Login to your account

Username *
Password *
Remember Me

Items filtered by date: Friday, 06 August 2021

Tempotimor (Dili)-Portavóz Komisaun Interministeriál ba Vasina Kontra Covid-19, Danina Coelho informa, populasaun Timor-Leste (TL) dadaun ne’e iha pursentu 41,2 (41,2%) hahú simu ona vasina doze dahuluk.  

“Entermus nasionál, ita iha kobertura 41,2 pursentu (41,2%), iha populasaun ne'ebé mak elejível mai husi 18 anos iha Timor-Leste laran tomak mak simu ona vasina ba primeira doze, no segundu doze Timor-Leste tomak iha ona 14,3 pursentu”, dehan Danina Coelho, iha salaun MSSI, Kaikoli, sesta (06/08).

Hafoin governu lansa Kampaña Vasina ba Munisípiu Bobonaru ho forma intensiva ne'e, progresu vasinasaun hahú iha mudansa tanba populasaun iha munisípiu ne'e komesa hola konsiénsia hakat ba Sentru Saúde no Klínika sira hodi simu vasina.

“Notísia di'ak tebtebes, katak ita kuandu avansa iha Bobonaru, dia 02 de agusto ne'e, Bobonaru ninia kobertura ita hasa'e kapás, Bobonaru naton iha menus quee 20 pursentu (20%), hanesan ho munisípiu sira seluk, e ita komesa iha dia 02 to'o ohin (06/08), Bobonaru iha ona mós pursentu 25 (25%) de kobertura. Quer dizer que 25 pursentu (25%) husi ninia populasaun mós vasina ona”, informa nia.

Aleinde ne'e, iha Munisípiu Covalima, atinje ona pursentu 50-resin, Rejiaun Administrativa Espesiál Oekussi Ambeno (RAEOA) ho pursentu 41 (41%), tanba iha estratéjia ida ne'ebé bele haree ona ninia rezultadu di'ak.

Enkuantu, persentajen vasina iha kapitál Dili atinje ona pursentu 67,6  tanba populasaun barak mak hela iha Munsípiu refere.

“Munisipiu sira ne'ebé mak hamutuk hotu ho Dili ohin ha'u ko’alia ona ne'e, e atu realsa iha ne'e, munisípiu rua ne'ebé mak nia kobertura liu ona 50 pursentu (50%) mak Covalima ho Vikeké. Purtantu, sira iha ona kobertura ne'ebé mak di'ak tebtebes”, dehan nia.

Tuir planu, iha loron kinta (12/08), Governu sei lansa tan kampaña vasina Covid-19 iha Munisípiu Baukau, ho doze hamutuk rihun-50, tanba ema idade elejível sira hamutuk na'in-rihun-50 mak seidauk partisipa iha vasina Kontra Covid-19. (*)

Published in Saude

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) iha loron 06 fulan-agustu, rejistu kazu Covid-19 foun 161 no totál pozitivu iha munisípiu Ermera hamutuk 683.

Published in Saude

Tempotimor (Dili)-Vise Primeiru Ministru no Ministru ba Planu no Ordenamentu Teritorál, José Maria dos Reis hatete, Timor-Leste (TL) selebra ona ona akordu rua ho nasaun sira iha Comunidade Paises da Lingua Poruguesa (CPLP) hodi hametin kooperasaun hafoin partisipa simeira iha Luanda-Angola.

Published in Politika

Tempotimor (Covalima)-Manuel de Jesus Pires, Koordenadór iha Suku Dato-Tolu, Postu Administrativu Fohorem, Munisípiu Covalima husu, ba governu atu fó bolsu estudu ba povu ki’ik nia-oan sira hodi kontinua estudu hanesan mós ho veteran nia-oan.

Published in Edukasaun & Kultura

Tempotimor (Dili)-Parlamentu Nasionál (PN) deside ona prosesu atu hari’i uma fukun foun iha fulan-agostu tinan 2021 to'o 2023.

Published in Politika

Tempotimor (Dili)-Deskonfia Vítima Leandro Xena ne’ebé tolok Sekretáriu Jerál Partidu Fretilin, Mari Bin Amude Alkatiri ho Prezidente Repúblika (PR), Francisco Guterres ‘Lú Olo’, tanba ne’e hetan asatu husi suspeitu na’in-tolu (3) kinta (05/08), maizuomenus tuku 18:00, iha área Bebora, Suku Motael, Postu Administrativu Vera Cruz, Munisípiu Dili.

“Ho sira, ha'u laiha problema pesoál, ha'u mós durante ne'e nunka ransu ho sira, e depois de problema sira hasai liafuan ida dehan katak, ami baku ita-boot ne'e, tanba ita-boot ne'e mak tolok doutór Marí Alkatiri, tolok Prezidente. Ha'u dehan, ha'u lahatene. Ha'u to'o horibainhira mak ha'u hasoru doutor Marí Alkatiri, ha'u hasoru Prezidente direta para ha'u tolok, e ha'u nunka hasoru para ha'u tolok. Ha'u tolok saida”, dehan Leandro Xena, hafoin hato'o keixa ba Polísia Sientifíka Investigasaun Kriminal (PCIC) iha Kaikoli, sesta (06/08).

Tanba ne’e, vítima hatene suspeitu sira hanesan joven partidu Fretilin, “Ha'u hatene sira hanesan mós juventude Fretilin ne'ebé mak baibain sempre hatene. Mais ha’u la koñese di'ak, so ida de'it mak ha'u koñese di'ak, ida Ruben ne'e tanba uluk mós nia ho ami hamutuk iha partidu CNRT, sira iha ekipa ida Naroman ne'e, mai apoia partidu CNRT. Agora, ida fuk naruk ne'e naran Rozitu, ne'e ha'u nunka koñse iha ha'u nia vida, ha'u foin hasoru nia dala-rua”.

