leste liuhusi Ministériu Negósiu Estranjeiru  no Kooperasaun (MNEK), husu resiprosidade ba EUA.

"Kona-ba fatin ba embaixada Timor-Leste nian iha Amérika, ita sei trata hela fatin. Sira husu ba ita no Konsellu Ministru mós aprova ona, katak sira hakarak ita atu fó kontratu ida ba tinan naruk ho presu ida hanesan ne'e, hanesan ne'ebá. Entaun ita konkorda ona. Ministru Justisa mós ko'alia ona, MNEK mós hare tiha ona kontratu ne'e," dehan Ministru Negósiu Estranjeiru no Kooperasaun (MNEK) Deonísio Babo Soares iha Palásiu Prezidensiál Bairru-Pite, Kinta (19/09/19).

Nia afirma, TL husu resiprosidade ba EUA atu fó ba ita hanesan ita fó ba sira. "Ita husu resiprosidade katak ita fó ba sira, sira mós tenke fó mai ita iha Amérika. Ne'e, la'ós dehan fó de'it depois ita ba iha ne'ebá selu nafatin laiha,” nia esplika.

Tuir Babo, prosesu ne'e sei la'o hela. Hotu ona, mak sei asina. Maibé, nia dehan tan, ida ne'e normal.  Tanba iha diplomasia labele ansi.

“Rezolve buat ruma tenke resolve ho kalma no labele prejudika fali ita, ka labele fó de'it vantajen ba sira no ita. Laiha. Ita tenke negosia, haree ho kalma no neneik," dehan Babo.