KHUNTO Deskobre ona 'Hahalok Fo'er' CNRT Antes Votasaun OJE 2020
February 01, 2020Tempotimor (Dili) - Orsamentu Jerál Estadu ne'ebe la pasa iha Parlamentu Nasionál tanba 'hahalok fo'er' husi membru bloku koligasaun CNRT mak konsege deskobre uluk ona husi KHUNTO antes tama ba votasaun.
Deputada Bankada Kmanek Haburas Unidade Nasionál Timor Oan (KHUNTO), Olinda Guterres, konta tuir, antes votasaun ba Orsamentu Jerál Estadu (OJE) tinan fiskál 2020 iha jeneralidade, nia hatene ona Bankada CNRT hatudu hahalok 'orientadu ona' atu vota abstensaun.
"Antes ne'e ha'u rona ona issue katak, CNRT atu vota abstensaun. Ha'u iha kafetária husu ba sira tanbasá imi atu vota kontra? Maibé sira hataan mai hau dehan, ami (CNRT) asina tiha ona akta hodi kalan, nune'e ami tenke vota tuir karta ne'ebe asina ona", deha nia, iha Uma Fukun PN, Sesta (31/1).
Tuir Olinda, loloos partidu bankada governu ne'e vota afavór ba orsamentu para asegura governasaun, maibé CNRT ba vota abstensaun fali.
Deputada atuál ne'e akresenta, opozisaun mak vota kontra ne'e normál, maibé bankada governu mak vota abstensaun hotu ne'e kona-ba saida.
Orsamentu Jerál Estadu (OJE) tinan fiskál 2020 xumba iha Parlamentu Nasionál iha diskusaun jeneralidade ho votu afavór 13, kontra 15 no abstensaun 25.
CNRT Rekonese 'Kontribui' Ba Impase Politika
January 30, 2020Tempotimor (Dili)- Impase polítika kontinua hafoin Orsamentu Jerál Estadu (OJE) tinan fiskál 2020 xumba iha Parlamentu Nasionál.
Tempotimor (Dili) - Porta-vós blolu koligasaun Aliansa Mudansa ba Progresu (AMP), Taur Matan Ruak, reziste nafatin katak AMP la eziste ona. Nune'e, rejeita konferénsia hodi hakotu vida AMP.
Prezidente Partidu Libertasaun Populár (PLP) ne'e hateten, husik CNRT mak halo mesak konferénsia no Taur Matan Ruak lakohi ona.
"Sira ba-ba, ha'u lakohi ona," dehan Taur Matan Ruak, iha Palásiu Prezidensiál,Bairru-Pité, Kinta (30/1).
Taur esplika, nia rasik mak hakoi ona AMP bainhira CNRT baku mate iha Parlamentu Nasional, iha Sesta (17/1).
"AMP! CNRT oho tiha ona iha dia 17 (Janeiru 2020), ha'u hakoi tiha iha dia 20 (Janeiru 2020)," tenik nia.
Taur hatete, dadaun ne'e Prezidente Repúblika, Francisco Guterres Lú Olo, halo ona kontaktu ho entidade hotu tanba Primeiru Ministru rasik mak entrega atu deside.
Antes ne'e, Partidu Consello Nacional Reconstrução Timor-Leste (CNRT) sei konsidera nafatin ezistensia bloku Aliansa Mudansa ba Progresu (AMP).
Sekretáriu Jerál Partidu CNRT, Francisco Kalbuadi Lay hatete, mezmu Primeiru Ministru, Taur Matan Ruak, deklara AMP laiha ona maibé juridikamente sei eziste tanba bloku koligasaun nee forma liuhusi konferénsia.
"Tuir juridiku eleitorál AMP harii husi konferénsia no laiha mós tenke husi konferénsia", dehan Sekretáriu Jerál CNRT, Francisco Kalbuadi Lay.
Nia esplika, formasaun AMP liuhusi konferénsia rua, ida konferénsia interna partidu nian hafoin lori fali ba konferénsia nivel bloku koligasaun.
Bloku AMP rasik rahun hafoin Partidu CNRT vota abstensaun ba OJE 2020 iha Parlamentu Nasionál, iha Sesta (17/1). (*)
Veteranu Fó Alerta Ba Lider Parpol
January 29, 2020
Tempotimor (Dili)-Deputadu sira iha Parlamentu Nasionál husu ba governu atu buka lalais solusaun ba problema inundasaun ne’ebé akontese iha kapital Dili. Karik governu laiha osan, PN loke odamatan atu governu ba husu osan hodi rezolve asuntu emerjensia.
