Tempotimor(Dili)-Aviaun Airasia marka 9M- AGH  ne'ebé charter husi New Timor Airlines (NITA)/Air Timor voo husi Malázia mai Dili lori pasajeiru na’in-44 no apoiu umanitária hanesan Medical Supplies.

Aviaun ne'e tun iha aeroportu Prezidente Nicolau Lobato komoro, sesta (07/05) maizumenus, 12:30 otl, tuir loloos apoiu umanitária, maibé tanba limitadu atu prosesu ne'e mak lori de’it Medical Supplies.

“Tuir loloos apoiu umanitária ne'e iha duni, ami hetan aprovasaun ne'e hotu tanba tempu limitadu atu prosesu ne'e mak la konsege, entaun ohin (07/05) ne'e foin mak Medical Supplies”, informa funsionáriu la temi naran iha Aeroportu Prezidente Nicolau Lobato, Comoro, sesta (07/05).

Tanba ne’e, prosesu ba apoiu umanitáriu balun la konsege mai, maibé sei tula mai iha Timor-Leste ho vó (flight) tuir mai. 

Aviaun Airasia ne'e lori pasajeiru timoroan no estranjeiru balun hamutuk na’in-44 husi Malázia mai Dili.

Aviaun refere tula ekipamentu umanitária, maski airAsia ne'e nu'udar aviaun komersial ne'ebé charter direita husi New Timor Airlines (NITA)/Air Timor.

Entretantu aviaun refere tula fila pasajeiru husi Dili ba iha Malázia hamutuk na’in-43.(*)

Tempotimor (Dili)-Aviaun Air Asia Berhad, Ohin loron sesta (07/05), sei tula apoiu umanitáriu mai vítima dezatre naturál iha Timor-Leste.

Tuit ajenda ne'ebé www.tempotimor.com asesu husi ofisial katak, Ministériu Transporte Komunikasaun, Autoridade Aviasaun Sivíl Timor-Leste liuhusi diresaun seguransa operasional halo aprovasaun ba Aviaun ne’ebé Sei semo husi sidade Kuala Lumpur-Malázia hodi tula apoiu umanitáriu mai vítima afetadu dezastre naturál iha Timor-Leste.

Aviaun Air Asia Berhad ne’ebé sei ho tipu A320, númeru semo AK7120/AK7131, númeru rejistrasaun 9M-AGK/AGL/AGE, ho nia kuantidade ka todan hamutuk 75.500 KGS.

Aviaun refere sei to'o iha Aeroportu Internasionál Prezidente Nicolau Lobato, Komoro, ohin sesta (07/05), maizumenus tuku 12:25 otl, hafoin iha tuku 13:55 otl, sei semo husi Dili ba Kuala Lumpur-Malázia.(*)