Ante akontesimentu ne’e, iha loron fulan-Jullu tinan 2021, suspeitu Ruben, ba derepente iha Minitériu Turízmu Komérsiu no Industria (MTCI) nian, hodi hasee no husu ba vítima dehan, ba halo saida, maibé vítima hatan servisu iha ministériu refere.

“Ha'u mós husu ba dehan, bro ita-boot husu ne'e, nusá, ha'u la komprende, tanba ha'u funsionáriu iha ne'e. Ita-boot sé, ha'u la komprende ita-boot husu ha’u ne'e. Ne'ebé sira mós hakat ba ministru nia fatin, ha'u sei tuir ba ha'u dehan, bro, ha'u la koñese ita-boot. Sé hakarak maun-alin karik, foti ha'u-nia númor telefone ba, buat ruma kontaktu”, konta tuir.

Tuir kronolójia, iha kinta (05/08) oras lorokraik, vítima husi nia uma Tasitolu, atu foti sasán balu husi iha Mandarin, no bainhira to'o iha uma oin, haree suspeitu sira tuur hemu hela kafé iha kios uma oin.

Bainhira atu tama ba uma laran, vítima mós hasee no fó komprimenta di’ak ba suspeitu sira, nune'e mós bainhira sai fali mai liur, vítima kontinua hasee sira ho di’ak nafatin hanesan baibain.

Maibé, suspeitu sira derepende hamrik hodi asalta lisuk vítima to'o monu ba rai hodi rezulta kanek iha ibun, oin, kabás no liman sikun parte sorin loos.

Hafoin akontesimentu, vítima ho família ba kedas hato'o keixa iha PSIK hodi buka tuir suspeitu sira no prosesa tuir dalan legál.

Reprezentante família husi suspeitu na'in-tolu, Florentino Ximenes da Costa hatete, kazu ne'e mosu la'ós tanba partidu, maibé tanba de'it dehan vítima ko’alia aat (tolok) lideransa nasionál na'in-rua.

“Atu hatete de'it katak, buat ne'e iha asaun mak, mosu reasaun. Maibé, buat hothotu oras ida ba Tribunál mak ita haree. Problema partikulra, problema tolok, liafuan tolok ligasaun ho partidu saida. Insulta ba lideransa nasionál, tanba ne'e mak mosu asaun ne'e. Laiha partidu”, dehan nia.

Suspeitu na’in-tolu ne’e hanesan jerasaun patriota nia oan, ne’ebé sente la satisfas bainhira rona sidadaun ida tolok lideransa nasionál sira hanesan Sekretáriu Jerál Fretilin, Marí Alkatiri ho Prezidente Repúblika, Francisco Guterres ‘Lú Olo’.

“Ne'e mídia sosiál mak halo viral partidu, mais laiha partidu iha ne'e. Tanba sira na'in-tolu ne'e oan kiak hotu, aman mate hotu iha funu laran, la gosta bainhira liafuan insultus hasoru lideransa nasionál. Tanba ne'e mak inísiu ohin ha’u dehan, iha reasaun mak mosu asaun ne'e”, afirma nia.

Tanba ne’e prezensa sira-nia iha Komanadu Munisípiu Dili, la’ós reprezenta partidu, maibé hanesan família atu fó apoiu moral ba suspeitu sira.

“Hanesan família, mai fõ apoiu morál ba maun-alin n'ain-tolu ne'e, atu haree, ita hothotu hatene, horisehik kazu ne'e viral loos iha mídia social”, esplika nia.

Enkuantu, suspeitu na'in-tolu, oras ne'e Polísia Nasionál Timor-Leste (PNTL), liuhusi komandu munisípiu Dili kaptura ona no halo hela identifikasaun, investigasaun, hafoin kontinua ba prosesu tuir dalan legál. (*)

Published in Justisa

Tempotimor (Dili)-Ministériu Negósiu Estranjeiru Kooperasaun (MNEK) prontu hala'o resenseamentu eleitorál iha diaspora (estranjeiru) husi loron 3 fulan-setembru tinan 2021 to’o loron 14 fulan-janeiru tinan 2022.

Published in Politika

Tempotimor (Díli)-Diretór Jerál Sekretáriu Estadu Formasuan Profesional no Empregu (SEFOPE), Paulo Alves informa, kritériu sidadaun Timoroan ne’ebé atu ba servisu iha nasaun Austrália la permite simu vasina Sinovac husi nasaun Xina, tanba antes ne’e Governu Austrália rasik apoiu vasina AstraZeneca atubele fasilita timoroan.

Published in Saude

Tempotimor (Covalima)-Koordenadór Postu Administrativu Fohorem, Tomas de Carvalho husu, ba governu liuhusi Ministru Obras Públiku (MOP) atu konstrui ponte iha mota Tafara nia, atubele fasilita komunidade sira husi postu Fohorem ba mai Postu Suai.

Published in Ekonomia

Tempotimor (Dili)-Ministru Finansas (MF), Rui Augusto Gomes  informa, polítika investimentu fundu minarai ne’ebé Governu halo ona ba Prezidente Repúblika (PR), Francisco Guterres 'Lú Olo’ atubele informadu kona-ba fundu minarai.

Published in Ekonomia
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter