Items filtered by date: Thursday, 10 June 2021

Thursday, 10 June 2021 22:59

PM Taur: Laiha Razaun Hapara Expo Dubai

Tempotimor (Dili)-Primeiru Ministru (PM), Taur Matan Ruak hatete, governu laiha razaun atu hapara Expo Dubai tanba programa ne'e diskuti durante tinan barak nia laran.

Published in Politika

Tempotimor (Dili)-Liga ba kandidatu Falintil Frsa Defeza Timor-Leste (F-FDTL) foun ne’ebé liu na’in 20 la koñese Prezidente Repúblika (PR), Francisco Guterres Lu Olo no Primeiru Ministru (PM), Taur Matan Ruak, mak deputada bankada Partidu Libertasaun Popular (PLP), Maria Angelina Sarmento, husu ba komisaun rekrutamentu F-FDTL atu hasai tiha kandidatura sira ne'e.

Published in Seguransa Defesa

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Monis, prefere deputadu sira iha Parlamentu Nasionál (PN) nakloke hodi simu-malu iha diskusaun espesialidade ba proposta alterasaun lei resenseamentu eleitorál no eleisaun prezidénsial.

Published in Politika

Tempotimor (Dili)-Komisaun Anti Korrupsaun (KAK) liuhusi servisu prevensaun no sensibilizasaun rekomenda ba Ministériu Transporte no Komunikasaun (MTK) atu suspende proviziria operasaun Ró Tranship II, tanba rezultadu inspesaun deteta iregularidade iha prosesu aprovizionamentu.

Published in Justisa

Tempotimor (Dili)-Ministru Finansa (MF), Rui Gomes esplika responsabilidade Unidade Planeamentu Monitorizasaun no Avaliasaun (UPMA) tuir lei orgánika iha planeamentu estratéjia no monitorizasaun ba ezekusaun programa.

Published in Politika

Tempotimor (Dili)-Ministru Obras Públika (MOP), Salvador Pires, deside entrega projetu programa Estrada Rural ba Dezenvolvimentu (ERD) ba Kompaña Nasionál hamutuk 22 atu implementa iha munisípiu lima tuir konkursu públiku ne’ebé kompaña manán.

“Ohin munisípiu Dili, Baukau, Vikeké, Manatuto nomós Likisá tama ona prosesu aseitasaun asina kontratu bele halo mobilizasaun ba manutensaun rutina no manutensaun periodika iha liña ministeriál nian”, dehan Ministru Salvador iha salaun Novo Turizmo hafoin halo lansamentu Projetu ERD 2021, kinta (10/06)

Totál investimentu Estrada Rurál kuaze 816 kilometru (Km) mak iha orsamentu jerál tinan 2021 ho montante millaun US$40, ba durasaun tempu sempre hala’o servisu tinan ida (ano fiscal).

“Ita-boot sira hatene katak programa Estrada rurál ba dezenvolvimentu ne’e governu kapital investimentu tinan ne’e ita tau 40 milhões dolare ne’ebé fahe ba 13 milhõens iha liña minitériu manutensaun periodika nomós manutensaun rutina e reabilitasaun ba infraestrutras kuaze 35 milhõens e ne’e ba pakote 69 projetu”, dehan nia

Nune’e Diretora Kompaña Rozi Construction, Roza Maria Ornai, husi Munisípiu Baukau hatete governu fó ona resposabilidade hodi hala’o kna’ar bazeia ba kontratu.

“Karta aseitasaun ne’ebé ohin ami asina, ida ne’e fó ona resposabilidade ba ami kompaña atu implementa projetu ne’ebé hetan konfiansa husi governu hodi implementa projetu tuir regra ne’ebé iha ona kontratu laran”, dehan Roza Maria.

Maibé governu Austrália mak asisténsia téknika liuhusi International Labour Organization (ILO) atu ajuda halo planemanetu dezeñu no fó treinamentu ba funsionáriu nomós setór privadu ne’ebé mak manán konkursu hodi implementa projetu tuir padraun ne’ebé bele rezulta kualidade. (*)

Published in Politika

Tempotimor (Dili)-Prezidente Repúblika, Francisco Guterres 'Lú Olo', iha loron kinta (10/06) lansa ona livru ‘Buibere Hambriik Ukun Rasik An’ iha selebrasaun loron istóriku Levantamentu Marabia ne’ebé iha loron 10 juñu tinan 1980.

