Login to your account

Username *
Password *
Remember Me

Tempotimor (Dili)-Deputada Bankada opozisaun Congresso Nacional de Reconstrução de Timor (CNRT), Venerand Lemos Martins, krítika Governu laiha neon hodi hadau rai no edifísiu eis mezeun Komoro husi juven sira iha Asosiasaun Arte Moris.

"Ha'u lori bankada CNRT nia naran hakarak hato'o solidaridade ba arte moris, ne'ebé horseik Governu de faktu ida ne'e, halo despeisu obrigatóriu iha sira-nia fatin Komoro. Ha’u lamenta tebes ho hahalok ida ne'e, Governu ne'e hanesan neon laiha. Hahalok ne’ebé hatudu ka hases, dudu ses tiha artista no pintura timoroan sira husi Arte Moris ninian, halo ita triste tebe-tebes”, dehan Deputada Veneranda iha nia intervenaun iha debate Orsamentu Jerál Estadu 2022, plenária PN, kinta (02/11).

Bankada CNRT haree katak fatin ne’ebé juventude Arte Moris utiliza hodi hamahan-an ba ne'e desde, tinan 18 ona, maibé derepente de'it iha loron 1 fulan-dezembru Governu obriga sira hodi soe sai joven sira-nia sasán.

Maske joven Arte Moris durante ne'e pinta  erói, veteranu, no luta na'in sira, ho sentimentu tomak no sira hasai hotu sira-nia espresaun, arte ba pintura ida, maibé Governu laiha neon hodi soe estraga sira-nia sasán no pior liu Governu halo despaisu obrigatóriu sein fó medida ruma, fatin no alternativa ruma atu sira bele hela.

"Governu ko’alia barak tebtebes dehan tenke konserva arte no kultura, maibé despeisu obrigatóriu ne’ebé hasoru Arte Moris, hatudu katak Governu ida ne’e laiha sensiebilidade oituan ba jove sira ne’ebé hakarak atu hasai sira-nia talentu liuhusi Arte Moris ida ne'e”, afirma nia. (*)

Tempotimor (Dili)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, la preokupa ema hadau malu kandidata-an ba Prezidente Repúblika (PR) iha tinan 2022.

Tempotimor (Dili)-Congressu Nacionál de Reconstrução de Timor (CNRT) fiar sei hetan rezultadu di'ak iha eleisaun prezidénsia no palamentar tanba durante halo reajustamentu estrutura iha suku no postu ne'e hatudu reasaun pozítivu.

Tempotimor (Dili)-Partidu Congressu Nacionál de Reconstrução de Timor (CNRT) agaradese ba saudozu Francisco Xavier do Amaral hanesan proklamadór no fundadór Estadu Repúblika Demokrátika Timor-Leste (RDTL) iha loron 28 fulan-novembru tinan 1975.

Tempotimor (Dili)-Xefe Bankada Congresso Nacionál Reconstrução de Timor (CNRT), Duarte Nunes konsidera desizaun Governu hodi prevé orsamentu rihun U$400 ba selebrasaun loron proklamasaun independénsia ne'e hanesan kontribui gastu ida ne’ebé haluha vitima inundasaun sira durante ne’e iha lona okos. 

Tempotimor (Dili)-Vise Xefe bankada CNRT, Patrocinio Fernandes hatete, sira orienta ona komunidade aldeia 12 outubru, Suku Komoro atu rezolve poblema disputa rai tuir dalan justisa nian.

Tempotimor (Dili)-Kompaña Mira Mar Blok dadaun ne'e kontinua halo esforsu oioin atu hadau rai ne’ebé okupa iha Bairo Santu António Tali-Laran, Aldeia 12 Outubru, Suku Komoro.

Tempotimor (Dili)-Deputada Bankada Opozisaun Congresso Nacionál de Reconstrução de Timor (CNRT), Maria Fernanda Lai, sente hakfodak ho ministériu balun laiha koiñesimentu kona-bá polítika Governu hodi koa osan pursentu hitu (7%) kada ministériu liuhusi proposta rakifikativu OJE 2021.

Tempotimor (Dili)-Deputada Bankada Opozisaun Congresso Nacionál de Reconstrução de Timor (CNRT), Maria Fernanda Lai, konsidera Governu budu orsamentu raktifikativu millaun UD$100-resin ne'ebé mak Parlamentu Nasionál aprova hodi responde ba dezastre naturál loron 4 fulan-abril 2021.

Tempotimor (Dili)-Deputadu Bankada Congresso Nacionál de Reconstrução de Timor (CNRT), Ricardo Batista hatete, Ministru Agrikultura Peskas (MAP), Pedro dos Reis, presiza esplika ezekusaun orsamentu ba manutensaun Ró peska no Ró industria ne'ebé prevé iha Orsamentu Jerál Estadu (OJE) 2021.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter