Items filtered by date: Thursday, 22 July 2021

Tempotimor (Dili)-Primeiru Ministru (PM), Taur Matan Ruak hatete, Governu sei halo diskusaun alokasaun orsamentu ba eleisaun prezidensiál iha períodu 2022-2027, tanba iha ona proposta ona.

“Proposta iha ona, diskusaun Ministériu Finansas (MF) sei haree hela”, dehan PM Taur hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál, Bairopite, kinta (22/07)

Dadaun ne'e, governu hahú prepara ona eleisaun prezidensiál ne'ebé sei realiza iha tinan 2022. (*)

Tempotimor (Dili)-Vise Prezidente PN, Luís Roberto hatete, posibilidade Parlamentu Nasionál (PN) sei bolu hikas deputadu sira iha tempu resesu atubele partisipa debate kona-ba autorizasaun deklarasaun Estadu Emerjénsa (EE) ba dala-16.

Tempotimor (Dili)-Reitór Universidade Nasionál Timor Lorosae(UNTL), João Soares Martins hatete, aula prezensiál ba estudante UNTL sei hein instrusaun husi Ministériu Ensinu Superior Siénsia no Kultura (MESSK), tanba karta komunikasaun formál ba universidade atu reativa aula prezensiál.

Tempotimor (Dili)-Prezidente Komisaun B trata asuntu defeza no Seguransa, deputadu José Agustino Siqueira ‘Somotxo’ hatete, sidadaun ida-idak tenke asume responsabilidade no hamoris espíritu nasionalizmu no patriotizmu atubele kombate covid-19 iha rai laran.

Tempotimor (Dili)-Vise Primeira Ministra no Ministra Solidaridade Sosiál no Inkluzaun (MSSI), Armanda Berta dos Santos hatete, governu presiza prepara fatin atu aseguran distribuisaun ai-moruk vasina iha rejionál sira.

Tempotimor (Dili)-Prezidente Partidu Kmanek Haburas Unidade Nasionál Timor Oan (KHUNTO), Armanda Berta dos Santos, ofisialmente seidauk deklara ba públiku, atu kandidata ba Prezidente Repúblika (PR) periodu tinan 2022-2027.

Tempotimor (Dili)-Prezidente Repúblika (PR), Francisco Guterres 'Lú Olo', husu governu atu kontinua fó atensaun hodi kontrola sidadaun  atubele kumpri nafatin regra husi Organizasaun Mundiál Saúde (OMS) ba prevensaun moras Covid-19.

Primeiru Ministru (PM), Taur Matan Ruak informa, enkontru semanál ho Prezidente Repúblika ko'alia asuntu evolusaun situasaun Covid-19 iha Timor-Leste nomós prosesu vasinasaun ne'ebé la'o hela.

“Prezidente Repúblika husu atu governu kontinua fó atensaun nafatin ba ita-nia sidadaun sira, atu prevenidu tuir regra sanitáriu sira ne'ebé Organizasaun Saúde Mundiál (OMS) no ita-nia Ministériu Saúde (MS) fó, atu ita kontinua hases-an husi moras ne'e”, dehan PM Taur hafoin sorumutu ho Prezidente Repúblika iha palásiu prezidensiál Bairopite, kinta (22/07).

Tanba ne’e, Governu preokupa liu tanba evolusaun variante foun Corona-Delta iha nasaun viziñu sira iha Indonézia liliu iha Kupang, Atambu alende mós Austrália.

Ho ida ne’e, labele falta ba vasina, tanba ne'e dalan úniku, atubele proteje-an husi  ema idaidak.

“Ita-nia vasina la'o di’ak kuaze to'o agora, ita simu vasina hamutuk rihun-atushaat-neennolu-resin ita uza tiha ona rihun-atustolu (300.000) resin, espera katak iha tempu badak ne'e bele uza hotu”, dehan nia.

Alende ne'e governu mós kontinua fó vasina nafatin ba sidadaun sira, nune'e Ministériu Saúde ho Komisaun Interministerál sei haree fó prióridade liliu ba munisípiu Dili, Bobonaru, Covalima, Oekussi nomós sira ne'ebé iha fronteira atu proteje uluk.

Entretantu Prezidente Repúblika husu ba Primeiru Ministru atu tau matan ba fronteira daudaun ne'e, governu taka ona fronteira no  sasán de'it mak bele mai iha rai laran. (*)

Tempotimor (Díli)-Diretór Eskola Ensinu Sekundáriu Jerál (ESG) 4 Setembro UNAMET Balide Dili, Sergio Alfredo da Cruz hatete, inan aman estudante sira kontribui osan US$0.50 hodi hadi’a fasilidades eskola l inklui selu profesór voluntáriu sira.

Tempotimor (Díli)-Provedoria Diretiu Umanus no Justisa (PDHJ) husu Governu ho Parlamentu Nasionál (PN) atu aselera ratifikasaun konvensaun internasionál bá direitu ema ho difisiénsia (EhD).