Login to your account

Username *
Password *
Remember Me

Tempotimor (Dili)-Ekipa Susesu husi Kandidatu Prezidente Repúblika (PR), Francisco Guterres ‘Lú Olo’, krítika Komisaun Nasionál ba Eleisaun sira (CNE) no autoridade Seguransa liliu Polísia Nasionál Timor-Leste (PNTL) ne’ebé abandona Kandidatu José Ramos Horta ho partidu Congresso Nacional de Reconstrução de Timor (CNRT) viola regra kampaña eleitorál, iha Atsabe, Munisípiu Ermera, kinta (07/04).

"Kandidatu José Ramos Horta no partidu CNRT tau sira-nia an iha regra eleitorál nia leten maibé laiha reasaun husi CNE, nu’udar entidade públika ne’ebé tenke halo supervizaun ba eleisaun prezidensiál ida ne’e tuir regra hatuur husi Estadu”, dehan Reprezentante Legál Kandidatu Francisco Gusterres Lú Olo, Fernandos Dias Gusmão liuhusi komunikadu imprensa ne'ebe www.tempotimor.com asesu, sesta (08/04).

Tanba atetude ne'ebé komete husi Horta ho CNRT iha loron 7 abril 2022, iha Atsabe, Munisípiu Ermera, instituisaun públika sira envolve iha monitorizasaun kampaña la hatudu autoridade nein imparsialidade inklui Polísia Nasionál Timor-Leste (PNTL), nu’udar autoridade públika ne’ebé iha dever tomak atu garante kumprimentu regra Estadu nian.

"Tanba husik de’it kandidatu José Ramos Horta no partidu CNRT viola regra Estadu nian”, afirma nia.

Tanba ne'e, liuhusi karta protestu ba CNE, ne’ebé aprezenta iha loron sesta (08/04), no ekipa susesu kandidatu Francisco Guterres Lú Olo mós hakarak fó-hanoin ba entidade hotu ba utilizasaun regra sira ne'ebe hatuur ona iha lei no dekretu Governu.

Iha lei Númeru 4 /2017, 23 fevereiru, aprova alterasaun dalima ba lei númeru 7/2006, 28 dezembru kona-ba lei eleitorál ba Prezidente Repúblika, kona-ba prinsípiu kampaña eleitorál artigu 28, alínea 2 hatete katak “CNE verifika respeitu ba prinsípiu sira ne’e, aplika husi loron determina data eleisaun, no adota medida sira ne’ebé garante kumprimentu no dezenvolvimentu pasífiku kampaña eleitorál”.

Aleinde ne'e iha mós Dekretu Governu Númeru 3/2022, 10 Janeiru, alterasaun dahuluk ba Dekretu Governu númeru 5/2017, 27 fevereiru, ne’ebé regula a kampaña no propaganda eleitorál.

Tanba ne’e, kona-ba limitasaun tempu ba kampaña eleitorál, tuir artigu 11.º husi dekretu refere katak propaganda eleitorál bele de’it akontese husi tuku 8 dadeer to’o tuku 6 loraik de'it. (*)

Tempotimor (Dili)-Governu Konstitusionál daualu deside toleránsia pontu ba loron importante sarani kristaun nia selebrasaun festa Paskua no eleisaun prezidensiál segunda volta.

Tempotimor (Baukau)‐Eleitór sira iha Munísipiu Baukau la tau importánsia ba edukasaun votantes ne'ebé Sekretáriadu Tékniku Administrasaun Eleitórál (STAE) liuhusi brigadista lansa iha kada suku.

Tempotimor (Dili)-Kandidatu Prezidente Repúblika (PR), José Ramos Horta, krítika programa Governu nian tanba, lakonsege kria seguru kompaña (Insurance Company) atubele garante bainhira mosu dezastre ruma hasoru kompaña.

Tempotimor (Dili)-Konsellu Imprensa ho Programa Nasaun Unidas ba Dezenvolvimentu (UNDP) lansa mídia Buss daruak ba eleisaun prezidensiál egundu volta.

Tempotimor (Dili)-Polísia Nasionál Timor-Leste (PNTL) Munisípiu Dili hamutuk ho Komandante Eskuadra no Seksaun sira hahú diskute oinsá asegura seguransa ba apoiante husi kandidatura José Ramos Horta no Francisco Guterres ‘Lú Olo’, iha eleisaun prezidensiál segunda volta.

Tempotimor (Díli)-Povu Agrikultór, Francisco de Sousa ‘Mausoro Sororai’, husu ba kandidatu Prezidente Repúblika, José Ramos Horta ho Francisco Guterres bainhira eleitu sai Prezidente Repúblika ba tinan 2022-2022, tenke fó atensaun ba povu kbiit laek sira.

Tempotimor (Baukau)-CPD-RDTL Fretilin-Movimentu UNIJMA Ativista PRO-RDTL Munisípiu Baukau, afirma ona pozisaun atu fó apoiu votus konfiansa ba kandidatu Prezidente Repúblika (PR) periodu 2022-2027 ho númeru sorteiu 2, Francisco Guterres Lú Olo iha eleisaun segunda volta.

Tempotimor (Dili)-Kandidatu Prezidente Repúblika, Angela Freita, atual Prezidente partidu Trabalista Timorense ne’ebé komptete iha eleisaun Primeira Volta, konsidera lideransa sira kontinua egoizmu no divezensia polítika sei kontribui Dezenvoliemntu iha rai laran hakdasak nafatin.

Tempotimor (Dili)-Arkebispu Metropolitana Dili, Dom Virgílio do Carmo da Silva, hakarak sarani hothotu liliu Povu Timor-Leste atu selebra sakralidade semana santa nian iha tempu kampaña ba eleisaun segundu volta nian, tanba ne’e akontese tinan ida dala-1.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter