Items filtered by date: Tuesday, 16 February 2021

Tempotimor (Dili) - Ministru Defeza (MD) Filomeno Paixão de Jesus, hatún ona nota ba Xefe Estadu Maiór F-FDTL kona-ba deskonfia membru forsa balun uza arma tiru komunidade nia karau iha munisípiu Bobonaro.

Published in Bobonaro

Tempotimor (Dili)- Ekipa Forsa konjunta komposta hosi Polísia Nasionál Timor-Leste (PNTL) no FALINTIL- Forsa Defeza Timor-Leste F-(FDTL) ohin detein tán sidadaun na’in-17 ne’ebé halo viazen husi Atambua tama ilegál mai Timor-Leste.

Published in Bobonaro

Tempotimor (Dili)- Komandu Polísia Munisípiu Bobonaru koopera ho ekipa Pilar III Covid-19 ba foti obrigatóriu ou kaer abitante na’in-11 iha Suku Lourba, Postu Administrativu Bobonaru, Munisípiu Bobonaru hodi sumbete ba kuarentina iha Batugade, tanba tama ilegál husi fronteira terestre mai Timor-Leste.

Published in Bobonaro

Tempotimor (Dili) -Orsamentu Jeral Estadu (OJE) ba tinan 2021 ne'ebé aloka ba Ministeiru Saúde (MS) la defini kona-ba item sosa vasina Astrazeneca's ne'ebé tuir planu atu implenta iha Timor-Leste.

Published in Politika

Tempotimor (Dili)- Implementasaun programa Cesta Bazika, Grupu Haburas Mata Dalan Koperativa (HMDK) ne'ebé ezisti iha suku Makadiki, postu-administrativu Uatulari, Munisípiu Vikeke konsidera Ministru Kordenador Asuntu Ekonómiku (MKAE) falla iha komfirmasaun ba produtu lokál.

Tanba, koperativa HMDK Uatulari ninia esforsu hodi rekolla komunidade sira nia produtu lokál fos rai sei sufisiente hela, maibe MKAE deklara fali katak, produtu fos la sufisiente ona.

Afonso dos Reis nu'udár prezidenti koperativa HMDK konsidera deklarasaun MKAE, Joaquim Amaral katak, produtu menus ne'e laloos, tanba dadauk fos rai ne'ebé Uatulari iha total kuaze 700 tonelada mak governu seidauk ba rekolla.

Nia haktuir, Grupu Haburas Matan Dalan Koperativa suku makadike rasik mos agora dadauk nafatin rekolla hela fos rai husi populasaun sira, tau iha armajen koperativa makadike nian, kuaze 300 tonelada ona.

"Ami nia produtu ne'e sei barak liu, Koperativa haburas matan dalan ne'e kuaze ami numeru tonelada ne'e ami hetan ona total 400 tonelada no sei hatama tan, ne'ebe ami kontinua enkamiña ba sesta bazika ne'e para to'o hotu,"dehan nia ba www.tempotimor.com liu-husi via telefone tersa (16/2).

Nia haktuir, mezmu prezensa Koperativa Makadike ejiste la'os hanesan kompañia, maibe hanesan nafatin esforsu rekolla fos rai husi komunidade.

"Agora fos sira ne'ebé hatama mai ne'e hada hela iha ami nia armajen, ne'ebé hanesan ministru ohin hatete katak, se kompañia hatama relatroiu ruma katak, se produtu lokal ne'e menus, hakarak atu ba kontratu fali ho (Ministériu Turizmu Komersiu Indusdustria) MTCI, maibe ami nia produtu iha ne'e sei barak,"dehan nia.

Nune'e, parte sira husu ministru presiza ba identifika produtu sira iha suku makadiki, tanba produtu sira iha ne'eba kuaze 700 tonelada mak seidauk rekolla husi populasaun.

Baihira governu la utiliza produtu fos rai ne'ebé sira prepara ba programa Cesta Bazika mak sei estraga de'it.

"Hau preokupa, kuandu governu ba taka derepente de'it maka ami nia produtu lokál ne'ebé agora dadauk preparadu ba Cesta Bazika keta la ba, ida ne'e problema ida mai ami autoridade lokál,"nia preokupa.

Tanba ne'e, husu ba Ministériu Kordenador Asuntu Ekonomiku (MKAE) presiza ba halo konfirmasaun ho parte koperativa sira oinsa mak toma atensaun ba sira nia produtu lokál.

