Items filtered by date: Friday, 03 June 2022

Tempotimor (Dili)-Ministra Saúde (MS), Odete Maria Freitas Belo hamutuk ho Reprezentante Organizasaun Mundiál Saúde (OMS), Arvind Mathur ho Diretór Ezekutivu HNGV, Alito Soares, lansa Sentru Kolposkopia iha Óspital Nasionál Guido Valadares (HNGV), Bidau, Dili, kinta (02/06).

Tempotimor (Dili)-Ministru Obras Públikas (MOP), Abel Pires da Silva, akompaña husi Vise-MOP, Nicolau Lino Freitas Belo, enkontru ho Embaixadór Uniaun Europeia, Andrew Jacobs, iha Gabinete MOP, Kaikoli, hodi diskute no halo avaliasaun ba implementasaun projetu estrada sira ne’ebé hetan apoiu husi Uniaun Europeia iha munisípiu sira.

Tempotimor (Dili)-Governu liuhusi Ministériu Interiór apoiu karreta ho marka Toyota Hilux hamutuk 29 ba Polísia Nasionál Timor-Leste (PNTL) husi unidade Tránzitu no Papél Unidade ema Vulneravel (VPU) iha Munisípiu sanulu-resin-tolu (13) iha territóriu tomak.

Tempotimor (Dili)-Governu liuhusi Ministériu Agrikultura (MAP) no Ministériu Finansa husi Diresaun Jerál Estatístika hamutuk ho Programa Ai-han Mundial Timor-Leste (WFP) lansa Relatóriu Levantamentu Merkadu ba dala-huluk hamutuk ho Relatóriu Presu Ai-hán fulan-Juñu.

Tuir informasaun ne’ebé www.tempotimor.com asesu iha pájina MTKI, sesta (03/06) katak, lansamentu ne’e hala’o iha loron 02 fulan-juñu tinan 2022, Vise-Ministru Komérsiu no Indústria, Domingos Lopes Antunes, halo intervensaun no partisipa hamutuk ho Ministru Agrikultura no Peskas, Pedro Reis, Country Coordinator WFP, Dageng Liu, Diretór Jerál Estatístika (MF), Elias Ferreira iha salaun City 8, Manleuana.

Objetivu prinsipál husi programa refere mak atu monitoriza impaktu COVID-19, mudansa klimátika, no konflitu globál ba presu merkadória iha rai laran.

Tanba avaliasaun merkadu refere konduta iha munisípiu haat (Dili, Baukau, Manufahi, no Bobonaro) atu komprende oinsá funsionamentu merkadu no halo avaliasaun ba viabilidade no risku husi transferénsia osan; no komprende oinsá bele haforsa merkadu lokál.

Ba monitorizasaun presu ai-hán hala’o kada semana ba merkadu sira iha territóriu Timor laran hanesan Ainaro, Aileu, Bobonaro, Baukau, Dili, Ermera, Lautein, Likisá, Manatutu, Vikeké, Covalima no Oekussi.

Tanba ne’e, WFP sei kontinua fó apoiu ba Governu Timor-Leste ninia responde no planu rekuperasaun sira hodi halo mitigasaun ba dezafiu globál.

Durante apresentasaun, iha diskusaun kona-ba implementasaun sesta básika, presu merkadu dadaun ne’e, nomós kona-ba inflasaun iha rai-laran. (*)

Tempotimor (Dili)-Parlamentu Nasionál (PN), kinta (02/06), konsege hala'o ona reskusaun no aprovasaun jeneralidare ba proposta lei númeru 40/V (4a) kona-ba Grande Opsaun Planu (GOP) ba tinan 2023 ne'ebé aprezenta husi Governu daualu.

Tempotimor (Baukau)-Ministéru da Saúde (MS) aprova fundus US$500 ba Óspital Rejionál Eduardo Ximenes (HoREX-sigla portugés) Baukau hodi sosa medikamentus hamutuk 12.

Tempotimor (Baukau)‐Durante fulan-5 nia laran, Diresaun Teras Propriedade (DTP) Munísipiu Baukau rekolla reseita rihun US$9.425 ba kofre estadu.