Tempotimor (Dili)- Tribunál Distritál Dili (TDD), ohin hahú halo julgamentu primeiru interrogatóriu ba arguidu Prezidenti Autoridade Nasional Comunicação (ANC), ho inisial JOF.

Tempotimor (Dili) – Ohin Timoroan hotu komemora loron proklamasaun unilaterál independénsia ba dala-45, iha loron ne’e mós Tribunal Distrital Dili (TDD) halo hela primeiru julgamentu ba Prezidenti Autoridade Naisonál Comunikasaun (ANC) ho inisial JOF relasiona ho kazu Internet ilegál.

Tempotimor(Dili)- Komandandante Polisia Nasional Timor Leste (PNTL), Komisariu Faustino da Costa rekonese katak, parte komandu orienta ninia membru sira liuliu Servisu Investigasaun Kriminal (SIK) hodi halo kapturasaun ba Prezidente ANC Joao Olivio Fretias tanba simu no ezekuta mandadu husi Tribunal.

Tempotimor (Dili) – ID falsu iha média sosiál, sai preokupasaun ema barak. Inklui mós governu. Tan ida ne'e, Autoridade Nasionál Komunikasaun (ANC), hamosu ona sistema registu ba servisu telemovel pre-pagu (MSRS). Maibé, sistema ida ne'e seidauk bele redus totál ID falsu.

"Ami hamosu ona sistema MSRS. Maibé, la signifika atu redus totál kedas ID falsu. Ne'e, hanesan aspetu ida atu kontribui hodi hamenus ID falsu," dehan Prezidente Konsellu Administrasaun, Autoridade Nasionál Komunikasaun (ANC), João Olivio Freitas ba jornalista hafoin lansamentu sistema MSRS, iha salaun Ministériu Transporte e Komunikasaun (MTK), Kaikoli, Sexta, (29/11/19).

Nia relata, sistema MSRS ne'e atu hatene loloos ema hira mak uza sim card operador telekomunikasaun iha rai-laran ne'e.

"Sistema ida ne'e, ami dezenvolve par bele hatene SIM card ne'ebé mak la rezistu, operador sira sei foti desizaun blokeia hotu sim card ilegál, hodi hamenus ID falsu," tenik João.

Nia afirma, sistema MSRS mós hanesan meus ida ba redusaun problema krime sibernetika nian.