"Karik produtu lokal sira seluk mak hotu, maibe uatulari nia produtu lokál sei barak para atu fornese ba Cesta Bazika,"dehan nia

Durante ne'e, Koperativa makadiki oferese ona fos rai ba kompañia Jacinto Lda ho total 400 tonelada, inklui enkamina mos ba Centru Logistika Nasional (CLN) ho total tonelada 100-resin.

Antes ne'e, Ministru Kordenador Asuntu Ekonomiku (MKAE), Joaquim Amaral deklra, produtu lokál fos rai la sufisiente ona, nune'e utiliza mos fos importasaun hodi distribui ba komunidade sira liu-husi programa Cesta Bazika. (*)

Published in Viqueque

Tempotimor (Dili)-Bazeia ba desizaun husi Tribunál Distritál Dili (TDD) hodi fó Termu Identidade Rezidénsia (TIR) ba membru na’in hitu husi Komisaun Polítika Nasionál partidu Kongresu Nasionál Rekustrusaun Timor (CNRT), mak membru CPN ne’ebé hetan ona TIR ezije ba Parlamentu Nasionál atu hasai mós imunidade deputadu na’in 21 ida nian.

Published in Politika

Tempotimor (Dili) - Governu liuhusi ministériu Saúde (MS) hamutuk ho parseiru sira defini totál 20% husi populasaun Timor-Leste mak sei hetan uluk vasinasaun tanba konsidera risku ba propagasaun pandemia Covid-19.

Ministra Saúde Odete Belo, esplika governu hetan apoia finanseira husi governu Austrália hodi sosa vasina husi covac advance facility ho tipu Astrazeneca.

Orsamentu ne'ebé governu Austrália oferese hamutuk millaun $80 ba governu dezenvolvidu sira inklui Timor-Leste.

"Apoiu gratuita liuhosi covac facility iha-ne'ebá iha OMS no UNICEF ne'ebé sira defini ona kritéria ba populasaun sira-ne'ebé mak risku aas atu hetan vasina, kost facility ne'e defini kedas presentajen ema ho risku aas bele hetan ou kontajia ho Covid-19 mak 20% husu totál populasaun," nia dehan.

Odete hatutan, ekipa tékniku Ministériu Saúde rasik defini ona 20% populasaun ne'ebé sei hetan vasina dahuluk Astrazeneca mak hanesan 3% ba liña frente sira mak pesoál saúde, funsionáriu alfándega, migrasaun, polísia, profesór, FALINTIL-FDTL no Relijioza sira.

Nune'e 5% ba populasaun katak ema ne'ebé ho moras krónika hanesan diadetes, kardiátiku, rins inklui mos seluk tan, 8% ba idade idozu sira katak tinan 60 ba leten no 4% ba grupu seluk mak populasaun ne'ebé hela iha fronteira hanesan Suai, Bobonaro no Oecusse.

Odete akresenta, sei esforsu atu 80% husi populasaun Timor-Leste sei hetan mós vasina, nune'e governu iha dalan rua hanesan uza oportunidade atu asesu fundu hosi bilateralmente ho governu Austrália, no aternativa seluk mak governu sei aloka osan rasik hodi sosa vasina.(*)

Published in Saude

Tempotimor (Covalima)-Relasiona ho aplikasaun serku sanitária iha munisípiu Covalima no Bobonaro, mak Administradór munisípiu Covalima Afonso Noguera Nahak husu ba komunidade sira hakmatek iha fatin hodi kumpri desizaun governu ba kombate Covid-19.

Published in Covalima

Tempotimor (Dili)-Membru Parlamentu Nasional (PN) husi bankada Partidu Libertasaun Popular (PLP) Noé da Silva Ximenes "Buka Tuir" husu Ministru Koordenadór ba Asuntu Ekonómiku (MKAE), presiza klarifika razaun kona-ba kuantidade cesta bázika ne'e, tanba deskonfia valór orsamentu la hanesan ho osan $50.

Published in Politika

Tempotimor (Covalima)-Bazeia ba desizaun governu ne’ebé aplika serka sanitáriu (lockdown) iha Covalima no Bobonaro, mak diretór eskola Ensinu Báziku Sentral (EBC) III síkulu São Luis Gonzaga Suai, Jeremias Soares (64) husu governu atu taka hotu atividade no prosesu aprendisajem nian, tanba sei halibur estudante barak.

Published in Covalima
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks

Online Counter