OJE La Liu iha PN, CNRT Fó Sala PR Lú Olo
January 26, 2020Tempotimor (Dili) - Governu la funsiona normál hafoin Bankada Governu, Congresso Nacional Reconstrução Timor-Leste (CNRT) la vota afavór ba Orsamentu Jerál Estadu (OJE) tinan fiskál 2020.
PLP Konfesa Pekadu CNRT
January 24, 2020Tempotimor (Dili) - Partidu Libertasaun Popular (PLP) deklara sai kauza husi bloku koligasaun Aliansa Mudansa ba Progresu (AMP) ne'ebé fahe malu iha dalan klaran.
Xanana Lá Partisipa Dialogue ho PR
January 23, 2020Tempotimor (Dili) - Prezidente Partidu CNRT, Kay Rala Xanana Gusmão la partisipa iha diálogu ho Prezidenti Repúblika, Francisco Guterres Lú Olo hodi buka solusaun ba impase polítika.
Tuir observasaun tempotimor.com komitiva CNRT rasik to'o iha Palásiu Prezidensiál Nicolau Lobato Bairru-Pité tuku 08:40 Otl.
Hafoin remata Inkontru, Sekretariu Jeral CNRT Francisco Kalbuadi Lay hatoo ona razaun Xanana lapartisipa iha dialogu ho Prezidenti república.
"Razaun hato'o ona pur-eskrita ba Prezidenti república," dehan Kalbuadi iha Palácio Prezidenti Nicolao Lobato Bairo Pite Díli, Kinta (23/01).
Membru partidu CNRT nee kompostu husi Sekretáriu Jerál Partidu CNRT, Francisco Kalbuadi Lay, Vise Sekretáriu Jerál, Virgílio Smith, Xefi Bankada CNRT, Duarte Nunes, Deputada Bisoi Mali no Maria Viegas.
Diálogu entre CNRT ho Prezidente Repúblika Francisco Guterres Lú Olo la'o hela no tuir oráriu remata sei kontinua ho Partidu KHUNTO.(*)
CNRT Ezije Laran Moos Husi Entidade Hotu
January 23, 2020Tempotimor (Dili) - Partidu CNRT Husu atu entidade hotu tuur hamutuk buka solusaun ba impase polítika ho laran no fuan moos.
Partidu Consello Nacional Reconstrução Timor-Leste (CNRT) hafoin remata entrega surat husi Prezidente CNRT, Kay Rala Xanana Gusmao ba Prezidente Repúblika, Francisco Guterres Lú Olo, apela atu partidu polítiku no entidade sira hotu ne'ebé halo diálogu atu ko'alia ho onestu no domin hodi hetan solusaun di'ak.
"Hotu-hotu tenke mai ho vontade moos tebetebes atu mai buka solusaun, ho domin no dame," dehan Sekretáriu Jerál CNRT, Francisco Kalbuadi Lay, iha Palásiu Prezidensiál, Bairru-Pité, Kinta (23/1).
Nia akresenta, CNRT mai ho vontade atu rona hanoin hotu husi Prezidente Repúblika tanba ne'e husu ba povu tomak atu hakmatek.
Hafoin Orsamentu Jerál Estadu (OJE) tinan fiskál 2020 xumba iha Parlamentu Nasionál, Xefe Estadu deklara halo diálogu ho entidade hotu. Nune'e, CNRT maka sai nu'udar partidu polítiku ba dahuluk diálogu ho Prezidente Repúblika. (*)
Babo: Lalika Hakfodak, CNRT Hanoin Di'ak ba Nasaun
January 21, 2020Tempotimor (Dili)- Hafoin deputadu 21 husi Bankada CNRT vota Absteinsaun no kontra Proposta OJE husi Governu AMP, Ministru Negosiu Estranjeiru no Kooperasaun (MNEK) Deonisio Babo husu atu labele hakfodak ho situasaun politika ne'ebé daudauk ne'e mosu tanba asaun husi partidu CNRT nu'udar asaun hanoin nasaun.
in English
Popular
Error: No articles to display
.