“Ho laran-ksolok tebes no orgullu boot mak ha’u lansa ohin (10/06) obra importante ida, la’ós de’it ba ita-nia feto as’uain sira, maibé ba mós ita hothotu, jerasaun ohin nian no abanbairua nian”, hatete Xefe Estadu iha palásiu prezidensiál Bairopite, kinta (10/06).

Iha livru ne’e sura istória luta barani feto sira-nian lansa iha Palásiu Prezidénte Nicolau Lobato asosia ho data importante tebes ida, iha Luta Libertasaun Nasioná- Levantamentu Marabia, iha loron 10 fulan-juñu 1980.

“Husi ita-nia istória rasik, mak ita bele hasai lisaun oioin ba ita-nia moris ohinloron no ba abanbairua. Istória sura iha livru Buibere Hamriik Ukun Rasik An haree ba pasadu ida ne’ebé nakonu ho barani, determinasaun no dedikasaun, maibé ho mós halerik oioin ne’ebé sei hakanek hela sobrevivente sira”, afirma Lú Olo.

Livru ne’e mai husi inisiativa Organizasaun Popular da Mulher Timor (OPMT), nu’udar organizasaun massa FRETILIN nian, maibé reflekte feto hothotu ninia kontribuisaun ba luta, husi tinan 1974 too 1999.

 Ho kontestu koletivu ida ne’e mak Líder Istóriku hothotu fó apoiu totál no inkondisionál, hahú ho festa angariasaun fundu iha tinan 2010 no hetan mós apoiu finanseiru husi Gabinete Primeiru Ministru. Organizasaun oioin, timoroan, inklui emprezáriu sira, hatán ho apoiu di’ak tebes ba inisiativa ida ne’e.

“Ho haksolok boot mak ha’u haree katak ekipa hothotu, hari’i ba produsaun livru ne’e, kahur feto ho mane, jerasaun tuan ho jerasaun foin-sae”, hatutan nia.

Dalan ida ne’e permite fahe esperiénsia no tau hamutuk matenek ida-idak nian, husi jerasaun oioin no konsege duni prodúz obra koletiva ida ne’ebé sura no interpreta Istória Luta Libertasaun Nasionál ho perspetiva timoroan sira-nian, ho apoiu husi Nugroho, Titi no Kelly Silva.

Obra ida ne’e fó-sai ba dahuluk, no klean tebtebes, saída loos mak feto Timooan sira halo ho barani, nu’udar indivídu ka liuhusi organizasaun polítiku-partidária ka la’e, husi 1974 to’o 1999, iha rai-laran no iha rai-liur.

“Ita-nia buibere sira hatene duni foti inisiativa, organiza-an ho espíritu kriativu no matenek rasik, hatene mós oinsá lidera kna’ar oioin ne’ebé dala barak envolve mós mane sira, tuir kbi’it ho meiu sira ne’ebé iha, hodi partisipa iha prosesu luta libertasaun pátria iha frente luta hothotu”, dehan Lú Olo.

Tanba obra ne’e reflete mós importánsia papel feto sira-nian iha prosesu tomak luta nian, iha Frente Armada, Klandestina no Esterna.

Líder istóriku na’in lima asosia-an mós ho livru ne’e tanba sai autór ba prefásiu. Nune’e, líder sira ne’e mós rekoñese no valoriza feto timoroan sira, nu’udar parseiru luta-nain!  Aleinde Prezidente Repúblika, prefásiu hakerek mós husi líder istóriku Kay Rala Xanana Gusmão, José Ramos Horta, Jenerál Taur Matan Ruak no Mari Alkatiri.

Livru ne’e iha dimensaun nasionál ho valór sosiál, polítiku, istóriku no edukasionál as tebes ba jerasaun hothotu. (*)

Published in Politika

Tempotimor (Dili)-Prezidentnte Parlamentu Nasionál, Aniceto Longuinhos Guteres Lopes hatete, Parlamentu Nasionál (PN) agradese kolaborasaun igreja katólika iha Timor-Leste ba alterasaun lei mígrasaun no azílu.

Published in Politika

Tempotimor (Dili)-Governu liuhusi Sekretáriu Estadu Juventude no Desportu (SEJD) hahú halibur opiniaun sira husi públiku oinsá halo revizaun ba lei regula atividade Grupu Arte Marsiál (GAM).

Published in Desportu

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu detetadu pozitivu Covid-19 foun hamutuk na'in-140 no rekuperadu 190.

Published in Saude
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter